Corpo de Cristo
A Igreja é o Corpo de Cristo — organismo vivo onde cada membro tem função única e indispensável. Cristo é a cabeça; nós somos seus membros.
Um corpo, muitos membros
Assim como o corpo é um e tem muitos membros, assim é Cristo. Nós somos o corpo de Cristo e individualmente seus membros.
Dun ni sambuk na lawas awun madég na punganan. Aw ya tagsambuksambuk yeiy awun imo-unun manang walaꞌ pag-unawa. Maynan uman kitadun na manga mangintu-uway. Ya tagsambuksambuk kanaten awun imo-unun dun ni lawas ni Kristu.
Na, kitadun saba na manga mangintu-uway ya palangad lawas ni Kristu, aw ya tagsambuksambuk kanaten nyakasambuk da dun ni lawas nan.
Unu, walaꞌ mayu kaꞌ ka-ede-i na ya kamayu lawas sugpat saba na lawas ni Kristu? Aw kun nyatagtun da ni Kristu ya kanaten lawas, diliꞌ saba tumbay adti eseg na atag nan ya kanan lawas adti bubay na miggalin sa pagkaka͡ubayan nan.
Kay kasiling na lawas na utaw, awun madég na punganan aw walaꞌ pag-unawa ya manga imo-unun nilan. Maynan uman kitadun na manga mangintu-uway, pangkay madég kitadun, manang sambuk da kitadun na lawas dun ni pagpakasambuk tadun kan Kristu.
Sambuk da oloꞌ ya lawas na yan ya kadég na manga mangintu-uway. Sambuk da ya Ispiritu Santo na nyeyaꞌ dun ni tagsambuksambuk kanaten. Sambuk da ya pig-iman tadun asuntu na pigtawag da kitadun na Tyumanem.
Aw dayaw nan pig-isugpatsugpat ya kadég tadun na manga mangintu-uway, aw mig-atag sakanan sa imo-unun na umbaꞌ sa tagsambuksambuk kanaten. Aw kun pigtalabahu na tagsambuksambuk ya pigtaligu kanan ni Kristu, tumulin pa ya kadég na manga mangintu-uway na yan ya palangad lawas nan aw magkabagseg magi sa paggaginawa͡ay tadun.
Cristo, a cabeça
Ele é a cabeça do corpo, que é a igreja. O corpo cresce e se edifica em amor quando cada parte faz o seu trabalho.
Si Kristu ya palangad ulu sa kadég na manga mangintu-uway, aw silan ya palangad lawas nan. Si Kristu ya lyekatan sa bagu na ginawa tadun kay yan ya muna nyataw lekat adti nyangkamatay, pada ka-ede-an na yan ya matas sa kadég.
Ya imo-unun ni Pablo dun ni manga mangintu-uway
Na, migleya aku pangkay madég ya manga kalugan na kya-agiyan ku dun ni pagpa-edeꞌ ku kan Kristu adti kadég mayu, kay kya-untungan kamu. Aw magi dun ni pagti-is ku, malingeb ya manga pagpamulayam kan Kristu, pada ka-untungan ya kadég na manga mangintu-uway na yan ya palangad lawas nan.
Aw tumbayan na ya kalinaw na pig-atag ni Kristu kamayu, yan ya maggagad sa kamayu anenganeng. Kay pigtawag da kamu nan pada ma-imoꞌ da sambuk na lawas na yan ya manga mangintu-uway. Aw gayed kamu pagpasalamat adti kanan.
Kay walaꞌ saba ya utaw na magpakalat sa lawas nan. Yan baling ya imo-un nan ya pakanen aw ipaten. Aw maynan uman si Kristu adti kadég tadun na manga mangintu-uway kanan, kay ya tagsambuksambuk kanaten nyakasambuk da dun ni kanan lawas.