Corpo
O corpo é templo do Espírito Santo. A Bíblia ensina a cuidar do corpo com responsabilidade, moderação e respeito — honrando a Deus com nosso ser integral.
Templo do Espírito
Vosso corpo é templo do Espírito Santo. Glorificai a Deus no vosso corpo — ele não é vosso, foi comprado por preço.
ತುಮಾರು ಶರೀರ್ ಪವಿತ್ರಾತ್ಮನ ಮಂದಿರ್ ಹುಯಿರ್ಹುಸ್ಕರಿ ಬೋಲಾನು ತುಮೂನ ಮಾಲುಮ್ ಕಿಶು? ಯೋಸ್ ಆತ್ಮ ತುಮಾರಮ ಛಾ಼ಕರಿ ಮಾಲುಮ್ ಕೊಯ್ನಿಕಿಶು? ತುಮೆ ದೇವ್ಥಿ ಇನ ಲೀಲಿದ. ತುಮೆ ತುಮಾರು ಶೊಂತ್ ಕಾಹೆ. ತುಮೆ ದೇವ್ಥಿ ಮೋಲ್ ಲೆವಾಯಹುಯ ಇನಖ್ಹಾಜೆ ತುಮಾರ ಶರೀರ್ಖ್ಹಾರಥಿ ದೇವ್ನ ಮಹಿಮೆ ಕರೊ.
ಬಿಜ಼ಖ್ಹಾರನಿ ಜೋ಼ಡ್ಮ ಬೋಧನೆ ಕರಾನ ಪಾರ್ ತದೆ ಮೇಸ್ ನಾಲಾಯಕ್ ನಾ ಹುವಾನಖ್ಹಾಜೆ ಶರೀರ್ನ ನಿಶತ್ ದೀನ್ ಮಾರಿ ಚಪ್ಪಣ್ಮಾಸ್ ರಾಖುಸ್.
ಮೇ ಮಾರಿ ಖ್ಹಾರಿಶೊತ್ತ್ನ ಧರಮ್ ದೀನಾಖ್ಯೊತೋಬಿ, ಮಾರ ಶರೀರ್ನ ಬಾಳಿನಾಖನ ದೀನಾಖ್ಯೊತೋಬಿ, ಪ್ಯಾರ್ ಮನ ನಾರ್ಹಯುತೊ ಮನ ಶನೊ ಫಾಯಿದೊಬಿ ಕೊಯ್ನಿ.
ಅಮ್ಮಸ್ ಯೆಹೂದ್ಯರ್ ರ್ಹವೊ,ಯೆಹೂದ್ಯಕಾಹೇತೆ ರ್ಹವೊ ಗುಲಾಮ್ ರ್ಹವೊ ಛುಟ್ಕಾರ್ ರ್ಹವಾಳು ರ್ಹವೊ ಅಪ್ಣೆಖ್ಹಾರು ಎಕ್ಕಸ್ಜ಼ಣೊ ಆತ್ಮಥಿ ಎಕ್ಕಸ್ ಶರೀರ್ನ ಮಹಿ ಬ್ಯಾಪ್ತಿಸ್ಮ ಲೀಲಿದ. ಅಪ್ಣಖ್ಹಾರಾನ ಎಕ್ಕಸ್ಜ಼ಣೊ ಪವಿತ್ರಾತ್ಮನ ಪಿಯಾನ ದೆವಾಯು.
ತುಮಾರಮ ಹರೇಕ್ ಜ಼ಣಾನಾಬಿ ಕೈಏಕ್ ಭಾಗ್ಥಿ ಏಕ್ ಶರೀರ್ ಮಳ್ಯುಹುಯು ಹುಯಿರ್ಹಾಸ್. ಅಜು಼ ಕಿಮ್ ಆ ಆಖ್ಖಾ ಭಾಗ್ನಾಬಿ ಎಕ್ಕಸ್ಕಾಮ್ ಕೊ ರ್ಹೆಯ್ನಿಕಿ, ಯೋಸ್ ಪರಕ್ಮ ಕೈಯೇಕ್ಜ಼ಣ ಹುಯಿರಾತೆ ಅಪ್ಣೆ ಕ್ರಿಸ್ತಮ ಎಕ್ಕಸ್ ಶರೀರ್ ಹುಯಿರ್ಹಿಯೇಸ್. ಅಜು಼ ಅಪ್ಣೆ ಅಖ್ಖಾ ಎಕ್ಕಸ್ ಶರೀರ್ನ ಭಾಗ್ಹುಯಿರ್ಹೆಯೇಸ್.
Cuidar do corpo
O exercício físico é proveitoso, mas a piedade tem promessa para a vida presente e futura. Cuide do corpo com sabedoria.
ಶರೀರ್ನಿ ವ್ಯಾಯಮ್ಥಿ ತುನ ಥೋಡು ಫಾಯಿದೊ ಛಾ಼, ಕತೋಬಿ ಭಕ್ತಿನು ಜಿವ್ಣು ಹರೇಕ್ ಪರಕ್ಮಾಬಿ ತುನ ಫಾಯಿದೊ ಹುಯಿರುಸ್. ಶನಕತೊ, ಅನಾಮ ಹಮ್ಕೇನು ಹಗಾಮ್ ಅಜು಼ ಖ್ಹಾಮ್ಣೆ ಆವಾನ ಜಿ಼ಂದ್ಗೀನಖ್ಹಾಜೆ ದೆವೈರ್ಹೂತೆ ವಾಗ್ದಾನ್ ಅನಾಮ ಮಳೀರ್ಹುಸ್.
Corpo e espírito
O espírito está pronto, mas a carne é fraca. Não vos preocupeis com o corpo — a vida é mais do que alimento.
ಶೋದನೆಮ ಪಡ್ಣುನಾತೆ ಇಮ್ ಹೊಷಾರಿ ರ್ಹೀನ್, ಪ್ರಾರ್ಥನೆ ಕರೊ. ಮನ್ ಛಾ಼ ಖ್ಹಾಚಸ್, ಕತೋಬಿ ಶರೀರ್ನ ಶಕತ್ ಪುರಾಕೊಯ್ನಿ" ಕರಿ ಬೋಲ್ಯೊ.
ತಾರೊ ಖಾವೊ ಡೋಳೊ ತುನ ಪಾಪ್ಮ ಖ್ಹಪ್ಡವಾನು ಉಶೇತೊ, ಇನ ಕಚ಼್ಕೋರಿ ಫೇಕಿದೆ, ತಾರು ಹಿಡೀ ಶರೀರ್ ನರಕ್ಮ ಪಡಾಥೀಬಿ, ತಾರು ಶರೀರ್ನು ಏಕ್ ಭಾಗ್ ನಾ ರ್ಹಯುತೋಬಿ ತುನ ಅಛ್ಛು಼ ಕಾಹೆಕಿ ಶು.
ಇನಖ್ಹಾಜೇಸ್ ಮೇ ತುಮೂನ ಬೋಲುಸ್ಕಿ, ಜಿವಾನಖ್ಹಾಜೆ ಶಾತ್ ಖಾಣು ಅಜು಼ ಪೀಣು ಕರಿ ಬೋಲಾನಿ ಬಾರೇಮರ್ಹವೊ, ನತರ್ಕಿ ಶರೀರ್ನ ಹೋಣುತೆ ಲುಂಗ್ಡಾವ್ನಿ ಬಾರೇಮರ್ಹವೊ ವೇಚ಼್ಣೆ ನಕೊ ಕರೊ. ಖಾಣಥೀಬಿ ಜಾನ್, ಅಜು಼ ಲುಂಗ್ಡಾವ್ಥೀಬಿ ಶರೀರ್ ಮಹಾನ್ ಕಾಹೆಕಿ ಶು?
ಅತ್ರೇಸ್ ಕಾಹೆತೆ, ಶರೀರ್ನ ಮರ್ನಾಖಿನ್ ಆತ್ಮನ ಮಾರಾನ ಕೋ ಹುವ್ವಾನಿತೆ ಅದ್ಮಿನ ದೇಖಿನ್ ನಕೊ ಡರೊ; ಕತೋಬಿ ಆತ್ಮಾನ ಅಜು಼ ಶರೀರ್ನ ಭೇನ ನರಕ್ಮ ನಾಖಿನ್ ಬರ್ಬಾತ್ ಕರಾವಾಳೊ ದೇವ್ನ ದೇಖಿನ್ ಡರೊ.
ಪರಿಸಾಯರ್ನು ಮಹಿ ಏಕ್ ಭಾರ್ ಏಕ್ ಬೊಲಾನಿ ಬಾರೇಮ ಝೇತಾವ್ಣಿ
ಎತ್ರಾಸ್ಮ ಹಜಾ಼ರೊ ಅದ್ಮಿನಿ ಭೀಡ್ ಉಪ್ರಾಥಾಳಿ ಪಡ್ತುಹುಯಿನ್, ಎಕ್ಟು ಹುಯು. ತದೆ ಯೇಸುನೆ ಪಹಿಲೆ ಇನ ಶಿಷ್ಯರ್ನ, "ಫರಿಸಾಯನು ಶೋಡನು ಆಟಾನಿ ಬಾರೇಮ ಕತೊ, ಇವ್ಣೆ ಠಗಾವನಿ ಬಾರೇಮ ಜ಼ತನ್ಥಿ ರ್ಹವೊ, ಲಪೈರ್ಹುತೆ ಖ್ಹಾರುಸ್ ಭಾರ್ ದೆಖಾವ್ಶೆ, ಖ್ಹಾರಿಸ್ ಖ್ಹಾಚಿ ವಾತೆ ಭಾರ್ ಮಾಲುಮ್ ಪಡ್ಶೆ. ಅನಖ್ಹಾಜೆಸ್, ತುಮೆ ಅಂಧಾರಾಮ ಬೋಲ್ಯಾತೆ ಯೋ ಖ್ಹಾರು, ದನ್ನು ಉಜಾ಼ಳಾಮ ಖ್ಹಮ್ಜಾ಼ವ್ಶೆ, ಅಜು಼ ಕೋಣಮ ಲಪೀನ್, ಕಾನ್ಮ ಶಿಕಾಡಿ ಬೋಲಾಸ್ತೆ ಖ್ಹಾರಿಸ್ ವಾತೆ ಘರ್ನ ಛ಼ತ್ಪರ್ಥು ಖ್ಹಮ್ಜಾ಼ವ್ಶೆ.
ಕಿನ ದೇಖಿನ್ ಡರ್ನು
"ಮಾರ ದೋಸ್ ಹುಯಿರ್ಹಾತೆ ತುಮೂನ, ಮೇ ಬೋಲುಸ್ಕಿ, ಶರೀರ್ನ ಮರ್ನಾಖಿನ್, ಇನೇಥಿ ಜಾ಼ಖ್ಹತ್ ಶಾತ್ಬಿ ಕರಾಕೊಂತೆ ಇವ್ಣುನ ದೇಖಿನ್, ನಕೊ ಡರ್ಶು. ಕತೋಬಿ ತುಮೆ ಕಿನ ದೇಖಿನ್ ಡರ್ನು ಕರಿ ಮೇ ತುಮೂನ ಬೋಲಿದೆವುಸ್, ಮರಿಜಾ಼ವನ ಬಾದ್ಮ, ನರಕ್ಮ ನಾಖಾನಿ ಅದಿಕಾರ್ ರ್ಹವಾಳೊ ದೇವ್ನ ದೇಖಿನ್ ಡರೊ. ಓಹೊ, ಇನ ಎಕ್ಕಸ್ ಜ಼ಣಾಥಿ ತುಮೆ ಡರ್ನೂತೆ.
ಪಾಚ಼್ ಚು಼ರಕ್ಲಿಯೇನ ಬೇಕಾಖ್ಹ್ನ ವೇಚಾ಼ಕೊಯ್ನಿಕಿ ಶು? ತೋಬಿ, ಇನಾಮಾಥು ಏಕ್ನಾಬಿ ದೇವ್ ಭೈಕಕೊಯ್ನಿ. ತುಮಾರೊ ಮುಡ್ಕ್ಯಾನೊ ಕೇಖ್ಹ್ ಜಿನ್ಕುಬಿ ಗಣೈರ್ಹೂಸ್. ಇನಖ್ಹಾಜೆ ಡರೊ ನಕೊ, ಕೈಏಕ್ಕಿ ಚು಼ರಕ್ಲಿಯೇಥೀಬಿ ತುಮೇಸ್ ಘಣ ಮೋಲ್ವಾಳ ಹುಯಿರ್ಹಾಸ್!
ಕ್ರಿಸ್ತ ದೇವ್ಕರಿ ಕಬೂಲಾನು ಅಜು಼ ಝಿಟ್ಕಾರನಿ ಬಾರೇಮ
"ಮೇ ತುಮೂನ ಬೋಲಸ್ಕಿ, ಕೋಣ್ ಅದ್ಮಿನ ಖ್ಹಾಮ್ಣೆ ಯೋ ಮಾರವಾಳೊಕರಿ ಮಾನಿಲೇಸ್ಕಿ, ಅದ್ಮಿನೊ ಛಿಯ್ಯೋಬಿ, ದೇವ್ನು ದೂತರ್ನ ಖ್ಹಾಮ್ಣೆ ಯೋ ಮಾರವಾಳೊಕರಿ ಮಾನಿಲಿಶೆ. ಕತೋಬಿ ಕೋಣ್ ಅದ್ಮಿನ ಖ್ಹಾಮ್ಣೆ ಯೋ ಮಾರವಾಳೊ ಕಾಹೆಕರಿ ಬೋಲಸ್ಕಿ, ಇನ ಮೇಬಿ ಮಾರ ದೇವ್ನ ದೂತರ್ನ ಖ್ಹಾಮ್ಣೆ, ಯೋ ಮಾರ ಭಣಿವಾಳೊ ಕಾಹೆಕರಿ ಬೋಲಿಶ್" ಕರಿ ಬೋಲ್ಯೊ.
ಅದ್ಮಿನೊ ಛಿಯ್ಯಾಪರ್ ಶಾತ್ತೋಬಿ ಗಲತ್ ವಾತೆ ಬೋಲ್ಯೂತೊ, ಇವ್ಣುನ ಮಾಪಿ ಮಳ್ಶೆ; ಕತೋಬಿ ಪವಿತ್ರಾತ್ಮನ ವಿರೋದ್ ಖರಾಬ್ ಬೋಲವಾಳಾನ ಮಾಪಿಕೊಯ್ನಿ.
"ಇವ್ಣೆ ತುಮೂನ, ಸಭೆ ಭರಾವನು ಮಂದಿರ್ಮ ರ್ಹವೊ, ಅದಿಕಾರಿಕನ ರ್ಹವೊ, ರಾಜ್ಯಪಾಲ್ಕನ ರ್ಹವೊ, ರಾಜ಼್ಭಾರ್ ಚ಼ಲಾವವಾಳ ಖ್ಹಾಮ್ಣೆ ರ್ಹವೊ ಖೇಚಿಲಿಗಯೂತೆ, ಇವ್ಣುನ ಶಾತ್ ಜವಾಬ್ ದೇವ್ಣು, ಕಿಮ್ ಬೋಲ್ನುಕರಿ ವೇಚ಼್ಣೆ ನಕೊ ಕರ್ಶು. ಶನಕತೊ ಯೋ ವಖ್ಹತ್ಮ, ತುಮೆ ಶಾತ್ ಬೋಲ್ನುಕರಿ ಪವಿತ್ರಾತ್ಮಾಸ್ ತುಮೂನ ಬೋಲಿದಿಶೆ.
ಖ್ಹಯಿಲು ಶೌಕಾರ್ನಿ ಬಾರೇಮಾನು ಮತ್ಲಬ್ನಿ ಖೇಣಿ
ಅದ್ಮಿನಿ ಝೂ಼ಂಡ್ಮಾಥು ಏಕ್ ಜ಼ಣು ಯೇಸುನ, "ಗುರು, ಮರಿಗಯೋತೆ ಹಮಾರ ಬಾನಿ ಆಸ್ತಿನ ಭಾಗ್ಪಾಡಿ ದ್ಯವಾದೆಕರಿ ಮಾರ ಮೋಟ ಭೈನ ಬೋಲ್’ ಕರಿ ಬೋಲಖ್ಹತರ್,
ತದೆ ಯೇಸುನೆ ಇನ, "ಅಲಾ ದೋಸ್, ನಯ್ಯೊಹುಯಿನ್ ರ್ಹವೊ ನತರ್ಕಿ ಆಸ್ತಿನ ಭಾಗ್ಪಾಡವಾಳೊ ಹುಯಿನ್ ರ್ಹವೊ, ಮನ ತುಮಾರ ಭೇ ಜ಼ಣಾಪರ್ ನೇಮಕ್ ಕರ್ಯುತೆ ಕೋಣ್?" ಕರಿ ಪುಛಾ಼ಯೊ. ಅಜು಼ ಹಿಜ಼್ಜಾಥೂತೆ ಖ್ಹಾರುಸ್ ಅದ್ಮಿನ, "ಜ಼ತನ್ಥಿ ರ್ಹವೊ ಅಜು಼ ಹರೇಕ್ ತರ್ಹಾನು ಲಾಲಚ್ಥಿ ದೂರ್ ರ್ಹವಾನಿಮತ್ ತುಮಾರು ತುಮೆ ಬರಾಬರ್ಥಿ ದೇಖಿಲೆವೊ. ಶನಕತೊ ಏಕ್ ಜ಼ಣಾನ ಕೆತ್ರು ಧನ್-ದೌಲತ್ ರ್ಹಯುತೋಬಿ, ಯೋ ದೌಲತ್ ಇನ ಜಾನ್ನ ಆಧಾರ್ ಕೋ ಹುವಾನಿ.
ಅನ ಬಾದ್ಮ ಯೇಸುನೆ ಇವ್ಣುನ ಏಕ್ ಮತ್ಲಬ್ನಿ ಖೇಣಿನ ಬೋಲ್ಯೊ: ಏಕ್ ಶೌಕಾರ್ ಅದ್ಮಿ ಥೂ. ಏಕ್ ಹಲ್ಲ ಇನಿ ಜ಼ಮೀನ್ಮ ಅಛ್ಛಿನಿತರ ಅನಾಜ಼್ ಪಿಕ್ಯು. ತದೆ ಯೋ ಇನ ಮನ್ಮ, ‘ಮೇ ಶಾತ್ಕರು? ಮಾರು ಅನಾಜ಼್ ಅಖ್ಖು ಭರಿನ್ ಮ್ಹೇಲಾನ ಝ಼ಗೊ ಕೊಯ್ನಿನಿ!’ ಕರಿ ಸೋಚಿನ್, ‘ಮೇ ಏಕ್ ಕಾಮ್ ಕರುಸ್; ಮಾರಿ ಕಣ್ಗೀನ ಫೋಡೈನ್, ಇನೇಥಿಬಿ ಮೋಟಿ ಕಣ್ಗಿನ ಭಂದೈನ್, ಹಿಜ್ಜಾ಼ ಮಾರು ಖ್ಹಾರೂಸ್ ಅನಾಜ಼್ನ ಅಜು಼ ಬಿಜು಼ ಖ್ಹಾರೂಸ್ ರಾಛಾ಼ನ ಮ್ಹೇಲುಸ್’ ಬಾದ್ಮ ಮಾರು ಮೇ, ಹೇ ಜಾನ್, ಕೆತ್ರಾಸ್ಕಿ ವರಖ್ಹ್ ಬೇಶಿನ್ ಖಾವಯೆತ್ರು ಅನಾಜ಼್ ತಾರಕನ ಪಡ್ಯೂಸ್. ಅರಾಮ್ ಕರಿಲೆ, ಖೈಪೀನ್ ಖ್ಹುಶಿ ಕರ್’ ಕರಿ ಇನು ಯೋಸ್ ಬೋಲಿಲಿದೊ. ಕತೋಬಿ ದೇವ್ ಇನ, "ಬಿಣ್ಅಕ್ಲಿ, ಆ ರಾತೇಸ್ ತಾರ ಜಾನ್ನ ಕಾಡಿಲಿಶೆ; ತದೆ ತುನೆ ತಾರಖ್ಹಾಜೆ ಜ಼ಮಾಕರೀನ್ ಮ್ಹೇಲಿರಾಖ್ಯೊತೆ ಯೋ ಖ್ಹಾರು ಕಿನ ಉಶೆ?" ಕರಿ ಪುಛಾ಼ಯೊ.
ಇನಖ್ಹಾಜೆ ಯೋಸ್, ಧನ್-ದೌಲತ್ನ ಜ಼ಮಕರಿಲ್ಯವಾಳಾನಿ ಹಾಲ್ಬಿ ಅಮ್ಮಸ್, ಕತೋಬಿ ದೇವ್ನ ಡೋಳಾಮ ಇವ್ಣೆ ಶೌಕಾರ್ ಕಾಹೆ.
ದೇವ್ಪರ್ ಭರೋಖ್ಹೊ ಕರಾನಿ ಬಾರೇಮ
ಅಜು಼ ಯೇಸುನೆ ಇನ ಶಿಷ್ಯರ್ನ, "ಅನಖ್ಹಾಜೆಸ್ ಮೇ ತುಮೂನ ಬೋಲುಸ್ಕಿ, ಜಿವಿರ್ಹವಾನಟೇಕೆ ಶಾತ್ ಖಾಣು ಖಾಶುಕರಿ ರ್ಹವೊ, ನತರ್ಕಿ ಶರೀರ್ನ ಪೆರ್ಹಾನ ಲುಂಗ್ಡಾವ್ನಟೇಕೆ ರ್ಹವೊ ವೇಚ಼್ಣೆ ನಕೊ ಕರೊ. ಖಾಣಥೀಬಿ ಜಾನ್, ಅಜು಼ ಲುಂಗ್ಡಾವ್ಥೀಬಿ ಶರೀರ್ ಮಹಾನ್ ಹುಯಿರ್ಹೂಸ್. ಕಾಂಗಣ್ಣ ಅಖ್ಖು ದೇಖೊ, ಯೋ ಪಿಕಾವಕೊಯ್ನಿ ವ್ಹಾಡಾಬಿ ಕೊಯ್ನಿ; ಇವ್ಣುನ ಜ಼ಮಕರಾನು ಘರ್ಬಿ ಕೊಯ್ನಿ, ಕಣ್ಗಿಬಿ ಕೊಯ್ನಿ; ಇಮ್ ರ್ಹಯುತೋಬಿ, ದೇವ್ ಇವ್ಣುನ ಖಡೈನ್ ಪಾಳಸ್. ಉಡಂತು ಜಿನಾವರ್ಥೀಬಿ ತುಮೆ ಕೆತ್ರೇಕ್ಕಿ ಊಚ಼ ಹುಯಿರ್ಹಾಸ್. ಅನಿ ಬಾರೇಮ ವೇಚ಼್ಣೆ ಕರಾಥಿ, ತುಮಾರಿ ಉಂಬರ್ ಭಡಾವನ ಕೀನೇಥಿಬಿ ಉಶೇಕಿ ಶು? ನ್ಹನ್ನಾನು ಕಾಮ್ ಕರಾನಸ್ ತುಮಾರ ಹಾತೆ ಕೋ ಹುವ್ವಾನಿತೆ, ಮೋಟು-ಮೋಟು ಕಾಮ್ನಿ ಬಾರೇಮ ತುಮೆ ಶನ ವೇಚ಼್ಣೆ ಕರೊಸ್ತೆ? ಜ಼ಂಗ್ಳಿಫೂಲ್ ಫುಟಾಸ್ತೆ ತರಿಕಾನ ದೇಖೊ; ಯೊ ಮ್ಹಿನತ್ ಕರಕೊಯ್ನಿ ಅಜು಼ ಇನಖ್ಹಾಜೆ ಲುಂಗ್ಡಾವ್ನಾಬಿ ಶಿವಿಲೆಯಿಕೋಯ್ನಿ. ತೋಬಿ ಮೇ ತುಮೂನ ಬೋಲುಸ್ಕಿ, ರಾಜ಼ ಸೊಲೊಮೋನ್ನಾಬಿ, ಇನಾಕನ ಥೂತೆ ಖ್ಹಾರುಸ್ ಖ್ಹೋನ್ನುಖ್ಹರಪ್ ಅಜು಼ ರಾಜಾ಼ನು ಪೇರ್ವಾಖ್ಹ್ನ ಫೇರ್ಯೊತೋಬಿ, ಆ ಫೂಲ್ಮ ಏಕ್ನ ಛಾ಼ತೆ ಶನ್ಗಾರ್ ಇನ ಕೋ ಥೂನಿ" ಕರಿ ಬೋಲ್ಯೊ. ಅಲಾ, ದರ್ರಾಶಿ ವಿಶ್ವಾಸ್ವಾಳ, ಹಮ್ಕೆರ್ಹೀನ್ ಕಾಲೆ ಚು಼ಲ್ಹಾಮ ಬಳಿಜಾ಼ವಾನ ಜ಼ಂಗ್ಳಿ ಘಾಖ್ಹ್ನ ದೇವ್ ಅಮ್ ಪೇರ್ಹಾಯೋತೊ ಅನೇಥಿಬಿ ಜಾ಼ಖ್ಹತ್ ತುನ ಹೊಢೈಫೆರಾವ್ಶೆ.
ಅನಖ್ಹಾಜೆಸ್ ಶಾತ್ ಖಾಣು? ಶಾತ್ ಪೀಣು? ಕರಿ ಬೋಲಿನ್, ಕದೇಬಿ ಸೋಚ಼್ತಾಹುಯಿನ್, ಪಸ್ತಾವೊ ನಕೊ. ಅನಿ ಖ್ಹಾರಿ ಬಾರೇಮ, ಆ ಜಗತ್ನುಅದ್ಮಿ ಕದೇಬಿ ಪಸ್ತಾವಸ್. ಆ ಅಖ್ಖು, ತುಮೂನ ಜ಼ರೂರತ್ ಛಾ಼ಕರಿ ಪರಲೋಕ್ನೊ ತುಮಾರ ಬಾನ ಮಾಲುಮ್. ಅನಬದಲ್, ದೇವ್ನು ರಾಜ್ಯನಖ್ಹಾಜೆ ತರ್ಖ್ಹೊ, ತದೆ ಆ ಖ್ಹಾರು ಯೋಸ್ ತುಮೂನ ದಿಶೆ" ಕರಿ ಬೋಲ್ಯೊ.
ಸೊರ್ಗಮಾನು ಶೊತ್ನಿ ಬಾರೇಮ
"ನ್ಹಾನಿ ಝೂ಼ಂಡ್, ಡರ್ನಕೊ; ಯೋ ರಾಜ್ಯನ ತುಮೂನ ದ್ಯವಾನ ತುಮಾರೊ ಬಾನ ಖ್ಹುಶಿ ಛಾ಼. ತುಮಾರಕನ ಛಾ಼ತೆ ಖ್ಹಾರುಸ್ ವೇಚಿನ್, ಆವಸ್ತೆ ಪೈಶಾನ ಗೋರ್-ಗರೀಬ್ನ ದೇವೊ. ತುಮಾರಕನ ಫಾಟಕೊಂತೆ ಚ಼ಂಚಿಯೇನ ಕರಿಲೆವೊ, ಪರ್ಲೋಕ್ಮ ಕಮ್ ಹುವಾಕೊಂತೆ ಶೊತ್ನ ಜ಼ಮಕರಿಲೇವೊ, ಕೆಹೊ ಚೋ಼ರ್ಬಿ ಇನ ಖನ್ನೆ ಆವಾನ ಕೋ ಆವಾನಿ ಅಜು಼ ಇನ ಕೋರ್ಹ ಖೈನ್ ಬರ್ಬಾತ್ ಕೋ ಉಶೇನಿ. ತುಮಾರಿ ಶೊತ್ ಕಿಜ್ಜಾ಼ ರ್ಹೇಸ್ಕಿ, ಹಿಜ್ಜಾ಼ಸ್ ತುಮಾರೊ ದಿಲ್ಬಿ ರ್ಹೇಸ್.
ಹೊಷಾರಿ ರ್ಹವಾಳು ಆಳ್ ಖ್ಹಾರಾನಿ ಬಾರೇಮ
"ಶಾತ್ಬಿ ಆವೊ ತೈಯಾರ್ ರ್ಹವೊ, ಲುಂಗ್ಡ ಪೇರ್ಹಿನ್ ಖ್ಹವಾರಿರಾಖೊ, ತುಮಾರೊ ದೀವೊಖ್ಹಾರು ಲಾಗ್ತುರ್ಹವಾದೆ, ತುಮೇತೊ, ಇವ್ಣೊ ಯಜಮಾನ್ ಆಯಿನ್, ಬಾಕಲ್ ಮಾರ್ತಾಸ್ ಕಾಡಾನ ತೈಯಾರ್ ರ್ಹೀನ್, ವ್ಯಹಾನು ಖಾಣು ಖೈನ್, ಕದೆ ಪಾಛೊ಼ಫರಿ ಆವ್ಶೆಕರಿ ಜ಼ಪಿರ್ಹೇಸ್ತೆ ಆಳ್ನಿಮತ್ ರ್ಹವೊ. ಯಜಮಾನ್ ಐನ್ ಬಾಕಲ್ ಮಾರಾನಿ ವಖ್ಹತ್ಮ, ಇವ್ಣೆ ಬಾಕಲ್ ಕಾಡಸ್. ಪಾಛೊ಼ ಪ್ರಭು ಫರಿಅಯಿನ್, ಕೆಹೊಖ್ಹಾರೊ ಆಳ್ ತೈಯಾರ್ ಹುಯಿರ್ಹಿನ್, ಇನಖ್ಹಾಜೆ ಜ಼ಪಿರ್ಹೇವಾನು ಯೋ ದೇಖಾಸ್ಕಿ ಇವ್ಣೆ ಧನ್ಯ ಹುಯಿರ್ಹಿಶೆ! ಮೇ ತುಮೂನ ಖ್ಹಾಚಾಮ ಬೋಲುಸ್ಕಿ, ಯೋ ಇನಿ ಕಂಬರ್ನ ಲುಂಗ್ಡು ಭಾಂದಿಲೀನ್, ಇವ್ಣುನ ಖಾಣನ ಬೆಖ್ಹಾಡಿನ್, ಇವ್ಣ ಖನ್ನೆ ಐನ್, ಇವ್ಣಿ ಚಾ಼ಕ್ರಿ ಕರ್ಶೆ. ಯೋ ಅಧಿರಾತ್ಮಾಸ್ಕಿ, ನತರ್ಕಿ ಇನೇಥಿಬಿ ಜಾ಼ಖ್ಹತ್ ವಖ್ಹತ್ ಲಗಾಡಿನಸ್ಕಿ ಆಯೊತೋಬಿ, ಕೋಣ್ ತೈಯಾರ್ ಹುಯಿರ್ಹೇಸ್ತೆ ಯೋ ದೇಖಾಸ್ಕಿ, ಇವ್ಣೆ ಧನ್ಯ ಹುಯಿರ್ಹೂಸ್. ಆ ವಾತೆ ತುಮಾರಿ ಯಾದ್ಮ ರ್ಹವಾದೆ; ಚೋ಼ರ್ ಆವಾನಿ ವಖ್ಹತ್ ಘರ್ನ ಯಜಮಾನ್ನ ಮಾಲುಮ್ ರ್ಹಯುಹೋತ್ತೊ, ಯೋ ಹೊಷಾರಿ ರ್ಹೀನ್, ಇನ ಘರ್ನ ಲೂಟದಿದೊಹೋತ್ ಕೊಯ್ನಿ. ಇಮ್ಮಸ್, ತುಮೇಬಿ ತೈಯಾರ್ ರ್ಹೇಣು, ಶನಕತೊ ತುಮೆ ಸೋಚಾಸ್ಕೊಂತೆ ವಖ್ಹತ್ಮ ಅದ್ಮಿನೊ ಛಿಯ್ಯೊ ಆವ್ಶೆ."
ಇಮಾನ್ದಾರ್ ಅಜು಼ ನಿಯ್ಯತ್ ಕೊಯ್ನಿತೆ ಆಳ್ನಿ ಬಾರೇಮ
ತದೆ ಪೇತ್ರನೆ, "ಪ್ರಭು, ತುನೆ ಆ ಮತ್ಲಬ್ನಿ ಖೇಣಿನ ಬೋಲ್ಯೊತೆ ಹಮಾರ ಟೇಕೆಕಿ, ಹರೇಕ್ ಅದ್ಮಿನ ಟೇಕೆ?" ಕರಿ ಪುಛಾ಼ಯೊ.
ಯೇಸುನೆ ಶಾತ್ಬೋಲ್ಯೊಕತೊ, ವೇಳ್ವೇಳ್ನ ಹೋಣುತೆ ಯೊ ಜಿನಖ್ಹ್ನ ಮಾಪಿನ್ ದ್ಯವಾನಖ್ಹಾಜೆ ಯಜಮಾನ್ನೆ ಇನ ಘರ್ಮ ನೇಮ್ಶಾಯೋತೆ ನಿಯತ್ವಾಳೊಬಿ ಅಕ್ಲೀಬಿ ಹುಯಿರೋತೆ ಘರ್ನೊಸೇವಕ ಕೋಣ್? ಘರ್ನೊ ಯಜಮಾನ್ ಐನ್, ಕೆಹೊ ಆಳ್ ಆ ಖ್ಹಾರು ಕರುಕರಾತೆ ಕರಿ ದೇಕ್ಶೇಕಿ, ಯೋ ಆಳ್ ಧನ್ಯ ಹುಯಿರ್ಹೋಸ್. ಯೋ ಯಜಮಾನ್ ಇಮ್ನ ಆಳ್ನ ಇನು ಖ್ಹಾರೂಸ್ ಧನ್-ದೌಲತ್ಪರ್ ಅದಿಕಾರಿಹುಯಿನ್ ನೇಮ್ಶಾವ್ಶೆ ಕರಿ ಮೇ ತುಮೂನ ಖ್ಹಾಚಮಾಬಿ ಬೋಲುಸ್, ಕತೋಬಿ ಯೋ ಆಳ್, ಇನೊ ಯಜಮಾನ್ ಒಗ್ಗಿಸ್ಮ ಕೋ ಆವ್ಶೇನಿ ಕರಿ ಇನ ಮನ್ಮ ಸೋಚಿಲೀನ್, ಬಿಜಾ಼ಖ್ಹಾರ ತಯೇಡ-ಪರ್ಖ್ಹಾ ಆಳ್ನ ಮಾರ್ತೊಹುಯಿನ್, ಖೈ-ಪೀನ್ ಉರಾಳಲಗ್ಯೊತೊ, ತದೆ ಯೊ ಆಳ್ ಸೋಚಾಸ್ಕೊಂತೆ ದನ್ಮ ಅಜು಼ ಇನ ಮಾಲುಮಸ್ ಪಡಾಕೊಂತೆ ವಖ್ಹತ್ಮ, ಇನೊ ಯಜಮಾನ್ ಐನ್, ಇನ ಕತ್ರೀನ್ ಟುಕ್ಡಾ-ಟುಕ್ಡಾ ಕರೀನ್, ವಿಶ್ವಾಸ್ಕೊಂತೆ ಅದ್ಮಿನ ನಾಖಸ್ತೆ ಝ಼ಗೋಪರ್ ಇನ ನಾಕ್ಶೆ.
ಏಕ್ ಆಳ್, ಇನೊ ಯಜಮಾನ್ನ ಇನೇಥಿ ಶಾತ್ ಹೋಣುಕರಿ ಮಾಲುಮ್ ರ್ಹೀನ್ಬಿ, ಯೋ ತೈಯಾರ್ಹುಯಿನ್, ಯೋ ಕಾಮ್ನ ನಾ ಕರ್ಯೋತೊ, ಇನ ಬರೊಬರ್ನೊ ಮಾರ್ ಪಡ್ಶೆ. ಕತೋಬಿ ಏಕ್ ಆಳ್ನ, ಇನೊ ಯಜಮಾನ್ನ ಇನೇಥಿ ಶಾತ್ ಹೋಣುಕರಿ ಮಾಲುಮ್ ಕೊಂತೆ, ಮಾರ್ ಖಾವಖ್ಹರ್ಕು ಕಾಮ್ ಕರ್ಯೋತೊ, ಇನಾಬಿ ದಂಡ್ ಮಳ್ಶೆ. ಕತೋಬಿ ಇನು ಕಾಮ್ ಶಾತ್ಕರಿ ಮಾಲುಮ್ ಕರೀನ್ಬಿ, ಇನ ಕರ್ಯುಕೊಂತೆ ಯೋ ಆಳ್ಥೀಬಿ, ಅನ ಕಮ್ ಮಾರ್ ಪಡ್ಶೆ. ಕಿನ ಜಾ಼ಖ್ಹತ್ ದೆವೈರ್ಹೂಸ್ಕಿ, ಇನೇಥಿ ಜಾ಼ಖ್ಹತ್ ಮಳ್ಶೆಕರಿ ಆಖ್ಹ್ ಕರ್ಶೆ, ಬಿಜೂ಼ಬಿ ಜಾ಼ಖ್ಹತ್ ದೆವೈರ್ಹೂತೆ ಇನಾಕಂಥು, ಬಿಜೂ಼ಬಿ ಜಾ಼ಖ್ಹತ್ ಮಳ್ಶೆಕರಿ ಆಖ್ಹ್ ಕರ್ಶೆ.
ತೋಡಾವಾನ ಯೇಸುಸ್ ಕಾರಣ್
"ಮೇ ಆಯೋತೆ, ಜ಼ಮೀನ್ಪರ್ ಆಗ್ ನಾಕ್ಣುಕರಿ; ಅತ್ರಾಸ್ಮ ಯೋ ಲಾಗಿಗಯುಹೋತ್ತೊ ಮನ ಕೆತ್ರೇಕ್ಕಿ ಖ್ಹುಶಿ ಹುಯುಹೋತ್! ಕತೋಬಿ, ಮನ ಬಿಜೇಕ್ ತರ್ಹಾನು ಬ್ಯಾಪ್ತಿಸ್ಮ ಏಕ್ ಮಳ್ಣು. ಯೋ ಮಳಾತೋಡಿ, ಮೇ ಘಣಿ ಖ್ಹತಾಪ್ಣಿಮ ಛೂ಼. ಜ಼ಮೀನ್ಪರ್ ಶಾಂತಿ ದ್ಯವಾನಟೇಕೆ, ಮೇ ಆಯೊಕರಿ ತುಮೆ ಸೋಚೋ಼ಸ್ಕಿ? ಕೊಯ್ನಿ! ಶಾಂತಿ ದ್ಯವಾನ ಕಾಹೆ, ಕತೋಬಿ ತೋಡಾವಾನ ಐರ್ಹೋಸ್! ಕರಿ ಮೇ ತುಮೂನ ಬೋಲುಸ್. ಕಿಮ್ಕತೊ, ಹಂಕೇಥು ಎಕ್ಕಸ್ ಘರ್ಮ ಛಾ಼ತೆ ಪಾಚ಼್ ಅದ್ಮಿಮ, ಬೇ ಜ಼ಣಾನ ವಿರೋದ್ ತೀನ್ ಜ಼ಣ ಉಠ್ಶೆ, ತೀನ್ ಜ಼ಣಾನ ವಿರೋದ್ ಬೇ ಜ಼ಣ ಉಟ್ಶೆ, ಅಮ್ ಇವ್ಣಾಮ ಭಾಗ್ ಪಡಿಜಾ಼ಶೆ. ಛಿಯ್ಯಾನಿ ವಿರೋದ್ ಬಾ, ಬಾನಿ ವಿರೋದ್ ಛೀಯ್ಯೊ; ಛೋ಼ರಿನಿ ವಿರೋದ್ ಆಯ, ಆಯಾನಿ ವಿರೋದ್ ಛೋ಼ರಿ, ವ್ಹವ್ನಿ ವಿರೋದ್ ಖ್ಹಾಖ್ಹು, ಖ್ಹಾಖ್ಹುನಿ ವಿರೋದ್ ವ್ಹವ್ ಉಟ್ಶೆ.
ವಖ್ಹತ್ನ ಪರ್ಖಿಲೆವೊ
ಎತ್ರೆಸ್ ಕಾಹೆತೆ ಯೇಸುನೆ ಅದ್ಮಿ ಖ್ಹಾರಾನಾಬಿ ಬೋಲ್ಯೋಕಿ, "ತುಮೆ ಪಶ್ಚಿಮ್ ದಿಕ್ಮ ಪಾಣಿನೊ ಮೋಡ್ ದೆಖಾವ್ತಾಸ್ನ, ‘ಪಾಣಿ ವರಖ್ಹ್ಶೆ’ ಕರಿ ಬೋಲಾಸ್ನಿ, ಇಮ್ಮಸ್ ಪಾಣಿ ವರ್ಖ್ಹಾಸ್. ದಕ್ಷಿಣ್ ದಿಕ್ಮಾಥು ವಹಿರೊ ವಾಗಲಗ್ಯೋತೊ, ‘ಗರ್ಮಿ ಉಟ್ಶೆ’ ಕರಿ ತುಮೆ ಬೋಲೋಸ್, ಯೋಬಿ ಇಮ್ಮಸ್ ಹುವಾಸ್. ಠಗಾರ್ಯ, ತುಮೆ ಆಬ್ ಧರ್ತಿನ ದೇಖಿನ್, ಇನು ಮೋಸಮ್ನ ತುಮೆ ಮಾಲುಮ್ ಕರಿಲೆವೋಸ್ನಿ, ಇಮ್ ರ್ಹವಾಪರ್, ಆ ವಖ್ಹತ್ನ ಪರ್ಖಾನ ತುಮೂನ ಕೋ ಹುವ್ವಾನಿಕಿ ಶು?
ತುಮಾರ ದುಶ್ಮನ್ನ ಜೋ಼ಡೆ ಒಪ್ಪಂದಾನ್ ಕರಿಲೆವೊ
ಖ್ಹಾಚು಼ ಖಿವು ಕರಿ ತುಮೇಸ್ ಶನ ತೀರ್ಪ್ಕರಾಕೊಯ್ನಿ? ತಾರಪರ್ ಹೊಜ಼್ಜತ್ಕರ್ನು ಕರಿ ಛಾ಼ತೆ ಇನ ಜೋ಼ಡೆ ನೈಯಾಕನ ಜಾ಼ವಾನಿ ವಖ್ಹತ್ಮ, ವಾಟ್ಪರಸ್ ಝ಼ಗ್ಡಾನ ಪರಿಹಾರ್ ಕರಾನ ಕೋಶಿಶ್ ಕರ್. ನತರ್ಕಿ ಯೋ ತುನ ನೈಯಾಕನ ಖೇಚಿಲಿಜಾ಼ಶೆ, ಯೋ ನಯ್ಯೊ ಜೇಲ್ನ ಶಿಪಾಯಿನ ಹಾತ್ಮ ದಿಶೆ ಅಜು಼ ಯೋ ತುನ ಜೇಲ್ಮ ಕೋಂಡಿಘಾಲ್ಶೆ. ಏಕ್ ಪೈಶೂಬಿ ಜಿನುಕು ಮ್ಹೇಲ್ಶೆಕೊಂತೆ, ಅಖ್ಖುಸ್ ಪೈಶು ಫೇಡಾವಲಗೂಬಿ, ತೂ ಹಿಜ಼್ಜಾಥೊ ಭಾರ್ ಛು಼ಟಿಶ್ಕೊಯ್ನಿ ಕರಿ ಮೇ ತುನ ಬೋಲುಸ್" ಕರಿ ಬೋಲ್ಯೊ.
União e harmonia
O corpo é um só, mas tem muitos membros. Cristo é a cabeça; a paz de Cristo governe em vossos corações.
ತುಮೆ ದೇವ್ಮ ಬುಲಾವನಿವಖ್ಹ್ತೆ ಖ್ಹಾರು ಎಕ್ಕಸ್ ಶರೀರ್ಮ ಮಳಿರ್ಹವಾಳಬಿ, ಎಕ್ಕಸ್ ಪವಿತ್ರಾತ್ಮಥಿ ರ್ಹವಾಳಬಿ, ಎಕ್ಕಸ್ ಭರೋಖ್ಹಾನಟೇಕೆ ಬುಲೈರ್ಹಾಸ್.
ತಯೆಡಾವೊ, ತುಮೆ ಪ್ರಭುಮ ಕಿಮ್ಕಿ ಇಮ್ಮಸ್ ತುಮಾರ ಬಾವ್ರಿಯೇನಿ ದಾಬುಕ್ಮ ರ್ಹವೊ. ಶನಕತೊ ಕ್ರಿಸ್ತ ಸಬೆನ ಮುಡ್ಕ್ಯು ಹುಯಿರ್ಹೋಸ್ತೆ ಇಮ್ಮಸ್ ಬಾವ್ರಿ ಬಾವಣ್ಣ ಮುಡ್ಕ್ಯು ಹುಯಿರ್ಹೊಸ್. ಕ್ರಿಸ್ತಸ್ ಯೊ ಸಬೆಕರಿ ಶರೀರ್ನ ರಕ್ಷಕ್ ಹುಯಿರ್ಹೋಸ್.
ಕ್ರಿಸ್ತನಿ ಸಮಾಧಾನ್ ತುಮಾರ ದಿಲ್ಮ ಚ಼ಲಾವನ ಮ್ಹೇಲೊ. ಇನಖ್ಹಾಜೇಸ್ ತುಮೇಬಿ ಎಕ್ಕಸ್ ಶರೀರ್ ಹುಯಿರ್ಹಾವನಿತರ ಬುಲೈರ್ಹಿಶು ಆ ನಾಹುಯಿನ್ ಧನ್ಯವಾದ್ ಕರಾವಾಳ ಹುಯಿರ್ಹೆವೊ.
ಯೆಹೋವನೆ ಅದ್ಮಿಥಿ ಕಾಡ್ಯೋತೆ ಪಾಖ್ಹ್ಳಿನ ತಯೇಡಕರಿ ಬಣೈನ್, ಇನ ಯೊ ಅದ್ಮಿಕನ ಬುಲೈಲೀನ್ ಆಯೊ. ತದೆ ಇನೆ ಯೊ ತಯೇಡನ ದೇಖಿನ್, "ಹಮ್ಕೆ ಬರೋಬರ್ ಆ ಹೈರಿತೆ ಮಾರಿ ಹಡ್ಕೇಥಿ ಐತೆ ಹಡ್ಕ್ಯು, ಮಾರಿ ಬೋಟಿಥಿ ಐತೆ ಬೋಟಿ ಹುಯಿರ್ಹೀಸ್. ಆ ಹೈರಿತೆ ಅದ್ಮಿಥಿ ಉಬ್ಜೀತೆ ಇನಖ್ಹಾಜೆ ತಿರಿಯಕರಿ ಬೋಲೈಲಿಶೆ" ಕರಿಬೋಲ್ಯೊ. ಇನಖ್ಹಾಜೆ ಪರ್ಖ್ಹೊ ಆಯ ಬಾನ ಮ್ಹೇಲಿನ್ ಇನಿ ಬಾವಣ್ಣ ಮಳಿಜಾ಼ಸ್ ಇವ್ಣೆ ಬೇಜ಼ಣ ಎಕ್ಕಸ್ ಶರೀರ್ ಹುಯಿರ್ಹೇಸ್.
ವಿಶ್ವಾಸ್ನು ಜಿವ್ಣು
ಅನಖ್ಹಾಜೆಥೀಸ್ ಹಮೆ ಕದೇಬಿ ಡರ್ಶುಕೊಯ್ನಿ. ಅಪ್ಣು ತನ್ ನಾಶ ಹುಯಿಗುತೋಬಿ ಅಪ್ಣು ದಿಲ್ ದನ್ಪರ್ ದನ್ ನವು ಹೋತುಆವ್ಶೇ.
ಅಪ್ಣೆ ಅಪ್ಣ ಪಾಪ್ನ ಭಾಗ್ನ ಮರೀನ್ ನೀತಿವಾಳ ಹುಯಿನ್ ಬಚಾ಼ನಿತರ ಅಪ್ಣ ಪಾಪ್ನ ಯೋಸ್ ಇನ ಶರೀರ್ಪರ್ ಢೊಯ್ಲಿನ್ ಶಿಲ್ಬೆಪರ್ ಮರಿಗೊ. ಇನ ಘಾವ್ಥಿ ತುಮುನ ಅಛ್ಛು಼ಹುಯು.
ಶನಕತೊ ಕೈಯೇಕ್ ವಾತೇಮ ಅಪ್ಣೆ ಖ್ಹಾರೂಸ್ ಗಲತ್ಹುಯಿ ಜೈ಼ಯೇಸ್. ಏಕ್ಜ಼ಣೊ ವಾತ್ಮ ಗಲತ್ ನಾಹುಯೋತೊ ಯೊ ಇನ ಪೂರ ಶರೀರ್ಮ ಚ಼ಪ್ಪಣ್ಮ ರಾಖನ ಯೊ ಶಕತ್ವಾಳೊ ಹುಯಿರ್ಹೊಸ್.