1 S’oossay salotuwaanne sa’aa koyro med’d’eedda. 2 He wode sa’ay giigibeennanne ayaynne baynna mela; c’iimmuwaa bollan d’umay de’ee; S’oossaa Ayyaanay* haatsaappe bollanna mayyi utteedda.

26 Hewaappe simmiide S’oossay, «Asaa nu leemisuwaan nuuna malattisiidde ane med’d’oytte; unttunttu abbaa moliyaa, saluwaa kafuwaa, biittaa bolla wos’s’i k’aas’s’iyaa med’etaa ubbaa mooddino» yaageedda.

27 Hawaadan S’oossay asaa bare leemisuwaan med’d’eedda; I asaa S’oossaa leemisuwaan med’d’eedda; I unttuntta attuma asaanne mac’c’a asaa ootsiide med’d’eedda.✝✝

3 K’ay S’oossay laappuntsa gallassaa anjjeeddanne geeshsha ootseedda; ayaw gooppe, S’oossay bare ootsiyaa oosuwaa wurssiide shemppeeddawe he gallassaana.

18 Hewaappe guyye Med’inaa Goday S’oossay, «Bitanii barekka de’iyaawe lo"a gidenna; taani aw injjetiyaanonne Aa maaddiyaano med’ana» yaageedda.

6 Med’inaa Godaa k’aalan salotuu med’etteeddino.

Aa doonaappe kesiyaa shemppuwaan

unttunttun de’iyaa med’etatuukka oosetteeddino.

2 Deretuu med’ettanaappe kase,

woy neeni sa’aa ootsanaappe kase,

med’inaappe med’inaa gakkanawukka neeni S’oossaa.

6 Haayite; hokkiide ane aw goyinnoytte;

nuuna med’d’eedda Med’inaa Godaa sintsan gulbbatoytte.

1 Taani d’ok’k’u gaade wogga deretuwaa s’eellay;

taw maaduu hak’appe yanddeeshsha?

2 Taw maaduu

saluwaanne sa’aa med’d’eedda Med’inaa Godaappe yee.

8 Nu maaduu

saluwaanne sa’aa med’d’eedda Med’inaa Godaa suntsaappe yee.

24 Hawe gallassay Med’inaa Goday med’eedda gallassaa.

Ane nuuni an nashettoyttenne ililoytte.

13 Neeni ta giddo asatetsaa ubbaa med’d’aadda;

ta aatti uluwaan taana neeni waas’a med’aadda.

14 Neeni taana malalissiyaabaanne ooratsabaa ootsaade med’d’eedda diraw,

taani neena galatay.

Ne oosotuu malalissiyaawantta!

Taani k’ay hewaa wurssaade eray.

28 Erabeykkii? Sisabeykkii? Med’inaa Goday med’inaa S’oossaa; I biittaa ubbaakka med’d’eeddawaa. I daaburenna; woy wolk’k’ay aw wurenna; ooninne Aa k’ofaa eranaw danddayenna.

9 «Barena Med’d’eeddawaana baas’etiyaawoo aayye ana!✝ Ayaw gooppe, I urk’k’a miishshaappe ittuwaa. Urk’k’ay med’d’iyaawaa, ‹Ay ootsay?› woy k’ay, ‹New kushii baawa› yaagii?

17 «Abeet Ubbaa Mooddiyaa Med’inaa Godaw, neeni salotuwaanne sa’aa ne wolk’k’aama wolk’k’aaninne ne mic’eteedda kushiyan med’d’aadda! New danddayettennawe ubbakka baawa.

6 I barew de’iyaa sa’aa saluwaan giigissee; Aa baasuwaakka sa’aan baasee. K’ay I abbaa haatsatuwaa s’eesiide, gadiyaa bollan duge gussee; aw suntsay Med’inaa Godaa.

36 Ayaw gooppe, ubbabaa I med’d’eedda; k’ay ubbabaykka Aa maataaninne awunne de’ee; S’oossaw med’inaw bonchchuu gido. Amen"i.✝

20 Beettena Aa hanotay, hewekka Aa med’inaa wolk’k’aynne Aa S’oossatetsay ittippe S’oossay ha alamiyaa med’d’eeddawaappe doommiide, unttunttoo k’onc’c’iide beetteedda; unttunttu hewaa S’oossay med’d’eeddabaappe be’anaw danddayiyaa diraw, unttunttoo gaasoyiyaabay baawa.

19 S’oossay med’d’eedda med’etaa ubbay S’oossaa naanay k’onc’c’anawaa loytsi laamoti utteedda.

17 Hewaa diraw, ooninne Kiristtoosanna de’ooppe, ooratsa med’etaa; c’imay aad’d’eedda; be’ite, ubbabaykka ooras’s’eedda.

10 Ayaw gooppe, nuuni S’oossaa med’etaa; I nuw kasetiide giigissi wotseedda lo"o oosuwaa nuuni ootsanaadan, Kiristtoosi Yesuusa baggana nuuna med’d’eedda.

18 Nuuni I med’d’eedda med’etatuwaa giddon d’ok’k’asaa akkanaadan, nuuna bare sheniyaan tumu k’aalaan yeleedda.

4 Ayaw gooppe, golliyaa ubbaa kees’s’eeddawe itti asaa; shin ubbabaa kees’s’eeddawe S’oossaa.

28 Ayaw gooppe, hinttenttuppe itti itti eranchchatuu, ‹Nuuni Aa naanaa› geeddawaadan, nuuni aan pas’a de’eettonne k’aas’etteetto.

13 Hewaappe guyyiyaan, sa’aan, saluwaan, sa’aappe garssaaninne abbaa gidduwaan de’iyaa med’etaa ubbaynne k’ay hewaanttun de’iyaa med’etaa ubbay,

«Kawutetsaa oydiyaa bolla,

utteeddawoonne Dorssaw,

galatay, bonchchuu,

sabaynne wolk’k’ay,

med’i med’inaw gido!»

yaagiide yes’s’ishin sisaad.