1 Haayite; ane Med’inaa Godaa sabboytte.

Nuuna ashshiyaa zaallaw nashshechchaw yes’s’oytte.

2 Aa sintsa galataanna shiik’oytte.

Galataa yetsaa nashshechchan yes’s’oytte.

3 Ayaw gooppe, Med’inaa Goday wolk’k’aama S’oossaa,

s’oossatuwaa ubbaa bolla wolk’k’aama kaatiyaa.

4 Biittaa c’iimmatuu Aa kushiyan de’iino;

deriyaa huup’etuukka aawaa.

5 Abbaa haatsaykka aawaa;

hewaa I med’d’eedda;

mela biittaakka Aa kushii ootseedda.

6 Haayite; hokkiide ane aw goyinnoytte;

nuuna med’d’eedda Med’inaa Godaa sintsan gulbbatoytte.

7 Ayaw gooppe, I nu S’oossaa.✝95:7-8 Ibr. 3:15; 4:7✝95:7-11 Ibr. 3:7-11

Nuuni Aa k’ooruwaan de’iyaa asatuwaa;

nuuni I heemmiyaa Aa dorssaa wudetuwaa.

S’oossay hinttena giyaawaa hachchi sisite!

8 «Kase hintte mayzza aawotuu,

Mariiba giyaa sa’aan haneeddawaadan,✝95:8 Kes. 17:1-7; Pay. 20:2-13

he gallassi Maasa Bazzuwaan is’s’eeddawaadan,

hinttekka zoriyaa akkenan is’s’oppite.

9 Unttunttu ta oosuwaa be’iidekka,

taana ek’k’eteeddinonne paac’c’eeddino.

10 Taani he yeletaa oytamu laytsaa shaatettaad;

‹Unttunttu ubbaa wode barenttu wozanaan baliino;

unttunttu ta ogiyaa eribeykkino yaagaad.

11 Hewaadankka k’ay, taani hank’k’etta c’aak’k’aade,✝95:11 Pay. 14:20-23; Zar. 1:34-36; 12:9-11; Ibr. 4:3-5

Unttunttu ta shemppuwaasaa ubbakka gelikkino› yaagaad» yaagee.