1 Baabloone shaafatuwaa matan uttiide,

nuuni S'iyoone k'oppeedda wode yeekkeeddo.

2 He sa'aan nuuni,

nu diitsaa haatsaa matan dic'c'iyaa mitsaa bolla kak'k'eeddo.

3 Nuuna omoodeedda asatuu,

nuuni yes's'iide, unttuntta nashshechchana mala,

«S'iyoone yetsaappe ittuwaa ane nuw yes's'ite» yaageeddino.

4 Med'inaa Godaa yetsaa, nuuni,

allaga biittan wooti yes's'anee?

5 Yerusaalame katamatee, taani neena dogooppe,

ta ushechcha kushii bare oosuwaa dogo.

6 Taani neena hassayennan aggooppenne

ta nashshechchaa ubbaappe aatsaade Yerusaalame dosennan aggooppe,

ta ins's'arssay kookkiyaana oyk'k'etto.

7 Abeet Med'inaa Godaw, Yerusaalame omoodettiyaa gallassi,

Eedooma asatuu ootseeddawaa hassaya;

unttunttu, «kolite! kolite!

Hirkki s'ap'uwaa gakkanaw laalite!» yaageeddawaa dogoppa.

8 Baabloone biittaw, neenikka bayana!✝

Neeni nu bollan ootseedda iita oosuwaa,

ne bolla ootsiyaawe anjjetteedawaa.

9 Ne guutsa naanatuwaa oyk'k'iide,

zaallaa bolla shoc'iyaawe anjjetteedawaa.