1 Med'inaa Goday nuuna omoodetteeddawantta zaariide,

S'iyoone aheedda wode, nuw akumuwaa malateedda.

2 He wode nuuni daro nashetti, miic'c'iide,

nashshechchaa yetsaa yes's'eeddo.

Yaatina, hara kawutetsatuu barenttu giddon,

«Hawanttoo Med'inaa Goday wolk'k'aamabaa ootseedda» yaageeddino.

3 Tumukka Med'inaa Goday nuw wolk'k'aamabaa ootseedda;

nuunikka loytsi nashetteeddo.

4 Abeet Med'inaa Godaw, Neegeeba Bazzuwaan iraa bukissaade,

shaafaa haatsaa zaara kuntsiyaawaadan,

nuwukka nu kaac'aa ooratsa.

5 Yeekkiide zereeddawanttu,

nashshechchan yes's'iidde c'akkana.

6 Zeretsaa tookkiide, yeekkiidde beeddawanttu,

nashshechchaa yetsaa yes's'iidde,

mirk'k'iyaa tookkiide simmana.