1 Med'inaa Godaa galatite! Med'inaa Godaw ooratsa yetsaa yes's'ite!

Ammaniyaawanttu shiik'uwaan Aa sabbite!

2 Israa'eeliyaa asatuu

barentta med'd'eeddawaan nashetino.

S'iyoone asatuu barenttu kaatiyaan loytsi nashetino.

3 Duriidde, karabuwaa bak'k'iiddenne,

diitsaa diis's'iidde, Aa suntsaa sabbino.

4 Ayaw gooppe, S'oossay bare asan nashettee;

Naak'etteeddawanttoo s'oonuwaa immiide,

I unttuntta bonchchee.

5 Asatuu barenttu s'oonuwaan nashetino;

k'amman ubbaan nashshechchaw yes's'ino.

6 Unttunttu doonaan S'oossaa galatay,

unttunttu kushiyankka laa"u bagga kuussa mashshay de'o.

7 Hewekka, unttunttu kawutetsatoo,

haluwaa kessanaassanne asatuwaa muranaassa.

8 Unttunttu kaatetuwaa sanssalatan,

unttunttu olaa gadaawatuwaakka birataan k'achchanaassanne,

9 unttunttu bolla s'aafetteedda pirddaa polanaassa.

Hewe S'oossaa asatuwaa ubbaw s'oonuwaa.

Med'inaa Godaa galatite!