1 Abeet S'oossaw,

taani neekko bak'ateedda diraw, taana naaga.

2 Taani Med'inaa Godaw, «Neeni ta Godaa;

Neeppe attin, hara lo"uu taw baawa» yaagay.

3 Sa'aan de'iyaa geeshshatuu

ay mala galatetteeddino!

Ta nashechchay ubbay unttunttunna ittippe gidiyaawaa.

4 Worddo s'oossatuwaa kaalliyaawanttu

barenttu bolla metuwaa darissiino.

Shin taani unttunttu worddo s'oossatoo yarshshikke;

taani unttunttu suntsaa s'eesikke.

5 Ta Med'inaa Godaw, ta de'uwaa laataynne s'uu'ay neena;

taana koshshiyaa ubbaa neeni taw immaasa.

Ta de'uwaa saamay neena.

6 Neeni taw wad'd'eedda saamay ay keeshshaa lo"ee!

Ee ta laatay tumuwaappe lo"a!

7 Taana zoriyaa Med'inaa Godaa galatay;

bilahekka ta wozanay taana seeree.

8 Taani ubbaa gede Med'inaa Godaa taappe sintsayay✝

I taappe ushechcha baggana de'iyaa diraw,

taani hirggikke.

9 Hewaa diraw, ta wozanay nashettee;

ta shemppuukka hashshu gee.

Ta bollaykka hirggi bayinnan de'ee.

10 Taana Si'ooliyaw aatsaade immakka;✝

neeni ne geeshsha musissakka.

11 Neeni taana de'uwaa ogiyaa bessaasa.

Taani ne matan de'ina, ta nashechchay polettee;

ne ushechcha baggana injjii med'inaw de'ee.