1 Boozatuu barenttu wozanaan,✝

«S'oossay baawa» yaagiino.

Unttunttu de'uu bayeedda.

Unttunttu sheneyiyaabaa ootsiino;

lo"iyaabaa ootsiyaa Asay baawa.

2 S'oossaa koyiyaa eranchchatuu de'inttonne be'anaw,

S'oossay saluwaappe duge asaa s'eellee.

3 Unttunttu ubbaykka S'oossaappe haakkeeddino;

ubbaykka ittippe tuneeddino.

Lo"uwaa ootsiyaa Asay baawa;

haray atto ittuunne baawa.

4 S'oossay, «Hawanttu ta asaa bonk'k'i miyaa iita asatuu

tumu ayinne erikkinoo?

Unttunttu taana woossikkino» yaagee.

5 Unttunttu kase dagammi erennawaa keeshshaa dagamana.

Ayaw gooppe, S'oossay bare asaa morkkiyaawanttu mek'etsaa laalana.

S'oossay unttuntta kad'eedda diraw, unttunttu yeellatana.

6 Israa'eeliyaw atotetsay S'iyooneppe yeerennee!

S'oossay bare asaa omooduwaa zaariyaa wode,

Yaak'ooba zaratuu nashettana;

Israa'eeliyaa Asay nashshechchaw pooc'u gaana.