Lo"o Asaanne Iita Asaa Hametaa
1 Iitatuwaa zoriyaan beennawe,
woy nagaranchchatuwaa ogiyaan ek’k’ennawe,
k’iliic’iyaawanttu shiik’uwaan uttennawe,
hewe anjjetteedawaa.
2 Shin Med’inaa Godaa higgiyan I nashettee;
Aa higgiyaa gallassinne k’amma k’oppee.
3 Hewe goggiyaa haatsaa s’ap’uwaan tokettiide,1:3 Erm. 17:8
ayifiyaa aginaan ayifiyaa,
bare haytsaakka k’ok’k’ofenna mitsaa mala.
I ootsiyaa ubbay aw hanee.
4 Shin iitatuu hewaa mala gidikkino;
c’arkkuu pitti afiyaa suullaa mala.
5 Hewaa diraw, iitatuwaa bolla S’oossay pirddana;
nagaranchchatuukka s’illotuwaa shiik’uwaan ek’k’ikkino.
6 Ayaw gooppe, Med’inaa Goday s’illotuwaa ogiyaa eree;
shin iitatuwaa ogii d’ayana.