1 Taani Med'inaa Godaa giddon bak'ata k'osetta attay.

Yaatina, hintte taana ayaw,

«Kafuwaadan ne deriyaa bak'ata» yaagiitee?

2 Hekko nagaranchchatuu,

wozanaa geeshshatuwaa d'uman c'addanaw,

barenttu wonddaafiyaa bak'etsaa bollan pootsaa toliino.

3 Baasuu bayiyaa wode,

s'illuu ayaa ootsanaw danddayii?

4 Med'inaa Goday bare Geeshsha sa'aan de'ee;

bare saluwaa kawutetsaa araatan,

Med'inaa Goday asaa s'eellee;

S'oossaa ayifii asaa biddee.

5 Med'inaa Goday s'illuwaa biddee.

Shin iitatuwaanne kobabaa siik'iyaawantta

I loytsi is's'ee.

6 S'oossay iitatuwaa bollan ees's'iyaa tamaa bonk'k'uwaanne

ees's'iyaa diiniyaa bukissana.

D'ayssiyaa gotiyaa c'arkkuwaan unttuntta murana.

7 Med'inaa Goday s'illo gideedda diraw,

s'illotetsaa dosee.

Suure asatuu Aa sintsa be'ana.