36 काकरेकी सक्कु चिज परमेश्वरके थेनसे आइत। ऊ सक्कु चिज बनैले बताँ, और सक्कु चिज हुँकारे हुइतिन। हुँकिनेहे सदासर्वदा महिमा मिलिन। आमेन! (यकर मतलब हुइत, अस्तेहेँ होए।)

20 परमेश्वरके अनन्त शक्ति और गुणहे नै देखे सेकजाइत। पर यी बातहे परमेश्वर संसारके सृष्टिक सुरुवातेसे अपन सृष्टि कर्लक चिजहे देखैलाँ। तबेकमारे परमेश्वरहे नै जन्थी कहिके ओइन्के थेन कौनो बहाना नै हुइतिन।

19 काकरेकी सृष्टि बरे आशा भरल नजरसे परमेश्वरके लर्कनके प्रकट हुइना असरा हेरता।

17 तबेकमारे यदि केऊ ख्रीष्टहे विश्वास करत कलेसे ऊ लावा स्वभाव भेटैले बा। पुरान बात बितगिल बा, हेरो, उ सक्कु लावा होगिल बा।

10 काकरेकी येशू ख्रीष्टके संग एकतामे होके हम्रे लावा मनै होके मजा-मजा काम करी कहिके परमेश्वर हम्रिहिन्हे बनैलाँ। और हमार लग करना उ मजा काम परमेश्वर पैलेहेँसे तयार कर्ले बताँ।

18 ऊ अपने इच्छासे सच्चाइक वचनसे हम्रिहिन्हे लावा जीवन देले बताँ। ताकि हम्रे हुँकार बनैलक हरेक चिजके सक्कुहुनसे खास भाग बने सेकी। जसिके अनाजके सुरुक फारा सक्कुहुनसे खास भाग रहत।

3,4 मनै घर बनैथाँ, पर परमेश्वर सक्कु चिज बनैलाँ। काकरेकी मनै बनाइल घरसे धेउर घर बनुइया मनैयाहे आदर करथाँ। ओस्तेहेँके येशू फेन मोशासे धेउर भारी सम्मानके योग्यक बताँ, जेकर माध्यमसे परमेश्वरके घर बनल।

28 काकरेकी ऊ हमार संग बताँ। तबेकमारे हम्रे जिथी और नेङघुम कर्थी और हमार अस्तित्त्व बा। ठिक ओस्तेके जसिके कि तुहुरिन्के कविनके फेन कले बताँ, ‘हम्रे पक्का हुँकारे सन्तान हुइती।’"

13 तब स्वर्गमे, पृथ्वीमे, पृथ्वीक तरे, समुन्दर और वहाँ रहल सक्कु प्राणीनहे मै असिक गैती रहल सुन्नु,

"हम्रे सिंहासनमे बैठल मनैयक प्रशंसा करी।

आऊ, हम्रे पठ्वक प्रशंसा करी।

हम्रे हुँकिन्हे रोट्दिन आदर देखाई।

और हुँकिन्हे सदादिन महिमा करी।

काकरेकी ऊ सक्कुहुनसे शक्तिशाली बताँ।"