Criação
A criação revela a glória de Deus. Céus, terra, mares e tudo o que existe testemunham o poder criador. No princípio Deus criou — e tudo era muito bom.
No princípio
No princípio criou Deus os céus e a terra. O Espírito de Deus pairava sobre as águas. E Deus disse: haja luz.
Taamada loo God ne hai di langi mo henuailala. Henuailala la digi haga noho ina dono ada ge e dugu hua lomo, deai ono mee i golo ai. Di moana bagibagia guu hii nia mee huogodoo gei guu gahu hagatau go di bouli dongoeho, gei di Hagataalunga o God e ngalungalua i hongo nia wai.
Gei God ga helekai, "Dolomeenei gei Gidaadou gaa hai tangada mouli be Gidaadou, gii hai be Gidaadou. Digaula e mogobuna i hongo nia iga, nia manu mamaangi mono manu dolodolo huogodoo, nia manu gaidala mono manu lodo geinga, llauehe mo lligi."
Gei God gaa hai tangada gii hai be Ia, Mee gaa hai taane mo di ahina.
Mee ga hagadabu togo hidu laangi gaa dugu gee bolo di laangi dabuaahia, idimaa, di laangi deelaa di laangi ne haga lawa ai ana mee ala nogo hai huogodoo, ga hagamolooloo.
Yihowah God ga helekai, "Ma hagalee humalia gi taane ma gaa noho modogoia. Au gaa hai dagu dangada e hoo a mee, e hagamaamaa a mee."
O poder criador
Pela palavra do Senhor foram feitos os céus. Tudo foi criado por Ele e para Ele — o visível e o invisível.
Di langi la ne hai go Dimaadua gi ana helekai,
gei ogo di laa, di malama mono heduu la ne hai labelaa gi ana helekai.
I mua dau hai nia gonduu mo dau hai henuailala, Goe go di God dee odi,
gei go di God e noho dono hagaodi ai, gaa hana hua beelaa.
Lloomoi, gidaadou e pala gi lala e daumaha gi Mee,
gidaadou e dogoduli i mua o Dimaadua dela ne hai gidaadou!
Au e hila aga gi tomo nia gonduu, dogu hagamaamaa la ga hanimoi i hee?
Dogu hagamaamaa la ga hanimoi i baahi o Dimaadua,
dela ne hai di langi mo henuailala.
Tadau hagamaamaa le e hanimoi i baahi o Dimaadua
dela ne hai di langi mo henuailala.
Dangi nei la go di laangi o Dimaadua ne aali ai.
Gidaadou la gi tenetene mo di budu momoogo tenetene!
Goe ne hai nia mee huogodoo o dogu huaidina,
gei Goe ne haga noho au i lodo tinae o dogu dinana.
Au e hagaamu Goe i doo hai au hagahumalia ge haga goboina,
au mee huogodoo ala e hai le e haga goboina gei e humalia huoloo.
Au gu iloo eau di mee deenei mai i lodo dogu manawa hagatau.
Criador e Sustentador
O Deus eterno não se cansa nem se fatiga. Dele, por Ele e para Ele são todas as coisas — a Ele seja a glória.
Goe e de iloo e goe? Goe digi hagalongo? Dimaadua dela go di God dono hagaodi ai. Mee ne hai henuailala hagatau, Mee hagalee duadua be e buhi. Deai tangada e iloo ana maanadu ai.
Ma iai di baalanga hadu e mee di hai ono donu gi tangada dela ne hai di maa? Di baalanga le e hai hua be nia baalanga ala i golo. Di baalanga e mee di heheeu gi tangada hai baalanga be ia e hai dana aha? Di baalanga e mee di hai ono donu gi tangada hai baalanga bolo mee digi iloo ia di hai di baalanga?
"Meenei Tagi go Yihowah, Kooe dela ne hai di langi mo henuailala gi oo mahi mo o mogobuna, deai dahi mee haingadaa i doo baahi ai."
Dimaadua guu hai dono lohongo i di langi, gaa dugu mai di aholi o di langi gi hongo henuailala. Mee e gahigahi mai nia wai o di moana gi lloomoi, ga haga doo iha gi hongo henuailala. Dono ingoo dela go Yihowah!
Idimaa, nia mee huogodoo la ne hai go Mee, ge ne hai mai i Mee, ge ne hai ang gi Mee.
Di madamada ang gi God gii hana hua beelaa. Amen.
Mai taamada di madagoaa God ne hai henuailala, gei nia daangada gu gidee madammaa ono mogobuna mo dono dabuaahia e dee odi. Nia mee aanei le e modongoohia humalia mai i di gili ana mee ala ne hai, malaa, gu deai tumaalia ang gi digaula ai.
Nia mee huogodoo ala ne hai go God le e talitali nia dama a God gi kila aga.
Nova criação
Se alguém está em Cristo, nova criatura é. O Criador faz novas todas as coisas — na natureza e na redenção.
Tangada dela guu hai di tama ni Christ, geia guu hai tangada hoou. Nia mee namua gu hagalee i dono baahi, gei nia mee hoou gu kila aga.
God ne hai gidaadou gii hai beenei, gei i lodo tadau buni anga gi Jesus Christ, Mee ne hai gidaadou gi hai mee gi di mouli e hai nnegau humalia ala guu lawa dana hagatogomaalia mai gi gidaadou gi heia.
Mai dono hiihai oono, Mee ne hai gidaadou mai ana helekai donu, bolo gii hai gidaadou nia ulu mmaadua o ana mee huogodoo.
Nia daangada le e hau nia hale, gei God e hau nia mee huogodoo.
idimaa,
‘Gidaadou e mouli ge e ngalungalua
ge e noho mai i mee.’
"E hai hogi be di hai o hunu godou gau huwa daahili ala ne helekai ai,
‘Gidaadou nia dama ni mee labelaa.’
Gei au ga longono nia mee huogodoo i di langi, henuailala, bahi i lala henuailala, mo i lodo di moana, ala go nia mee mouli huogodoo i henuailala mo lala di langi. Digaula e dadaahili boloo,
"Di hagaamu, di hagalaamua,
di madamada, mo di maaloo
gii wanga ina gi Mee
dela e noho i hongo di lohongo king
mo ang gi Tama siibi,
gaa hana hua beelaa!"