1 ቤርታዺ ፆኦሲ ጫሪንቺና ሳዓና ዔኤቢ ባኣያይዳፓ ማዤኔ። 2 ዬኖ ዎዶና ሳዖኮ ሃማኬ ጌዒ ዔርታ ባኣዚ ባኣያ፤ ሃሣ ፔቴታዖ ዒዞይዳ ዓኣ ባኣዚያ ባኣያኬ፥ ሚርጌና ዔቴ ማዔ ዼኤፖ ዒጊቻ ዋኣፆ ዑፆይዳ ሻኔ ዹሚ ዓኣኔ፤ ፆኦሲኮዋ ዓያና ዋኣፆ ዑፆይዳ ሴካ ሃንጋ ጋዓኔ።

26 ዬካፓ ፆኦሲ፦ «ዓሲ ኑኡኒ ኑ ማሎና፥ ኑና ማላያ ዔኤቢ ባኣያይዳፓ ማዦም፤ ዬንሢ ዓሶንሢኮ ባዞይዳ ናንጋ ሞላሢ ዑፃ፥ ጫሪንጮ ካፖ ዑፃ፥ ቆሎንታ ካዮ ቦዖ ዻኮንታ ዼኤፖንታ ዑፃ፤ ሃሣ ዬያጉዲ ሳዖ ቢያይዳ ቢታንቶ ዓኣያ ማዖንጎ» ጌዔኔ። ✝

27 ፆኦሲ ዬያይዲ ዓሲ ማዤኔ፤

ፔ ማሎና ፔና ማላያ፥

ዓቲንቄና ላኣሊና ማሂ ማዤኔ። ✝

3 ፆኦሲ ማዢፆ ማዾ ቢያ ሃሼ ኬላ ዒማና ማዔሢሮ ላንካሳ ኬሎ ዓንጂ ዱማሴኔ። ✝

18 ሄሊሳዖ ናንጊና ናንጋ ጎዳ ማዔ ፆኦሲ፦ «ዓሢ ፔኤሮ ናንጋሢ ኮሺቱዋሴ፤ ዬያሮ ዒዛና ጊኢጋያ፥ ሃሣ ዒዛ ማኣዳንዳያ ላጌ ታኣኒ ማዣንዳኔ» ጌዔኔ።

6 ናንጊና ናንጋ ጎዳሢ ቃኣሎና

ጫሪንጫ ማዢንቴኔ፤

ዒዛኮ ዑኡዞና ዓቦንታ ዓጊኖንታ

ዦኦጋሢያ ማዢንቴኔ።

2 ዹኮ ማዻንዳሢና ዓጮዋ ኔ ማዣንዳሢኮ ቤርታ

ኔኤኒ ናኣናና ናናንጋ ፆኦሲኬ።

6 ሃኒ ሙኩዋቴ፤ ኑ ዒዛ ካኣሽኪ ዚጎም!

ኑና ማዤ ናንጊና ናንጋ ጎዳ ቤርታ ኑ ጉምዓቶም።

1 ታ ሌካ ዼኤፖ ዹኮ ባንሢ ዛጋኔ፤

ሃንጎሾ፥ ታኣኒ ማኣዶ ዓንካፓ ዴንቃንዳዖ?

2 ማኣዳ ታኣም ሙካሢ

ጫሪንጮና ሳዖና ማዤ ናንጊና ናንጋ ጎዳፓኬ።

8 ዬያይዲ ኑና ማኣዴሢ

ጫሪንጮና ሳዖና ማዤ ናንጊና ናንጋ ጎዳ ሱንፆኬ።

24 ናንጊና ናንጋ ጎዳ ማዤ ኬሌላ ሃኖኬ፤

ዬያሮ ኮሺ ኑ ዎዛዾም!

13 ታና ጉቤና ማዤሢ ኔናኬ፤

ታ ዒንዶ ጎጳ ታ ዑፆ ዎላ ካንሢ ማዤሢ ኔናኬ።

14 ዲቃሢ ሄርሺሳ ጎይሢና ታ ማዢንቴሢሮ ታ ኔና ጋላታኔ፤

ኔኤኮ ማዻ ቢያ ሄርሺሲ ዲቃሣያ ማዔሢ ጋፒ ታኣኒ ዔራኔ።

28 ፔቴታዖ ኔኤኒ ዔሩዋዓዳ?

ዋይዚያ ኔኤኒ ዋይዚባኣዓዳ?

ፆኦሲ ናንጊና ናንጋ ጎዳኬ፤

ዓጮ ቢያ ማዤሢ ዒዛኬ፤

ዒዚ ፔቴታዖ ላቢንቱዋሴ፥ ማሊፆዋ ፔኤኮ ሺርሹዋሴ።

9 ማዤሢና ዎላ ማርማሢም ባዴዔ!

ዒዚ ዓጪና ማዢንቴ ሜሆይዳፓ ፔቴሢኬ፤

ፔቴ ዓጪና ማዦና ሜሄ ማዤሢ ኮራ፦

«ሃይ ኔኤኒ ዎዎዳይ?

ኩጫ ዓርቃ ኬሌጫ ዎካዳይ?» ጌይ ዖኦጫኒ ዳንዳዓ? ✝

17 «ናንጊና ናንጋ ጎዳ ማዔ ፆኦዛሢዮ! ኔኤኮ ዼኤፖ ቢታንቶና ዎልቆና ኔኤኒ ጫሪንጮንታ ሳዖንታ ማዤኔ፤ ፔቴታዖ ኔና ባሻ ባኣዚ ባኣሴ፤

6 ፔኤኮ ናንጎ ማኣሮ ጫሪንጫ ማዤሢ

ሳዖኮ ዑፆይዳ ሌካ ዼጌ ቤዞ ኮሺ ዒኢካ ዶዲሼሢ

ዼኤፖ ባዞ ዋኣፆዋ ፔ ባንሢ ዔኤሊ

ሳዖይዳ ጊንሣ ሾኦቲሳሢ ዒዛኬ፤

ሱንፃኣ ዒዛኮ ናንጊና ናንጋ ጎዳኬ።

36 ዎይቲ ጌዔቴ ቢያ ባኮ ማዤሢ ዒዛኬ፤ ቢያ ባኮ ናንጊሻሢያ ዒዛኬ፥ ዒዛም ናንጋያኬ፤ ናንጊና ቦንቾ ዒዛም ማዖንጎ፤ ዓኣሜን። ✝

20 ዓጫ ማዢንቴሢዳፓ ዓርቃዖ ዓሲም ጴዹዋ፥ ፆኦሲ ባካ፤ ጌይፃ፦ ናንጊና ናንጋ ዒዛኮ ዎልቆና ፆኦሱሞና ዒ ማዤ ባኮይዳ ፔጋዺ ጴዼኔ፤ ዬያሮ ዬኖ ዓሶጉዲ ዔሬዖ ፑርቲሳዞንሢ ቶላኒ ጌስታንዳ ባኣዚ ባኣሴ።

19 ማዢንታ ቢያ ፆኦሲኮ ናኣታ ፔጋዺ ጴዻንዳሢ ዼኤፒ ማሊሢ ጌሢ ካፓኔ።

17 ዬያሮ ዖኦኒያ ኪሪስቶሴና ዎላ ፔቴ ማዔቴ ዓኪ ማዢንቲኬ፤ ቤርታኣ ባካ ዓኣዼኔ፤ ዬያ ቤዞ ዓኪ ባኣዚ ዓርቄኔ ጌይሢኬ።

10 ዓይጎሮ ጌዔቴ ኑኡኒ ቤርታዺ ፆኦሲ ጊኢጊሼ፥ ኮዦ ማዾ ማዻንዳጉዲ ዬሱስ ኪሪስቶሴ ዛሎና ማዢንቴ ፆኦሲ ማዢንቲኬ።

18 ፆኦሲ ፔኤኮ ማዢንቶ ቢያሢኮ ኑኡኒ ቤርቲ ማዓንዳጉዲ ፔ ማሊሢዳፓ ጎኑሞ ቃኣሎና ኑና ሾዔኔ።

4 ጎኔኬ ፔቴ ፔቴ ማኣሮ ማዤ ዓሲ ዓሲ ዓኣኔ፤ ጋዓንቴ ቢያ ባኮ ማዤሢ ፆኦሲኬ።

28 ዓይጎሮ ጌዔቶ፦

‹ሼምፔና ኑ ዴዓሢ፥ ኑኡኒ ዓጊፂ ሃንታሢ

ናንጊያ ኑ ናንጋሢ ዒዛናኬ›

ዬይያ ዒንሢኮ ዓይናዻ ዓሳ፦

‹ኑኡኒ ቢያሢ ዒዛ ናይኬ› ጋዓሢ ጉዴያኬ።

13 ዬካፓ ጫሪንጮና ሳዖናይዳ፥ ሳዖኮዋ ዴማ ሃሣ ዼኤፖ ባዞናይዳ፥ ዬያ ባኮ ቢያይዳ ዓኣ ማዢንታ ቢያ፦

«ካኣቱሞ ዖይቶይዳ ዴዔሢና ማራዓሢናም

ጋላታ፥ ቦንቾ፥ ሄርሺሢንታ ዎልቄንታ

ናንጊና ማዖንጎ» ጌይ ዓይናዻንቴ ታ ዋይዜኔ።