1 Bifo we bifo olgeta, God i mekem skae mo graon wetem olgeta samting we i stap long tufala, 2 be long taem ya, wol ya i narafala olgeta.* skae mo graon wetem olgeta samting we i stap long tufala, 2 be long taem ya, wol i narafala olgeta. Hem i stap nating nomo, we i no gat wan samting nating i stap long hem. Tudak nomo i stap kavremap bigfala wota, mo Spirit blong God i stap go i kam antap long hem.* antap long hem. Mo narawan i olsem. Tudak nomo i stap kavremap bigfala wota, mo bigfala win i stap blu i go i kam antap long hem.

26 ✝Nao God i tok bakegen, i talem se, "I gud yumi* mekem man, mo i gud yumi mekem we hem i tekem fasin blong yumi, i olsem yumi. Hem bambae i bos long ol fis, mo long ol pijin, mo long ol anamol blong vilej mo long ol anamol blong bus, i stat long olgeta we oli bigbigfala, i go kasem olgeta we oli smosmol. Olgeta evriwan bambae oli stap aninit long han blong hem."

27 ✝✝Nao hem i mekem man, mo man ya i tekem fasin blong hem, i olsem hem stret. Fastaem, hem i mekem tu man nomo, wan we i man mo wan we i woman.

3 Nao hem i blesem namba seven dei ya, mo i makemaot se namba seven dei blong wik i tabu, from we long dei ya, hem i no moa wok, hem i spel, from we wok ya blong hem blong mekem olgeta samting we i stap, i finis.

18 Nao Hae God i talem se, "I nogud we man ya i stap hem wan. I moa gud mi mekem wan fren blong hem we i olsem hem, blong i givhan long hem."

6 Olgeta samting long skae,

Hae God i mekem olgeta long tok blong hem nomo.

San mo mun mo ol sta

oli kamaot long tok we hem i talem.

2 Bifo,

taem we yu no mekem ol hil ya yet,

long taem ya we yu no wokem wol ya nating yet,

be yu yu stap fastaem finis.

Yu yu God we yu stap we yu stap,

mo bambae yu save stap oltaem,

gogo i no save finis.

6 Hae God, hem i mekem yumi.

Yufala i kam, yumi bodaon,

yumi nildaon long fes blong hem,

yumi mekem wosip long hem.

1 Olgeta.

?Man blong givhan long mi

bambae i kamaot long weples?

Mi mi lukluk i go antap long ol hil,

be no, i nogat.

2 Hae God ya we i mekem skae mo graon,

hem nomo i stap givhan long mi.

8 Hae God i mekem skae mo graon,

mo hem nao i stap givhan long yumi.

24 Dei ya,

hem i dei we hem i win long hem,

i gud yumi glad,

yumi mekem lafet.

13 Taem mi stap yet long bel blong mama blong mi,

yu yu mekem evri haf blong bodi blong mi,

mo yu mekem olgeta oli joen gud.

14 Yu yu mekem mi

long fasin we i narafala,

mo i nambawan olgeta.

Mi mi ona long yu,

mo mi presem nem blong yu from.

Olgeta samting we yu yu mekem

oli gud we i gud tumas.

Samting ya,

mi mi save we mi savegud.*

28 ?Weswe?

?Yufala i no save?

?Yufala i no harem stori blong hem?

Hae God ya,

hem i God we i stap oltaem,

mo bambae i stap gogo i no save finis.

Hem nao i mekem olgeta samting long wol ya.

Neva hem i save kam taed,

neva hem i save harem se i slak.

Mo i no gat man

we i save kasem tingting blong hem.

9 ✝Bakegen, profet i talem long ol man blong hem se,

"Olgeta.

?Olsem wanem?

?Yufala i ting se wan graonpot

we i sem mak wetem ol narafala graonpot,

hem i save girap,

i rao long man we i wokem hem?

?Yufala i ting se graon i save tok long man

we i stap wokem graonpot,

i talem se,

‘?Yu yu stap mekem wanem long mi?’?

?Yufala i ting

se hem i save talem long man olsem se,

‘!Yu no save samting ya we yu stap mekem!’?

17 ‘Hae God. Yu yu Masta* blong mifala. Long bigfala paoa long yu, yu yu mekem wol ya, wetem skae mo olgeta samting we i stap long hem. I no gat wan samting nating we i strong tumas we yu yu no save mekem.

6 Hae God ya,

hem i wokem ples blong hem

antap long skae ya,

mo i mekem wan samting olsem ruf,

i putum antap long wol ya.

Hem i gat paoa

blong singaot solwota i go antap,

i kam klaod,

mo blong mekem i kam ren,

i foldaon bakegen long wol ya.

!Nem blong hem, Hae God!"

36 ✝God ya, hem nomo i mekem olgeta samting. Mo olgeta samting ya oli stap stanap long paoa blong hem nomo, mo oli stap blong presem hem nomo. Bambae yumi stap leftemap nem blong hem oltaem, gogo i no save finis. Amen.

20 Yumi no save luk ol fasin ya blong hem stret long ae blong yumi. Hem i God. Hem i stap oltaem, mo paoa blong hem i no save finis. Be i stat long taem ya we hem i mekem wol ya fastaem, i kam kasem tede, hem i bin mekem ol fasin ya blong hem oli klia, blong yumi luk. Yumi save faenemaot long ol samting blong wol ya we hem i bin mekem. From samting ya, ol man oli no gat wan tok nating blong talem.

19 Naoia, olgeta samting we God i mekem oli stap wet, we oli wantem tumas blong luk we God bambae i soemaot ol pikinini blong hem.

17 Taem we God i joenem man long Kraes, hem i mekem man ya i kam wan niufala man. Ol fasin blong laef blong hem bifo oli finis, nao laef blong hem i kam niuwan olgeta.

10 God i mekem yumi, mo hem i stap wok long laef blong yumi. Hem i joenem yumi long Jisas Kraes, mo i mekem yumi kam ol niufala man, blong bambae yumi save mekem ol gudgudfala wok we hem i makemaot finis, blong yumi mekem.

18 Mo God i yusum trutok blong hem blong mekem yumi kam pikinini blong hem, from we hem i wantem mekem olsem. Nao long olgeta samting we hem i wokem, yumi nao, yumi olsem fas kakae blong garen blong hem.

4 Yes i tru, evri haos i gat man we i wokem, be God i wokem olgeta samting we i stap.

28 I olsem we wan man i talem bifo se, ‘From we yumi joen long God nomo, yumi gat laef, yumi stap wokbaot, mo yumi stap mekem evri samting.’ Mo i olsem we wan man blong yufala we i stap wokem singsing i talem finis se, ‘Yumi tu i pikinini blong hem.’

13 Nao mi harem olgeta samting we God i mekem we oli gat laef, oli stap singsing. Olgeta samting long heven, mo long graon, mo long Hom* blong ol Dedman, mo long solwota, olgeta samting evriwan long heven mo long wol oli stap singsing se,

"Man ya

we i stap sidaon long bigfala jea blong king,

mo Smol Sipsip ya tu,

yumi mas presem tufala,

yumi mas ona long tufala,

yumi mas leftemap nem blong tufala,

mo yumi mas talemaot paoa blong tufala,

gogo i no save finis."