1 Nnon, foos yin ifɛ̀ bada ni binggɔ yin na Adakunom, nek anɔng e se gyat. 2 Ti i di se ni ijɛk fok, <<Nɔk ada ni nggɔ ngɔn iratek.>> Nek ide yet agbat ifɛ̀ fɛ́ ba moon ni kushi. 3 Ki i nɔɔk yin bada ni binggɔ yin, <<i da sɛ yin awɛng, i da sɛ yin nkɔs dot azatse.>>

4 Bada, i bi sas yin nnon yin kafa kawe awo; akuce anɔng, ka ba ta yin ni itees, ni itabak aTisa.

4 Bada, i bi sas yin nnon yin kafa kawe awo; akuce anɔng, ka ba ta yin ni itees, ni itabak aTisa.

1 Nek i mi sot yin nnon fɛ́ Adakunom shim, kuus yin nggɔn wu ni kusot yin.

20 Nnon, fok yin ifɛ̀ bada ni binggɔ yin na akaakyɛ, nek anɔng e tɛrɛk aTisa iyɛ.

21 Bada, i bi beseng yin nnon yin iyɛ awo. Nek ki i nye yin anɔng, i da ka ba but yin nkap.

14 AYeso fɛ̀ ni iba, <<Won yin nnon naban e na na bɛs ni imi! I bi ka ba ro yin awo, nek igwɔm Azanɛn yet ifɛ́ banet tɛ ba bang.>>

14 AYeso fɛ̀ ni iba, <<Won yin nnon naban e na na bɛs ni imi! I bi ka ba ro yin awo, nek igwɔm Azanɛn yet ifɛ́ banet tɛ ba bang.>>

1 Ni izen e yɔng, bafi imɛɛs aYeso bɛ́ ba ku rip yɛ, <<Angan wu a wat ni iratek ni igwɔm Azanɛn ɛ?>>

2 AYeso yes nggon kabaane sak ni wu, a ka ka te ka nyeseng ashon bá, 3 wɛt a fɛ̀ ni ba, <<Won in ki tak yin atsak, Ma nggɔn yin shesheng in sot ti in fi nnon, ke da anɔng awo, vit iyin ni inɔ ayɛt igwɔm Azanɛn. 4 Ngma ayɔng fɛ́ a ya kashon ni imen ice tɛ kaban nggon kà, iwu wu a wat ni iratek ni igwɔm Azanɛn.

3 wɛt a fɛ̀ ni ba, <<Won in ki tak yin atsak, Ma nggɔn yin shesheng in sot ti in fi nnon, ke da anɔng awo, vit iyin ni inɔ ayɛt igwɔm Azanɛn. 4 Ngma ayɔng fɛ́ a ya kashon ni imen ice tɛ kaban nggon kà, iwu wu a wat ni iratek ni igwɔm Azanɛn. 5 Kaangan fɛ́ a shan nggon tɛ ka kang ni iyerek hom, imi wu a di shan.>>

10 <<Nɔ yin nhwyɛ yin, i bi byɛs yin kazining ayɛt nnon nang awo. Nek in tsin ki tak yin, batomaza ba se ashon aDa hom ayɛt azanɛn kaaki izen.*

25 Ni izen e yɔng, aYeso fɛ̀ yɛ, <<Ada, ngɔn fi i yet aTisa azanɛn nɛ kazatse! Imi da feng, nek ngɔn nɛt banet kutsitsɛng nɛ bafi irēn nkyɔrɔk nang, ngɔn tarak ayisi naban nnon ni ide.

9 Awɛng se gung na bayɔng

fɛ́ ba monoso kusonong kukyang,

nek ba bi ka ba yes nnon Adakunom.

15 Ama fɛ́ ba mi gang iya kuyak, aYeso fɛ̀ ne aSiman Bitrus, <<ASiman, arim aYohana, ne atsak ngɔn di shim iwat ba ba yɛ?>>

ABitrus fɛ̀ ni wu, <<Ey, aTisa ngɔn rēn, fok imi da shim.>>

AYeso fɛ̀ ni wu, <<Yɛrɛ naban ítsamang hom.>>

12 Ngma nɛ nɔng, ngma bayɔng fɛ́ ba ku shan, bayɔng fɛ́ ba di nɔɔk atsak ni iyerek wu, a mi ka ba nɔk ízɔk nɛ ba sot nnon Adakunom,

14 Nek bayɔng fɛ́ Kabik Adakunom ka ba kɔk kutaa, iba ba, ba yet nnon Adakunom.

15 Nek da iyin shan yin kabik isam fɛ́ ka bɛ́s ni inyim awo, tit Kabik nggon ari. Kabik e ki nesek yit agap iye in di yes yit Adakunom, <<Abba!* Ada hom!>>

16 Kabik Adakunom ice wu, gung na kabik kafiit, ki taas yit fok, iyit yet yit nnon Adakunom.

19 Nek ngma nkyɔrɔk fɛ́ Adakunom nye, in bi iyɛ ingash makiyi nek ku di izen fɛ́ Adakunom bi tonong nnon wu.

26 Ngma yin i yet yit nnon Adakunom, ni rèn inɔɔk atsak na Anet-Isheshek aYeso, 27 nek ngma yin fɛ́ ba mi ki ra yin abatisma gung na Anet-Isheshek, i mi sok yin nggɔn Anet-Isheshek yɔng.

1 Di yin kudot ishim fɛ́ aDa ki nye yit ne, fi i sak ba ki yes yit nnon Adakunom! Anɔng e fi in yet yit. Ikyɛng fi i sak banet azatse ki rēn yit awo yet nek iba ku rēn awo.

2 Bafidang in, yɔkɔnɔng in yet yit nnon Adakunom, ikyɛng fi in bi sot yit sak ashon, ba mi rēn ide ninyɛn awo. Awɛt ikyɛng fi in rēn yit yet fok, ni izen fɛ́ ba bi rēn ide, in bi sot yit ti iwu, nek in bi ku di yit tɛ fɛ́ a di se. 3 Ngma ayɔng fɛ́ a bɛ̀ kuri ite iyɛ yeng ni wu, a sosok cɛ́l, kyɔn ti iwu di se cɛ́l.

12 Naban nnon in, in tsin ki jɛk yin ne nek Adakunom mi ki fuut yin anɛn yin, nek iyerek aYeso.

21 Naban nnon in, sak yin ace yin yik-yik na nabannom.

4 I se gbing-gbing na yet ayɔng fɛ́ a kyem a bɛrɛng kari wu gyat, ayɔng fi nnon wu ku foos ifɛ̀ na ba ku nesek iratek.

8 Ngma anet fɛ́ da a kyɛm a nesek bafi izit wu awo, amak e bafɛ́ ari wu, a mi tone ni inɔɔk atsak wu, ibeseng wu wat ifi nhwyi.

5 Iyin mi te burum yin ni kucɛɛt ite gbagba fok iyin yet yin nnon hom ɛ:

<<Arim hom, i bi byɛs

itabak aTisa awo.

I bi te gbɛrɛk ni izen fɛ́

ba da kɔn awo.

6 Nek aTisa me nye bayɔng

fɛ́ a ka ba shim anɔng,

iwu tabak bayɔng fɛ́

a ka ba shan

ba sot nnon wu.>>

7 Nye yin gbinding ayɛt mgbang, sok yin ina ti itabak fɛ́ Adakunom nyes nnon wu ne, nek akyi nggon fɛ́ da ada ka won dang ka ka tabak ɛ? 8 Ke da ba ki tabak yin tɛ ba di tabak ngma nnon awo, idɔng tonong fok, iyin yet yin ashaam nnon, da natitup nnon awo. 9 Ama anɔng, in bɛ̀ yit bada yit ni irɔm fɛ́ ba ki tabasa yit, ni in ka ba foos yit ifɛ̀, i da wat se yɛɛt ni in shan yit itabak Ada yit afɛ́ abik nek ni di sɛ yit kutset awɛ?

11 Vit itabak fi i ta ni izen fɛ́ ba se ne, tit ibeseng iyɛ kyɛk, awɛt ama anɔng, ni ki bɛ́ yit ni imen iyɛ ni kusot kutabat sak na bayɔng fɛ́ ba shan itabak e.

31 Ba fɛ̀ ni wu, <<Shan atsak ne aTisa aYeso, i da sɛ isheshek, ngɔn nɛ kasa ngɔn kusum.>>

22 Teng ngɔn imaan ikɔk fɛ́ bacam tsɛt, di kuus kusot kutabat, ni kusot abik, ni ishim, ni imen nhwyɛ na bayɔng fɛ́ ba yes aTisa ni iyɛ ikan.

2 Ngma nkyɔrɔk fi ngɔn mi foos in cɛɛt ashon banet dot, naban ina na bayɔng fɛ́ ba di ki te iyɛ ni ba, fɛ́ ba da tees bakak e bà.

4 Vit ikyɛng fi i di nesek itɛrɛk iyɛ fi iwat ki in fok nnon in tsin tseng ayɛt atsak.

4 Vit ikyɛng fi i di nesek itɛrɛk iyɛ fi iwat ki in fok nnon in tsin tseng ayɛt atsak.