Tomar uma decisão
Tomar decisões com sabedoria é um dos maiores desafios da vida. A Bíblia nos ensina a buscar a Deus em oração, na Palavra e no conselho, confiando que Ele dirige os nossos passos.
Buscar a Deus
Se algum de vós tem falta de sabedoria, peça a Deus. Ele dá generosamente e sem repreensão a todos os que pedem.
ଅମଙ୍ଲୋଙ୍ବେନ୍ ସିଲଡ୍ ଆନ୍ନିଙ୍ ଆ ଗିଆନ ଅସୋୟ୍ ଡକୋଏନ୍ ଡେନ୍, ଆନିନ୍ ଇସ୍ୱରନ୍ ଆମଙ୍ ପାର୍ତନାନେତୋ, ଏତ୍ତେଲ୍ଡେନ୍ ଇସ୍ୱରନ୍ ଆନିନ୍ଆଡଙ୍ ଗିଆନନ୍ ତିୟ୍ତେ, ଇନିଆସନ୍ଗାମେଣ୍ଡେନ୍ ଆନିନ୍ ଆନ୍ନିଙ୍ ଆ ଡୋସା ଏର୍ଞନମନ୍ କାନକାରମ୍ଡାଲେ ଅଡ଼୍କୋଞ୍ଜିଆଡଙ୍ ତିୟ୍ତଜି ।
ଇନ୍ଲେଞ୍ଜି ଇସ୍ୱରନ୍ ଆ ଇସ୍ସୁମ୍ ବାତ୍ତେ ଇନି ପାର୍ତନାତନ୍ବୋ, ଆନିନ୍ ପାର୍ତନାଲେନ୍ ଅମ୍ଡଙ୍ତେ, ଆମୁକ୍କାବାନ୍ କେନ୍ ଏନ୍ନେଲେ ଅନୋମଙ୍ଲେନ୍ ଡକୋ ।
ଆର୍ପାୟ୍ ଇନ୍ଲେଞ୍ଜି ଇସ୍ୱରନ୍ ଆମଙ୍ ଇର୍ସେଲେନ୍ ବର୍ରନ୍ବୋ ଡେନ୍, ଏତ୍ତେଲ୍ଡେନ୍ ଆନିନ୍ ଅଡ଼୍କୋନ୍ ଇର୍ସେଲେଞ୍ଜି କେମାନ୍ ତନିୟନ୍ ଆସନ୍ ଡ ଅଡ଼୍କୋ ଏର୍ମଡ଼ିର୍ଲେଞ୍ଜି ସିଲଡ୍ ଇନ୍ଲେଞ୍ଜିଆଡଙ୍ ମବ୍ଡ଼ିର୍ଲଙ୍ତନ୍, ଇନିଆସନ୍ଗାମେଣ୍ଡେନ୍ ଆନିନ୍ ଅଙ୍ଗାଆତେ ବାସାଲଙ୍ତନ୍ ତିଆତେ ଲୁମ୍ତେ, ଆରି ଆନିନ୍ ଆଜାଡ଼ିନ୍ ବାତ୍ତେ ବିସାରତେ ।
ଆମନ୍ ଅଡ଼୍କୋ ଉଗ୍ଗର୍ନମ୍ ବାତ୍ତେ ପ୍ରବୁନ୍ ଆମଙ୍ଲୋଙ୍ ଡର୍ନା ଆରି ଆମନ୍ଡମନ୍ ଆ ମନଙ୍ ଅନିୟମ୍ଲୋଙନ୍ ଇଙ୍ଡର୍ଡଙ୍ନେ । ଅଡ଼୍କୋନ୍ କାବ୍ବାଡ଼ାରେଙ୍ନମ୍ ଆନିନ୍ଆଡଙ୍ ମନ୍ନେଆ, ଏତ୍ତେଲ୍ଡେନ୍ ଆନିନ୍ ତଙର୍ନମ୍ ଅଡ଼୍କୋନ୍ ବୁବ୍ଙୟ୍ତେ ।
ଅଡ଼୍କୋନ୍ କାବ୍ବାଡ଼ାରେଙ୍ନମ୍ ଆନିନ୍ଆଡଙ୍ ମନ୍ନେଆ, ଏତ୍ତେଲ୍ଡେନ୍ ଆନିନ୍ ତଙର୍ନମ୍ ଅଡ଼୍କୋନ୍ ବୁବ୍ଙୟ୍ତେ ।
Conselho e direção
Onde não há conselho os planos se frustam. Toda Escritura é útil para nos guiar nas decisões da vida.
ମନଙ୍ ଞନଙ୍ଞଙ୍ବରନ୍ ଅଃଞାଙ୍ଲଜିଡେନ୍ ମନ୍ରାଞ୍ଜି ଅସେଡ୍ତଜି,ଆରି ଗୋଗୋୟ୍ ମନ୍ତ୍ରିଞ୍ଜି ଆ ଞନଙ୍ଞଙ୍ ବାତ୍ତେ ମନ୍ରାଞ୍ଜି ଅଃନସେଡେଜି ।
ଗନବ୍ରିନ୍ ଆସନ୍ ମନ୍ରାଞ୍ଜି ଡିଆସିଙ୍ଲୋଙନ୍ ଅନବ୍କଡ଼ିନ୍ ସେଡ୍ତଜି, ବନ୍ଡ ତିଆତେ ପ୍ରବୁନ୍ ଗବ୍ରିତେ ।
ଆନା ଆନିନ୍ଡମନ୍ଆଡଙ୍ ଆଙ୍ସାତେ, ଆନିନ୍ ଆମନନଙନ୍ ଆସନ୍ ଲୁମ୍ତେ,ଆରି ଏର୍ଜାଡ଼ିକାନ୍ ଆମନଙ୍ ଗିଆନ ବିରୁଦଲୋଙ୍ ଗୋଡ଼େତନ୍ । ଉଲ୍ଲୁମରନ୍ ବୁଡ୍ଡିଲୋଙନ୍ ଅସର୍ଡାଏ, ଆନିନ୍ଡମ୍ ଆ ମନନ୍ ଆବର୍ନେ ଆନପ୍ପୁଙ୍ ଲଡୟ୍ତେ । ପେଲ୍ଲାନ୍ ଜିର୍ରାୟ୍ଡେନ୍ ଅନାଲ୍ଲେନ୍ ଜିର୍ତାୟ୍, ଆରି ଗନ୍ଡ୍ରୟ୍ଜନ୍ ସରିନ୍ ନିଣ୍ତୟନ୍ ଜିର୍ତାୟ୍ । ମନ୍ରାନ୍ ଆତଅଡ୍ ଆବର୍ନେ ଜରୁ ଡାଆନ୍ ଅନ୍ତମ୍, ଆରି ଗିଆନନ୍ ଆ ପନଡାବ୍ ଡରକୋନେ ଆପନେଡାନ୍ ଅନ୍ତମ୍ । ପେଲ୍ଲାନ୍ ଆ ଡ୍ଡନୁଲ୍ମଡ୍ ଅଡ଼େ ପନ୍ସୁଆତିଲୋଙନ୍ ଡରମ୍ମନ୍ ଆଡଅଙ୍ ଅନିଆୟ୍ ଆନମେ ମନଙ୍ତଡ୍ । ଉଲ୍ଲୁନ୍ ଆ ଉସାଲ୍ତମ୍ ଅଲ୍ବାଡ୍ଡେଲୋଙନ୍ ସୁସ୍କାୟ୍ତେ,ଆରି ଆତଅଡନ୍ ତନୁଡନ୍ ଆଞନାଙ୍ ଆସନ୍ ଓଡ୍ଡେତେ । ଉଲ୍ଲୁନ୍ ଆତଅଡ୍ ଆନସେଡନ୍ମା,ଆରି ଆ ଉସାଲ୍ତମନ୍ ଆନିନ୍ଡମ୍ ଆପରାନ୍ନା ଅନୋଡ଼େଙନ୍ ଅନ୍ତମ୍ । ନମିନ୍ ନମିନ୍ ଆବର୍ତନ୍ ଆମନ୍ରା ଆବର୍ନେ ଜବୁଙ୍ ଜନୋମନ୍ ଅନ୍ତମ୍, ତିଆତେ ଉଗ୍ଗରନ୍ ଆଅମ ଜିର୍ତେ । ଆନିନ୍ଡମ୍ ଆକାବ୍ବାଡ଼ାଲୋଙ୍ ଆନା ଆଡ଼ସାତନ୍, ଆନିନ୍ ଅନସେଡନ୍ ଆବୋଞାଙ୍ । ସଦାପ୍ରବୁନ୍ ଆଞୁମ୍ ରଡୋ ମରେଲ୍ସିଙନ୍; ଡରମ୍ମମରନ୍ ତେତ୍ତେ ଜିର୍ରେ ଡନୋବନ୍ ଞାଙ୍ତେ । ଗମାଙ୍ମରନ୍ ଆନର୍ଜେ ଆ ରଡୋ ଗଡ଼ାନ୍, ଆରି ଆ ଜନନାଲୋଙନ୍ ଡେଙ୍ଗା କାନ୍ତିନ୍ ଅନ୍ତମ୍ । ଅନସେଡନ୍ ଆତେମଡ୍ଲୋଙ୍ ମନ୍ରାନ୍ ଆ ମନ କଙ୍କ୍ରିତନ୍, ଆରି ଲବଡ୍ଡିନ୍ ମନାନ୍ନେନ୍ ଆତେମଡ୍ଲୋଙ୍ ଡକୋ । ଆନା ଅନ୍ରଙ୍ ଅମ୍ଡଙେନ୍ ଆମ୍ମୁଙ୍ ଜାଲଙ୍ତେ, ତିଆତେ ଆନିନ୍ଡମନ୍ ଆସନ୍ ଏର୍ଗିଆନନ୍ ଡ ଗନ୍ଡ୍ରୟ୍ଜନ୍ ଅନ୍ତମ୍ । ମନ୍ରାନ୍ ଆପୁରାଡ଼ା ଆ ବତାନ୍ ସଏଲେ ରପ୍ତିତେ; ବନ୍ଡ ଆପଲାଙ୍ ପୁରାଡ଼ାନ୍ଆଡଙ୍ ଆନା ସଏଲେ ରପ୍ତିଏ ?
ଅଡ଼୍କୋନ୍ ଆ ସାସ୍ତ୍ର ଇସ୍ୱରନ୍ ଆ ଞନଙ୍ଞଙ୍ ବାତ୍ତେ ଅନିଡନ୍ ଡେଏନ୍, ଆରି ଞନଙ୍ଞଙ୍ବରନ୍, ମନଙ୍ତଡନ୍ଆତେ ଅନବ୍ତୁଜନ୍ ଆସନ୍ ସନାଞେଙନ୍, ଅନାଡ଼ଡଞ୍ଜି ସେନେଡାନ୍ ଆସନ୍ ଞନଙ୍ଞଙନ୍ ଆରି ଡରମ୍ମଗଡନ୍ ତଙିୟ୍ନେନ୍ ଆସନ୍ ଡରମ୍ମ ସାସ୍ତ୍ରନ୍ ଞଙ୍ଞଙ୍ଲଙ୍ତନ୍ ।
କେନ୍ ଆ ଡରମ୍ମ ସାସ୍ତ୍ର ବାତ୍ତେ ଇସ୍ୱରନ୍ ଆ କାବ୍ବାଡ଼ାମର୍ ଅଡ଼୍କୋ ମନଙ୍ କାବ୍ବାଡ଼ାନ୍ ଲନୁମନ୍ ଆସନ୍ ଅବ୍ଜାଡାତନ୍ ।
ଆରି ଆନିଞ୍ଜି ମୁସିଆ ଗଡ଼ାନ୍ ଅଡ଼ୋଏଞ୍ଜି କି, ତେତ୍ତେ ସିଲଡ୍ ବିତୁନିଆ ଗଡ଼ାନ୍ ଜିର୍ଜିରନ୍ ସାଜେଞ୍ଜି, ବନ୍ଡ ଜିସୁନ୍ ଆ ପୁରାଡ଼ା ଆନିଞ୍ଜିଆଡଙ୍ ଅଃନ୍ନବ୍ଜିର୍ଜିର୍ରଜି ।
ତିଆଡିଡ୍ ଅନ୍ତିଅକିଆ ମଣ୍ଡଡ଼ିଲୋଙନ୍ ବର୍ନବାନ୍, ସିମନନ୍, ଆନିନ୍ଆଡଙ୍ ନିଗର ଗାମ୍ଲେ ଓଡ୍ଡେତଜି, କୁରିଣିବାୟ୍ ଲୁକିଅନ୍, ଏରୋଦ ରାଜାନ୍ ଆସିଂ ଆଡ୍ରକୋଲନ୍ ମନଏମନ୍ ଡ ସାଓଲନ୍, କେନ୍ ଅନ୍ତମ୍ ପୁର୍ବାଃତେ ବର୍ନେମରଞ୍ଜି ଡ ଞନଙ୍ତିୟ୍ମରଞ୍ଜି ଡକୋଏଞ୍ଜି । ଆନିଞ୍ଜି ପ୍ରବୁନ୍ ଆସ୍ରେନ୍ପୁରେଞ୍ଜି ଆଡିଡ୍ ଡ ଆରାନମ୍ଲଞ୍ଜି ଆଡିଡ୍ ମଡ଼ିର୍ ପୁରାଡ଼ାନ୍ ବର୍ରନେ, "ଅଙ୍ଗା କାବ୍ବାଡ଼ା ଆସନ୍ ଞେନ୍ ସାଓଲନ୍ ଡ ବର୍ନବାନ୍ ଓଡ୍ଡେଲାଜି, ତିଆସନ୍ ଆନିଞ୍ଜିଆଡଙ୍ ଆନ୍ନାବାଜି ।"
ସିଲତ୍ତେ ଆନିଞ୍ଜି ସାଓଲନ୍ ଡ ବର୍ନବାନ୍ ଆ ଡଅଙ୍ଲୋଙ୍ ଆସିଞ୍ଜି ଡକ୍କୋଡାଲେ ଆନମ୍ଡାଲନ୍ ପାର୍ତନାଲଞ୍ଜି କି ଆନିଞ୍ଜିଆଡଙ୍ ଆପ୍ପାୟେଞ୍ଜି ।
Confiar e seguir
Seja o que for que façais, fazei tudo para a glória de Deus. O sábio ouve a Deus antes de agir.
ତିଆସନ୍, ଆମ୍ୱେନ୍ ଜୋମ୍ବା, ଗାବା, ଅଡ଼େ ଇନିଜି ଏଲୁମ୍ତେ ତିଆତେ ଇସ୍ୱରନ୍ଆଡଙ୍ ଗନୁଗୁନ୍ ପନେମେଙନ୍ ଆସନ୍ ଲୁମ୍ବା ।
ସୋଡ଼ା ମେଗନ୍ ଅନ୍ତମ୍ ସାକିମରଞ୍ଜି ଅମ୍ମେଲେ ସମ୍ପରାନ୍ ଏର୍ରେ ଡକୋଜି, ତିଆସନ୍ ଜିରାୟ୍ବା, ଅଙ୍ଗା ବର୍ନେଜି ଅଡ଼୍କୋନ୍ ଇନ୍ଲେଞ୍ଜିଆଡଙ୍ ଡଙ୍ଡଙ୍ଲଙ୍ତନ୍ ଆରି ଅଙ୍ଗା ଆ ଇର୍ସେ ଇନ୍ଲେଞ୍ଜିଆଡଙ୍ ଞମ୍ଲେ ଡକ୍କୋଲଙ୍ତନ୍, ତିଆତେ ଅଡ଼୍କୋନ୍ ଅମ୍ରେଙ୍ଡାଲେ ଡର୍ନେନ୍ ବାତ୍ତେ ମଡ଼ିର୍ ଇସ୍ୱରନ୍ଆଡଙ୍ ସେଙ୍ସେଙ୍ଲେ ଏର୍କିକ୍କିଡ୍ନେନ୍ ଇନ୍ଲେନ୍ ସାମ୍ମୁଙ୍ଲନ୍ ଏଜିର୍ବା ।