Tomar uma decisão
Tomar decisões com sabedoria é um dos maiores desafios da vida. A Bíblia nos ensina a buscar a Deus em oração, na Palavra e no conselho, confiando que Ele dirige os nossos passos.
Buscar a Deus
Se algum de vós tem falta de sabedoria, peça a Deus. Ele dá generosamente e sem repreensão a todos os que pedem.
पर ज़ै तम्हां मांझ़ै कहा का अक्लीए काम्मी होए, तेता मांगा परमेशरा का, सह निं तम्हां लै रोश्श करदअ कि तम्हैं किल्है मांगअ पर सह दैआ सोभी लै खुशी-खुशी।
होर, हाम्हां आसा परमेशरा सम्हनै इहअ निहंचअ कि, ज़ै हाम्हैं प्रभूए मरज़ी दी मांगे तै शूणां सह म्हारी।
ज़ै हाम्हैं परमेशरा सेटा आपणैं पाप मने, तै आसा परमेशर म्हारै पाप माफ करनै अर हाम्हां म्हारै सारै पापा का शुचै करना लै विश्वास करनै जोगी अर धर्मीं।
तम्हैं डाहै दिला का बिधाता दी भरोस्सअ,
आपणीं समझ़े भरोस्सै निं रही।
हर गल्ला लै लणअ बिधाता पुछ़ी,
तै हेरनी तेऊ तम्हां का आज़री बात खोज़ी।
हर गल्ला लै लणअ बिधाता पुछ़ी,
तै हेरनी तेऊ तम्हां का आज़री बात खोज़ी।
ज़ुंण मंऐं थारै बारै सोठी आसा डाहअ द, तेते बारै ज़ाणा सिधअ हुंह, मेरी सोठ आसा थारै भलाईए तैणीं, सह निं थारी हान्नी करने आथी। मेरी सोठ हणीं एही ज़ेथ आजू तम्हां आशा रहे।
Conselho e direção
Onde não há conselho os planos se frustam. Toda Escritura é útil para nos guiar nas decisões da vida.
ज़हा देशै अक्ल निं हुई, तेऊ देशे परज़ा लै एछा आफ़त,
पर ज़िधी अक्ली आल़ै सैणैं हुऐ, सह देश रहा बच़ी।
लोग पाआ पुछ़णा लै परच़ी कि बिधाता किज़ै च़ाहा,
पर बिधाता छ़ांटा तेता मांझ़ै एक आप्पै।
ज़ुंण मणछ होरी संघै निं रल़दअ, सह सोठा सिधअ आपणैं ई बारै,
होरी ज़ै भली गल्ल बी बोली, सह निं तेता बी मंदअ आथी।
ऐडअ मणछ निं इहअ धैन डाहंदअ कि ज़ुंण गल्ल तेऊ बोली तेते समझ़ निं तेऊ आप्पू बी आथी,
पर लोगा सम्हनै फिरा सह होरी लै सलाह दैंदअ ताकि लोग तेऊ सराहे!
बूरअ करी पल़ा शर्मिंदै हणअ,
ज़िधी अदर निं हंदअ, तिधी हआ बेइज़ती।
मणछे बोल सका अक्लीओ मूल़ अर
समुंदरा ज़िहै डुघै अर ज़ाईरू पाणींए गाडा ज़िहै हई।
कदुष्ट मणछो पक्ष लणअ अर
धर्मीं मणछो हक मारनअ निं भली गल्ल आथी।
ज़ेभै ऐडअ मणछ हठ करा,
सह बोल़णीं तेऊ आप्पू लै ज़ोरा-ज़ोरी मारा खाणें आफ़त पाणीं।
ऐडअ मणछ हआ आपणीं गल्ला करै बरैबाद,
तेऊए आपणीं ज़िभे बोल ई हआ तेऊ आप्पू लै फाही।
घैंचल़ शुणने लागा मखीरा खाणैं ज़ेही मिठ,
तिंयां गल्ला पेटै हाज़म बी जाआ हई।
कामां लै ज़ैंईं करनै आल़अ मणछ हआ
खरोल़ पाणै आल़ै मणछा ज़िहअ।
बिधाता आसा उछ़टै कोटा ज़िहअ,
तेऊ सेटा डेऊई सका धर्मीं मणछ आफ़ता का बच़ी।
सेठ सोठा इहअ कि तेऊ बच़ाऊआ तेऊए माया,
ज़ेही नगरी फेरा-फेर बडी उछ़टी दुआल नगरी बच़ाऊआ।
बरैबाद हणैं का आजी एछा मणछा घमंड,
अदर हआ तेऊ ई मणछो ज़ुंण मानदार हुअ।
बोल़णैं का आजी लणअ शूणीं,
ज़ुंण इहअ नांईं करदअ, तेऊ लै बोला सोभै ऐडअ, नां तेऊओ अदर हंदअ।
ज़ै मणछा ज़िऊंणें च़ाह हुई, सह सका बमारी का बी ठीक हई,
पर ज़ै हैअ चोल़ी हेरअ, तै लागा मरने ई आशा डाहणीं।
सारअ पबित्र शास्त्र आसा परमेशरो बैण ज़ुंण परमेशरै तिन्नें मन्नैं पाअ ज़ुंणी अह लिखअ, हाम्हैं सका एता करै लोगा का परमेशरो सत्त सखाऊई, तिन्नां मणछा सखाऊई ज़ुंण गलत करा, एता करै लागा हाम्हां का थोघ कि म्हारी ज़िन्दगी दी किज़ै गलती आसा अर धर्मीं ज़िन्दगी किहअ करै लागा ज़िऊंणीं।
ताकि परमेशरो मणछ सज़ाण होए अर सोभै भलै काम करी सके।
मुसिआ नगरी नेल़ पुजी किअ तिन्नैं बिथूनिया नगरी लै डेऊणेओ बच़ार पर ईशूए आत्मां निं तिन्नां तिधा लै डेऊणैं दैनअ।
सिरीया मुल्खे अन्ताकिया नगरीए विश्वासीए टोली दी थिऐ परमेशरे कई गूर अर गूरू, मतलब-बरनबास अर शमौन ज़हा लै निगर बोला, अर लुकियुस कुरेन नगरी का थिअ, गलील मुल्खे राज़ै हेरोदेस राज़ैओ दुधभाई मनहेन अर शाऊल। ज़ांऊं तिंयां ब्रता डाही करै प्रभूए च़ाकरी करदै तै लागै दै, पबित्र आत्मां बोलअ, "मुल्है करा बरनबास अर शाऊला मेरै तेऊ कामां लै ज़ुदै ज़ेता लै मंऐं तिंयां शादै दै आसा।"
तेखअ डाहै तिन्नैं ब्रत अर प्राथणां करी तिन्नां दी हाथ अर तिंयां किऐ बिदा।
Confiar e seguir
Seja o que for que façais, fazei tudo para a glória de Deus. O sábio ouve a Deus antes de agir.
एतो ज़बाब आसा इहअ कि च़ाऐ खाआ, च़ाऐ पिआ, च़ाऐ किछ़ बी करा सह लोल़ी परमेशरे प्रतप्पा लै हुअ।
हाम्हां फेर आसा खास्सै मणछ ज़सरी ज़िन्दगी करै हाम्हां का थोघ लागा कि विश्वासो किज़ै मतलब हआ। तै एछा हरेक रोक्कणै आल़ी च़िज़ा अर उलझ़ण पाणै आल़ै पाप दूर करी ठुर्हा तैहा ठुर्हा दी सबर डाही करै ज़ेथ हाम्हां ठुहर्नअ लागा।
तैहा बैल़ी आअ बिधाता सुलैमाने सुपनै संघा पुछ़अ तेऊ का इहअ, "तूह मांग मुखा, ताह किज़ै बरदान लोल़ी? ज़िहअ तूह च़ाहा, तूह मांग मुखा तिहअ, ताह मुखा किज़ै लोल़ी?"
सुलैमानै बोलअ, "मेरअ बाब दाबेद तेरअ दास त ताल्है शुचअ-पाक्कअ अर तेऊ किअ ज़िहअ तंऐं हुकम किअ तिहअ ई। तूह झ़ूरअ मेरै बाब राज़ै दाबेदा लै सदा, तेरी हुणाकार हुई एही कि तंऐं बणाअं मेरै बाबे ज़ैगा आजू हुंह राज़अ। हे परमेशर बिधाता, हुंह आसा तेरअ दास अर तंऐं बणाअं मेरै बाबे ज़ैगा हुंह राज़अ। पर हुंह आसा अज़ी लान्हअ अर मुखा निं अज़ी थोघै कि राज़ किहअ करै लागा करनअ। हुंह आसा इधी तेरी छ़ांटी दी परज़ा जैंदरी, तिंयां आसा इहै खास्सै कि तिन्नां निं कुंण गणी सकदअ। तूह दै मुल्है एही अक्ल कि हुंह तेरी परज़ा प्रैंदै राज़ करी सकूं अर तिन्नां लै नसाफ दैई सकूं अर मंऐं लोल़ी भलअ अर बूरअ परखी ज़ाणअ। नांईं ताह हुंह निं तेरी एतरी खास्सी परज़ो नसाफ करी सकदअ।"
मालक बिधाता हुअ सुलैमाना लै खुश कि तेऊ मांगअ इहअ बरदान। बिधाता बोलअ तेऊ लै इहअ, "लाम्मी अमर, धन-माया अर दुशमणो बनाश छ़ाडी मांगी तंऐं मुखा आप्पू लै अक्ल ताकि तूह परज़ा लै नसाफ दैई सके, ज़िहअ बरदान तंऐं मांगअ, मुंह करनअ ताल्है तिहअ ई। मुंह दैणीं ताल्है अक्ल अर एही समझ़ कि ताह ज़िहअ अक्ली आल़अ नां आझ़ तैणीं कुंण हुअ अर नां आजू कुंण हणअ।
तेऊए लाल़ी लागी तेऊ लै इहअ बोल्दी, "तूह अज़ी बी बिधाता दी करा भरोस्सअ? अज़ी ताह दसल्ली निं हुई? पोर्ही मर बिधाता लै फिटक दैणा लै संघा लाग मरदअ।"
आयूबै बोलअ तैहा लै इहअ, "तूह केही ऐडै ज़ेही गल्ल करा! बिधाता ज़ेभै हाम्हां लै भलाई करा, तेता लै हआ हाम्हैं राज्ज़ी! ज़ै बिधाता हाम्हां लै आफ़त पाई, तेता किल्है निं हाम्हैं मंदै?" एतरी आफ़त पल़ी बी निं आयूबै बिधाता लै बूरअ बोली किछ़ै पाप किअ।