16 Mə pa ənə̂ əmə kə e ə pa: e kätə̂ Âgbɔ̂ Yîrə̂ tshə yisə̂ äwä kə e, kanika e mbrə ərə ə̂në tshelə əzü yində̂ nə kɔ mbrə ne.

13 Alaye əmə, Ndjapä ê e ndə kə pa e sə yera; kʉtə̂ ərə bale, əpʉ kə sə e yera nə dö tə̂ ye dö tə ə̈bə̈ ərə kə za äwä kə e ndə kə pa e mbrə ərə ə̂në tshelə e yində nə kɔ ne. Bale, tə̂ äwä kə yi tə̂ e, e mbrə̈ tə̂ e tə alayïkosəra nə̂ angâ e lə takpa tə̂ e.

1 Alaye əmə, kədə ə̈bə̈ əzü kə sə kə ma ə̈bə̈ əmbrʉ ərə â əndje sɔtə̂ ye də nə, e-e ə̂në e sə də Yîrə̂ Ndjapä nə kɔ, e pä əpʉ kə ətshə lə zɨtɨnə ə gü də ətshə gâ tə̂ ə̂rɔ̂ äwä. Bäta tə̂ zə, ndə kə pa, əbə ndje, bə te te lə afrɔ ərə nə ne.

41 E lö lö ne, e yü Ndjapä kanika ə te te lə afrɔ ərə ne. Yîrə̂ əzü sə də əgo ndə kə ma ə̂rɔ̂ ərə, bale, əndu əzü nə sə sə də awlra ne.»

13 Kätə̂ ä kä ä te gâ lə afrɔ ərə ne,

bale, djɔ̈ ä lə kəna ətshə ə̂në tshə sə tə əmbrʉ nə kɔ*.

[Mbrə ə̂në ngerə, də awlra gâ ndə kə mbe ətshe sə tə ənə̂ zə də ə̂ngû də ə̂ngû piii! Asərəmə.]*"

8 E sə̈ də ə̈kü ala e, ala e gbɔ̈! Əyïkowɔ nə̂ e, djablo, sə kə na djitshe djitshe mata bamara ə̂në tshə sə kə lea nə ə sə kə pra əzü ndə kə zɨ ətshə kɔ.

16 Mbrə ə̂në aərə nɔ̂ ə̂në ə sə pâ ashɔ kɔ: əgo lɔsu əzü, də əgo aərə ə̂në ala əzü ə wu kɔ gâ ndə kə da əkro azü ə̂në əndje da mbrə aərə ə̂në əndje sə də nə kɔ, aərə sə̂ nɔ̂ kɔ to to mâ ndə Abä ne, bale ə to kpə pâ ashɔ səye.

17 Tshepashɔ sə kə ro nə də əgo aərə tshepashɔ nə ndje. Bale, əzü ə̂në tshə sə kə mbrə ərə ə̂në tshelə Ndjapä yində nə kɔ sə kə daka pə piii.

5 Rəkɔ, e wö aərə nɔ̂ ə̂në ə sə lə e tə ənə̂ tshepashɔ kɔ gâ ye, mata kə mbrə ə̂trû, də kə mbrə ərə kene, də aəgo yïrə̈, də aəmbrʉ aəgo tə̂ lɔsu, gâ ndə əgo kə sɔtə̂ aərə, ə̂në ə sə tə ə̈bə̈ äwä kə vrɔ aamba andjapä kɔ.

10 Mbrə ə̂në əgo ngendja sə tə əshe aəmbrʉ aərə nɔ̂. Alabə̈ azü ə̂në əndje zâ əgo ngendja nə gâ tə̂ əndje kɔ, əndje tshî äwä əpʉ lɔsu nə tʉ gâ ye, â əndje də ə̂tə̂ əndje, əndje yî tə̂ əndje gâ lə aərə ə̂në ə djîngli tshelə akrɔ əndje kɔ gâ ye.

12 Alabə̈ azü sə kə pa nə ə pa: «Əndje zâ äwä kə əmə ndə kə pa mə mbrə ərə nɔ̂.» Banda əpʉ, bale, ərə nɔ̂ sə sə tə ə̂rɔ̂nə mbrə əzü ne. «Əndje zâ äwä kə əmə ndə kə pa mə mbrə ərə nɔ̂.» Banda əpʉ mə pa kə e, mə sə sə kə katə̂ äwä kə ə̈bə̈ ərə ndə kə pa mə sə tə kanga nə bale ne.

2 Bale, ndə kə pa əzü te te gâ lə əpʉ ə̂trû ne, koshe bale bale sə̈ də əwɔ nə, ndje yashe bale bale sə̈ də äkɔ̈ nə.

13 Aərə kə tra lɔsu e nɔ̂ ə̂në ə te gâ tə̂ e kɔ ə sə tə aərə ə̂në ə sə kə wutu gâ tə̂ azü nɔ̂ kɔ kə sə̂. Ndjapä sə kə mbrə ndəma ye alɔnɔ̂, tshə sə sə kə katə̂ e ndə kə pa aərə nə tra lɔsu e ə ro pâ e ne. Bale, lə ərə kə tra lɔsu e nə, tshə sə kə za awlra kə e ndə kə pa e ru ə ru ə za äwä kə e ndə kə pa e wutu lə nə.

4 Tə̂ äwä ə̂yî ye nə də awlra nə̂ ye nə, tshə kô aə̂rɔ̂ aərə ə̂në ə sə tə aâgbɔ̂ aərə lə ala ye kɔ, ə̂në tshə zâ ama də əpʉ nə ətshinə gâ ye kɔ kə əzə̂ gâ ye, kanika e tɔ lə aərə tshepashɔ səye ə̂në ə ndɨ azü tə̂ äwä aəmbrʉ aəgo kɔ ka e mbrə tə̂ e ə lï də ənə̂ Ndjapä nə.

2 E mbrə əgo ərə ə sɔtə̂ nə sɔ ne, bale, e wo azü. Lɔsu e su ə su də kə za tshelə e gâ tə̂ azü, â e lï lï ndə kə pa e sɔtə̂ ə̈bə̈ ərə bale ne. Bale, e sə kə zu tshelə akəpʉ də aawlra. E sə sə də ərə ne, mbrə ə̂në e yu tshuku nə yu kə Ndjapä ne.

13 Kədə ə̈bə̈ ərə kə trâ lɔsu əzü, tshə pä pä: «Ndjapä kə tra lɔsu əmə kɔ» ne. Mbrə ə̂në əmbrʉ ərə lï lï ndə kə pa ə tra Ndjapä ne, â Ndjapä nə də ə̂tə̂ ye tra lɔsu əzü tra ndje ne.

7 Rəkɔ a pa atâ a? Âgbɔ̂ əpʉ nə sə tə nyaka a? Bale ne! Bale mə wûsə̂ nyaka kʉ tə̂ äwä âgbɔ̂ əpʉ nə. Mə sə̂ sə̂ kə wusə̂ kəmə əpʉ kə ma əgo ərə nə̂ əzü ne, kədə âgbɔ̂ əpʉ nə kə pâ pâ kəmə ə pa: «Mä əgo ərə nə̂ əzü mä ne.»*

4 Azü nɔ̂ lʉ̈ kə ko tə̂ ətshe, akoshe də yashe prä ə̈bə̈ yashe wala koshe prä kpî tə̂ əwɔ nə wala tə̂ äkɔ̈ nə ne. Ndjapä ə wa ngbanga gâ lə kumu azü ə̂në əndje za tə̂ əndje gâ tə̂ ə̂trû də kə pra ayashe də akoshe kpî tə̂ alawɔ əndje də aläkɔ̈ əndje kɔ je.

21 Mbrə ə̂në tə̂ ətshe ə̂në aərə nə̂ zə sə tə̂ nə, lɔsu zə ndje sə kə sə mâ je.»