16 Kae hopya oh paw tuh, Muisaw te hiin oh lah, pynsaw rynaw kyakhe nae lungryachih nan sah.

13 Uteno hae, nanning tuh luenaw kalan ko na thua vae oh, thuasalama tuh-e nae luenaw tuh pynsaw rynaw ccyhhoypaw hanlan mang nan oh, sungsakunaw liate lu kheit te lu kheit ryalawpakuh oh.

1 Uteno hae, lukhakheit nynh seinaw a raeseipaw kha na muih oh ze, Muisaw ccungccaw hae nanning nynh nebaleihpaw thinlung te tuh-e ccungccaw tuh a umtynaw kya bua umsah oh; naemaw mah tuhounaw kya na ccaw khyh nawlan oh la raeringkuh oh.

41 Tuhounaw lungkhu lang na ccaw khyh nawlan oh sawsangte ngaw oh; thinlung nynh tuh a ry ccaccing, thuasalama pynsaw tuh a thawzya," a cipya.

13 Tuhounaw lungkhu lang

oun cciasah nan,

ahoy leipaw kyate

oun khumtua.*

8 Hawrarih lan um oh; raeringkute um oh; pawccecize nae rhawpaw Satan tuh a sia a ruapaw chindeih hawte hum vema ka laang cih cite ccungkute a khiakuh.

16 Pawccecize laephi kya a umpaw uccaw hae athuapaw pynsaw rynaw, mit te rynaw, te hiinnaw kong lante lysakunaw balyn tuh Paaw kya-e thua leite, laephi kya-e nynh thua hae.

17 Laephi te laephi uccaw duaanaw tuh azothya; thuasalama Pachia rynaw hawte a hiinpaw ccungccaw tuh zungzae atyn.

5 Tukeiccuze ohhuakunaw, nungsikunaw, sungku kho leipaw rynaw, ahoy leipaw duaanaw, zohtuh beiknaw athuapaw karankunaw cikuh hae paw, nae lungkhu umpaw laephi te asekuhpaw miakaw kha chisah oh.

1 Ka mit te byakinkunaw

kae rae vae,

tukeiccuze pawtemou

liaccady tuh ka do kho ung cih?

28 Tuhkhyhze maee nynh ccu kha u leite,

maee-e vawlan a cceih khopaw a um tou?

26 Ccungccaw hoyleipaw tuh

ninlang a rynaw ale,

thuasalama miding nynh tuh

sithya leite a pya hae.

5 Na mit nynh hoirumnaw kha

he a do tuh, phe azo vae;

pawccecize vaawlui lang

a zoupaw mosi hawte

a sake kha daw kangmaw zah

a zouthya.

10 Pawccecize phua eih rynaw tuh hoyleinaw phuin balyn kya-e atharuipi nynh thua. Ccungccaw abang nynh phua eih a ry hae keiccuze zynnaw kyate a cceihsei vae hae, te mimaw te mimaw kha ngaethyanaw pataepi khate a thuingku hae.

12 Pawpaw balyn tuh ka hanlan cyi kho athua, thuasalama pawpaw balyn tuh athanepaw thua khyh. Pawpaw balyn tuh ka hanlan cyi kho athua, thuasalama pawpaw nynh mah kae hynh yn uk lan khyh.✝

2 Thuasalama ohhuakunaw kha sibia khylan pise miakaw nynh amaw a zu hoi sah lah, nopi miakaw nynh amaw a vawpaw hoi sah.

13 Ccungccaw miakaw nynh a tung hae paw syntawnaw rou kha nynh na tung oh. Pachia tuh a lungzipaw thua zah, na taening lei oh paw syntawnaw kha nae kya thuasah lan khyh; syntawnaw kha na teing kho nawlan oh, syntawnaw ryte luenawpaw laanpi kha mah ae raepah cih oh.

1 Sazuh nynh vadungtui kha

a ngae hawte,

Pou Pachia, ka muisaw nynh

nang kha ae ngae.

8 Pou Bawipaw ,

na laanpi kha kae zui zah,

nang kha kae ngaehoiku;

na min te na minthaannaw kha

ka thinlung nynh a ry.

4 Tuh-e phu-enaw te hoynaw liate aphutepaw te myarya alesaepaw byakinpyakunaw hae kha aening oun pya vae; tuh-e byakinpyakunaw liate nanning tuh chiisaw rynaw keiccu laephi kya a umpaw ronaw kyate na lue oh zah, Pachia thuanaw a neethungkuh bua hae paw na thua nawlan oh nynh thua.

2 Na ry oh zah na hoi khyh oh keiccu ccungccaw na chia oh. Na duaa oh zah na mue khyh oh; tukeiccuze na buakuh oh zah rhaw na tukkuh oh. Na ngia khyh oh keiccu na mue khyh oh.

13 Tuhounaw kha a tung vae ze, "Pachia nynh kae tuh yn tuhou," cite hum nynh sanmah ho nan sah; pawccecize hoyleinaw nynh Pachia kha tuhou kho khyh, amaw nynh mah hum sanmah tuhou boi khyh.

7 Tuhteze pawte ah ho cih oh? Kawbya tuh a sei tou? Tuhte thua khyh! Kawbya a la um khyh ze, seinaw hynh ka nyh lan khyh. Pawccecize Kawbya nynh, "Na duaa lan khyh," cite a la ho khyh ze, kae tuh duaanaw kong hynh ka la nyh lan khyh.✝

4 Ccungccaw balyn nynh zuvaw tangnaw hynh sawtua lanpaw nynh thua, te zuvaw tangnawpaw ikhung mah thusah lanpaw thua khyh; a ohhuakuh hae paw te milae zu milae vawpaw ryte a sei hae paw tuh Pachia nynh byapia cih hae.

21 Pawccecize nae sisua umnaw kya nae thinlung mah a umbua cih.