26 ईसु तीमनी भणी भाळीन केदो, "माणहु जुगु ते आहयु, नी बणे एवु से। पण भगवान जुगु आखु कंय बण जाय।"

27 ईसु चेला भणी भाळीन केदो, "आसम बचाड़वा माणहु ने नी बणे, पण भगवान वाटु आखु कंय बण जाय।"

27 ता ईसु केदो, "माणहु ने नी बणे, तीहयु भगवान सी हय सके।"

34 मरीयम ह़रगदुत ने केदी, "मे ते अदमी ने जाणु तक नी, ता तारी लारे केदली वात केम पुरी हयहे?"

35 ह़रगदुत जपाप आप्‌यो, "तार पोर चोखली आत्‌मा उतरह़े, अने तारी पोर आखान मुख्‌या भगवान नो जोरभर्‌यो साहळो पड़हे। एतरे तीहयु पयदा हयवा वाळु चोखलु सोरु, भगवान नु सोरु केवायहे। 36 तारी ह़गाय मे वाळी एलीसीबा ना बारा मे ह़मळ, तीहयी वांज्‌याण हती, अने हाव डायावारे भारेपोगे से, अने छोव मयना हय र्‌या। तीनु सोरु हयवा वाळु से। 37 काहाके भगवान जुगु कानु बी काम नी हये, ईसम नी हय।"

38 मरीयम केदी, "ह़मळ! मे मालीक भगवान नी पावर्‌याण से। तु हमणे केदो, तेम ने तेम मारी ह़ाते हयवा दे।" अने अळतेण ह़रगदुत तीनीन्‌तां गेथो जत र्‌यो।

13 तत्‌यार यहोवा अब्‌राहम सी केदो, "सारा आहयु कीन काहा ह़ाही, के ह़ु मारा, जे मे आसवी डायली हय जेली से, ह़ाचलीन एक सोरो पयदा हयहे? 14 ह़ु यहोवा जुगु काना काम काठु से? ठेरावली टेम मे, मतलब आज गेथो नव मयनान अळतेण, मे तारीन्‌तां अळी आवही, अने सारा नो सोरो पयदा हयहे।"✝

20 ✝ईसु तीमने केदो, तमारी पांह भरहो कमतो से; एतरे तमारी सी भुत नी नीकळ्‌यो। मे तमने ह़ाचलीन केम, कदी तमारो भरहो राय ना दाणा बराबर बी हतो, ता तमु आहया बड़ा ने बी केता के आञे गेथो ह़रकीन सेटो हय जा, ता आहयो बड़ो बी ह़रकीन सेटो हय जतो; अने तमारी जुगु कंय बी नी हय सके ईसम नी रेतु

23 अने ईसु तीने केदो, "कदीम तने बणे, ता एम मने ह़ु करवा केय? भरहो करवा वाळा वाटु आखु कंय हय सके।"

24 एतरे मे तमने आहयु केम, जे बी तमु वीन्‌ती करीन मांगो, अने भरहो कर लेवो के आमने जड़ ज्‌यु, ता तमारी वाटु तीहयुत हय जहे।

23 ✝तीहयो ईसु भगवान नी टाकली मरजीन अनसारे, अने भगवान नी योजना नी अनसारे धरायलो अने तमु कायदो तोड़न्‌या ना हात सी तीने कुरुस पोर खुटा ठोकाड़ीन चड़ाय मांग्‌या अने मराय नाख्‌या। 24 ✝बाखीन भगवान मोत ना बोंदु सोड़ीन ईसु ने मर्‌या-ह़र्‌या मे गेथो पासो जीवाड़्‌यो। काहाके ईसु मनख्‌यान तेम मोत नी बंदण मे रेय एम नी हतो।