1 Mageni no’oke dalla’anna no’oxxe hunnan;

rakko no’o’ni geltaxxee duuchcha’n no’oke shiqike gargarsanjon.

1 Dada Duuchchike Duuchchi Woddike Goottike qoorchcho’n hedhaak,

duuchchiinxa dande’aake

Dada duuchcha ajajaake Mageniinke gaaddis hunda galaan.

2 Duuchchi Woddika Gootta, «Ati anke gollanna anxe kollon; ati anke Mageno ate’n addata’eeneken» hiyyaan.

3 Mageni atee sho’ondeexxe fonxoronaa’ni, qoomaake dhukubanaa’n heqaan.

4 Guchche ifixxenni atee gollaan;

keela isik giddonna sho’ondatton;

xuurameessumma isixxi ati’a wontetenna dalla’ake kaddaan.

1 Duuchchi Woddike Goottaa!

Anxa hunna atee eeyyaannen.

2 Duuchchi Woddik Goottii anxe rassa, anxe kollonna anke anjirallon;

Mageni itti gollatannoxxee anxe rassan;

isi anxe wontenna anxe anjirematixxe barraxxe, jabaxxe wolo’on.

3 Galati hasisaaka Duuchchi Woddika Gootta ye’edha’ennen;

isinna naapha ankenaa’n anee anjiraan.

1 Ee Magenoo!

Ani atee addatennaxxee anee heqqi.

1 Duuchchi Woddiki Gootti anxe hedhoke ifanna anke anjirallon;

ayyeenna sodatabe’no;

Duuchchi Woddik Gootti anxe hedhoke gollan;

ayyeenna sodaatabe’no.

2 Fuggaaleeyye ane’n kexxe’e anka maalanna itto’a hassa wodda

naaphi anikinna diini anki ane’n ke’aa wodda

insa’ne ifi’anni guggufantee inbaan.

3 Heddi loliink manni anee buqoolenna sodaatabe’no;

naaphi anee adhoole midde

Mageno addataa waalabe’no.

1 Ee, Duuchchi Woddike Goottaa! Atee’e golla anke assedhe’eennen

anee shookkishshoxxe’e;

qullumma atixxenni anee anjir.

2 Mansha atixxa aniba’a wirri assite’e laqi;

rakke anee anjir;

golledhannoxxe anxe rassa,

anjiremonna’aanna anxe kollo kad.

3 Ati rassa anxenna golla anke kaddettaxxee

summa atingee hite’e anee akeek;

orakanna ane’n leellishshi.

4 Ati anke golla kaddeettaxxee’e

naaphi ani’a faayeexxe fonxoronaa’n anee’e fulchi.

5 Ee, Duuchchi Woddike Gootta dhugaatike Magenoo!

Ati anee wodde’eten; hedho anxa ate’n uwwa’enne.✝

3 Ati ani itti baajannoxxe,

duuchchi wodda itti gollatannoxxe anxe rassa kadi;

ati anxe rassanna jabake golla kaddeettaxxee anee anjirtotta’a ajaja sa’issiteetten.

8 Manjo irko assedha mannii’n

Duuchchi Woddika Gootta addata woyyan;

9 Jajjabba manna’ni irkata mannii’n

Duuchchi Woddike Gootta’n addata woyyan.

5 Anxe lubboo! Mageno calla sammi hite heqqedhi; isoo addatanna waalabe’no.

6 Anixxi rassanna anee wodaake

golla anke kademmaxxee haranga shokki hiyyabe’no.

7 Anee anjire’e ulfatannoshsha asseek Magenoken; Isi anxe rassanna anke gollan.

8 Koo ardaa! Mageno addatte; isi golla no’oke kadeemmaxxee ha’nooke godobika yaada duuchcha iso’n ku’le.

17 Ee, anke uuduudaa

faaroti atee saadannon;

Ee, Magenoo ati ank golli, anee eettaateke Magenon.

1 Ee dada duuchchike Goottaa!

Ati ilatenaa’ni ilati qico’n no’oke golla kadde’eeten.

2 Koobuwwa bakka ifixxe’n ilendebaang,

bogakanna butta duuchcha dadebexxo edi darre

duuchchii woddanaa’n duuchchii woddi’a ati Magenoken.

9 Duuchchi Woddike Gootti miicemeeke mani’a dalla’aken;

rakkoti woddanna gollaken.

10 Duuchchi Woddike Gootta! Ate’e ege’neek duuchchi ate’n addataan;

atiba’a dagaaka duuchchanna waldaboxxon.

7 Ee, Magenoo! Atixxi jaalala hittatta manbe’iinxe;

manjiink belti duuchchi atike keelike gaaddisa’ni gollataan.

7 Duuchchi Woddiki Gootti eloken;

rakkotixxa barranna gollaken;

Isoo’o amanaakeeri’a xexxe’ataan.

4 Hiyyeeyyetee, irko

rakkantaa wodda rakkiyyeetee golla

Hobonbalte gollantaak;

arishshotike holati’aanna gaaddisake kaddeetten;

Mararte afebaake mannike hafuur

gimote’n mare ganedammaxxe hobonbalteshshaten.

26 Duuchchi Woddika Gootta sodaataak jabake golla afee,

oose ifixxeenna irkote.

29 Duuchchi Woddike Goottik ori qulliyyete’e gollake,

fuggaalleeyyeete kinni ba’nete.