1 ፆኦሲ ኑኡኮ ፑኖ ካያሢና ዎልቃሢናኬ፤

ኑና ሄላ ሜታሢና ቢያ ኑኡኮ ዑኬ ማዒ ማኣዳሢኬ።

1 ናንጊና ናንጋ ጎዳ ፑኖ ካይዚ ማሂ ናንጋ ዓሲ

ቢያ ባኮ ዳንዳዓ ፆኦዛሢ ሺባ ዎርቃኔ።

2 ታኣኒ ዒዛ፦ «ታኣኮ ፑኖ ካያሢ፥ ዋርዲዮ ቤዛሢ፤

ጊንሣ ሃሣ ጉሙርቆ ፆኦዛሢ ጋዓኔ።

3 ዒዚ ዓኣቺንቴ ፒራሢና

ዎዻኒ ዳንዳዓ ዶርዓሢናይዳፓ

ኔና ካፓኔ።

4 ዒዚ ፔ ጋፓኖና ኔና ዓኣቻንዳኔ፤

ዒዛኮ ጋኣዞ ዴማ ዓኣሺንቶ ቤሲ ኔ ዴንቃንዳኔ፤

ጉሙርቂንቲፃ ዒዛሲ ጊቲማጉዲ ኔና ቃዛያ ማዓንዳኔ።»

1 ናንጊና ናንጋ ጎዳሢዮ!

ታኣም ዎልቄ ዒንጋሢ ኔናታሢሮ ታ ኔና ናሽካኔ።

2 ናንጊና ናንጋ ጎዳ ታኣኮ ላላሢ

ታኣኮ ዹካሢንታ ታና ዓውሳሢያኬ፤

ታ ፆኦዛሢ ታኣኮ ዓኣሺንቶ ካያሢኬ፤

ዒዚ ታኣኮ ጊቲማሢና ጉራናሢኬ።

3 ጋላታ ኮይሳ ናንጊና ናንጋ ጎዳ ታኣኒ ሺኢቃኔ፤

ዒዚ ታ ሞርኮይዳፓ ታና ዓውሳኔ።

1 ፆኦሲዮ!

ታኣኒ ኔና ጉሙርቃሢሮ ታና ካፔ።

1 ናንጊና ናንጋ ጎዳ ታኣኮ

ፖዓሢና ዼኤሻሢናታሢሮ ዖናኣ ታ ዒጊጩዋሴ፤

ናንጊና ናንጋ ጎዳ ታ ናንጎኮ

ሺባሢታሢሮ ዖኦኒያ ታና ዒጊቹዋሴ።

2 ፑርቶ ማዻ ዓሳ ባሺ ታና ዎዻኒ ማላኔ፤

ጋዓንቴ ፔኤሮ ዔያታ ዹቂንቲ ሎኦማኔ።

3 ሚርጌ ዖላ ዓሳ ታና ማንጌታቴያ ታኣኒ ዒጊጩዋሴ፤

ታኣኮ ሞርካ ታና ዖሌታቴያ

ታኣኒ ፆኦሲ ጉሙርቂፆ ሃሻዓኬ።

1 ናንጊና ናንጋ ጎዳሢዮ!

ኔኤኒ ታኣኮ ፑኖ ካያሢ ማዓንዳጉዲ

ታ ኔ ባንሢ ሙኬኔ፤

ዬያሮ ታና ቦርሲሲፖ፤

ኔኤኮ ፂሉሞና ታና ዓውሴ።

2 ዋዮ ኔኤኮ ታ ባንሢ ማሂ ታኣም ዋይዜ፤

ዑካዺ ሙኪ ታና ዓውሴ፤

ታኣኮ ጌኤቂንቲ ዔቆ ላላሢ ማዔ፤

ታና ዓውሳኒ ታኣኮ ዶዶ ዋርዲዮ ቤዛሢያ ማዔ።

3 ኔኤኒ ታኣኮ ዓኣሺንቶ ዋርዲዮ ቤዛሢኬ፤

ኔኤኮ ሱንፆሮ ጌዒጋፓ ታና ዔኪ ዓኣዼ፤

ታኣኒ ዓኣዻንዳ ጎይፆዋ ኔ ታና ቤኤዜ።

4 ኔኤኒ ታኣኮ ፑኖ ካያሢ ማዔሢሮ

ታ ሞርካ ታኣም ዓኣቺ ፒሬ ፒራሢዳፓ ታና ኔ ቶሊሴ።

5 ጎኑሞ ፆኦሲ ማዔ ናንጊና ናንጋ ጎዳሢዮ!

ታኣኮ ሼምፓሢ ታ ኔኤም ሃሼኔ፤

ታና ኔኤኒ ዓውሴ። ✝

3 ዓይጎ ዎዴናኣ ታ ዓኣሺንቲ ጌኤቂንታ ላላሢ ታኣኮ ማዔ፤

ኔ ታኣኮ ዋርዲዮ ላሎ ሹጫሢኬ፤

ዬያሮ ታና ዓውሳንዳ ዓይሥሢ ኬስኮንጎ።

8 ዓሲዳ ጌኤቂንቲሢዳፓ ባሼ

ናንጊና ናንጋ ጎዳ ፑኖ ካይዚ ማሂሢ ቃራኬ።

9 ዎይሣ ዓሶ ጉሙርቂፆይዳፓ ባሼ

ናንጊና ናንጋ ጎዳ ፑኖ ካይዚ ማሂፃ ቃራኬ።

5 ታኣኮ ሼምፔሌ ሃውሺጋፓ ፆኦሲ ሌሊ ካፔ፤

ታኣኮ ሃጊ ማዓ ዎዛ ሙካሢ ዒዛይዳፓኬ።

6 ታኣኮ ላሎ ሹጫሢና ዼኤሻሢ ዒዛ ሌሊኬ፤

ፑኖ ካያሢያ ታኣኮ ዒዛኬ፤

ታኣኒ ዓጊፃዓኬ።

7 ታኣኮ ዻቂንቶና ቦንቾና ፆኦሲናኬ፤

ዶዶ ላላሢንታ ዓኣሺንቶ ቤዛሢያ ዒዛኬ።

8 ዓሲዮቴ! ቢያ ዎዴና ዒዛ ጉሙርቁዋቴ፤

ዒኖ ዒንሢሲ ዒዛ ቤርቶ ሺኢሹዋቴ፤

ዒዚ ኑኡኮ ፑኖ ካያሢኬ።

17 ፆኦዛሢዮ! ኔ ታኣኮ ዱማዼሢኬ፤

ኔኤኒ ታኣኮ ፑኖ ካያሢኬ፤

ኔኤኮ ናንጊና ናንጋ ናሹሞ ኔ ታና ቤኤዛኔ፤

ዬያሮ ጋላታ ዓይኑሞ ታ ኔኤም ሺኢሻኔ።

1 ናንጊና ናንጋ ጎዳሢዮ!

ኔኤኒ ሾይንቲፓ ሾይንቲ ሄላንዳኣና

ኑኡኮ ፑኖ ካያሢኬ።

2 ዹኮ ማዻንዳሢና ዓጮዋ ኔ ማዣንዳሢኮ ቤርታ

ኔኤኒ ናኣናና ናናንጋ ፆኦሲኬ።

9 ናንጊና ናንጋ ጎዳ ሄርቂንቲ ዎርቃ ዓሶም ፑኖ ካይዚኬ፤

ሜታሢ ዎዶና ዼጌ ቤዞ ማዒ ዒዚ ማኣዳኔ።

10 ሱንፆ ኔኤኮ ዔራ ዓሳ ኔና ጉሙርቃኔ፤

ናንጊና ናንጋ ጎዳሢዮ! ኔና ኮዓ ዓሶዋ ኔ ሃሹዋሴ።

7 ፆኦዛሢዮ!

ኔኤኮ ናንጊና ናንጋ ናሹማ ዎዚ ቦንቺንታያዳይ!

ዓሶ ኔኤኒ ካፓሢሮ ኔ ዴማ ካፒንቲ ዴዓኔ።

7 ናንጊና ናንጋ ጎዳ ኮሺ ፆኦሲኬ፤

ሜቶ ዎዴና ፑኖ ካይዚ ዶዲኬ፤

ዒዛ ጉሙርቃዞንሢኮ ቶኦኮ ዛጊ ዒዚ ማኣዳኔ።

4 ማንቆ ዓሶና ሜታዼዞንሢናም

ዔያቶኮ ሜታሢ ዎዶና ፑኒ ቶሎ ቤሲ ኔ ማዔኔ፤

ዓልጋሢ ዢባራ ዔኪ ዓኣዹዋጉዲ ቃዛ ጎንጃ

ዓቦ ሩኡጶሮ ዴማ ዴዖ ሺቢ ኔኤኒ ዔያቶም ማዔኔ፤

ሄርቂ ዎይሣ ዓሶኮ ጎሪንታ ባርጊ ዒርዚ ዢኢፓ ኮጬ ሂዓሢጉዴያኬ።

26 ናንጊና ናንጋ ጎዳ ዒጊጫ ዓሲ

ፔ ቶኦኮና ፔ ማኣሮ ዓሶናም ዶዲ ጉሙርቆያ፥ ሃሣ ጌኤቂንቶ ጎንጃኬ።

29 ናንጊና ናንጋ ጎዳ ፂሎ ዓሶኮ ጊቲማኬ፤

ፑርቶ ማዻ ዓሶ ጋዓንቴ ዒ ባይዛኔ።