Deus é nosso refúgio

Nzambe azali ekimelo na biso

1 Nzembo ya bana ya Kore. Wuta na buku ya mokambi ya bayembi. Eyembamaki na mongongo moke ya bilenge basi.

Ebombamelo ya malonga

1 Moto oyo awumelaka kati na ebombamelo

ya Ye-Oyo-Aleki-Likolo

avandaka na se ya bobatelami

ya Nkolo-Na-Nguya-Nyonso.

2 Nalobaka na tina na Yawe :

« Nzambe na ngai azali ebombamelo

mpe ndako makasi na ngai ;

natiaka elikya na ngai kati na Ye ! »

3 Ye nde akangolaka yo wuta na mitambo

ya mokangi bandeke

mpe na bokono oyo ebikisaka te.

4 Abombaka yo na se ya mapapu na Ye,

mpe ozwaka ebombamelo ya malonga

na se ya mapapu na Ye ;

bolingo na Ye ebatelaka lokola nguba

mpe lokola elamba ya ebende.

Natondi Yo mpo ete okangoli ngai

1 Wuta na buku ya mokambi ya bayembi. Nzembo ya Davidi, mosali na Yawe. Ayembelaki Yawe nzembo na maloba oyo, tango Yawe akangolaki ye wuta na maboko ya banguna na ye nyonso mpe na loboko ya Saulo.

2 Oh Yawe, makasi na ngai, nalingaka Yo.

3 Yawe azali libanga na ngai,

ndako na ngai ya makasi mpe mokangoli na ngai ;

azali Nzambe na ngai, libanga na ngai

mpe ebombamelo na ngai ;

azali nguba na ngai,

Mobikisi na ngai,

mpe ekimelo na ngai.

Nzela ya bomoi

1 Nzembo ya Davidi.

Nzambe, batela ngai,

pamba te nabombami kati na Yo.

Nabatelami malamu epai ya Nzambe

1 Nzembo ya Davidi.

Yawe azali pole mpe lobiko na ngai ;

nakobanga nani ?

Yawe azali ndako batonga makasi ya bomoi na ngai ;

nakolenga liboso ya nani ?

2 Tango bato mabe babundisaka ngai

mpo na koluka kosala ngai mabe,

ezali bayini mpe banguna na ngai

nde baninganaka mpe bakweyaka.

3 Ata limpinga ezingeli ngai,

motema na ngai ekobanga soki moke te ;

ata etumba etelemi mpo na koboma ngai,

atako bongo, nakozala kaka na elikya makasi.

Natie elikya na ngai kati na Yawe

1 Nzembo ya Davidi. Wuta na buku ya mokambi ya bayembi.

2 Eh Yawe, kati na Yo nde nazwa ebombamelo ;

kondima te ete nayoka soni !

Bikisa ngai na bosembo na Yo !

3 Yoka ngai mpe kangola ngai noki !

Zala mpo na ngai libanga oyo ezingelami na bamir

mpe ndako batonga makasi mpo na kobikisa ngai.

4 Mpo ete ozali libanga na ngai

mpe ndako na ngai ya makasi,

kamba mpe tambolisa ngai

mpo na lokumu ya Kombo na Yo.

5 Bikisa ngai na motambo oyo batieli ngai,

pamba te ozali ebombamelo na ngai.

3 Zala mpo na ngai ekimelo ya libanga

epai wapi nakoki kokende tango nyonso.

Ozwaki mokano ya kobikisa ngai,

pamba te ozali libanga mpe ndako na ngai batonga makasi.

8 Eleki malamu koluka ebombamelo

kati na Yawe

na esika ya kotia elikya na bato.

9 Eleki malamu koluka ebombamelo

kati na Yawe

na esika ya kotia elikya

kati na bato minene ya mokili.

5 Solo, basalaka makita mpo na kokweyisa ye

wuta na esika na ye ya likolo,

basepelaka kotatola lokuta.

Bapambolaka na nzela ya minoko na bango ;

kasi kati na mitema na bango, balakelaka mabe.

6 Oh molimo na ngai, zwa bopemi kati na Nzambe,

pamba te elikya na ngai ewutaka epai na Ye.

7 Solo, azali libanga mpe lobiko na ngai ;

azali ebombamelo na ngai, nakoningana te.

8 Nzambe azali lobiko mpe nkembo na ngai ;

libanga ya makasi na ngai mpe ebombamelo na ngai

ezali kati na Nzambe.

17 Kasi ngai nakoyembela makasi na Yo,

nakobetela bolingo na Yo milolo, na tongo,

pamba te ozali ebombamelo na ngai,

mpe ekimelo na ngai na tango ya pasi.

Lakisa biso kotanga malamu motango ya mikolo na biso

1 Losambo ya Moyize, moto na Nzambe.

Oh Nkolo, ozalaki ekimelo na biso,

na bikeke nyonso.

2 Liboso ete bangomba ezala,

liboso ete okela mabele mpe mokili,

libela na libela, ozali Nzambe.

9 Akonzaka mokili na bosembo,

akataka makambo ya bato na alima.

10 Yawe azali ebombamelo

mpo na bato oyo bazali konyokolama,

mpe ndako makasi mpo na tango ya pasi.

7 Bosembo na Yo ezali lokola bangomba ya Nzambe,

mikano na Yo ezali mozindo lokola lubwaku ya molayi.

Yawe, obikisaka bato mpe banyama.

7 Yawe azali malamu,

azali ebombamelo ya solo na tango ya pasi

mpe abatelaka bato nyonso oyo batiaka elikya na Ye.

4 Ozalaki ekimelo mpo na mobola,

ekimelo mpo na moto oyo akelela, na tango ya pasi,

ebombamelo na tango ya mvula makasi

mpe pio na tango ya molunge.

Pamba te pema ya banyokoli ezali

lokola mvula ya makasi oyo ebukaka bamir ;

26 Moto oyo atosaka Yawe akomaka na kondima makasi,

mpe bana na ye bakozwa ekimelo.

29 Nzela ya Yawe ezali ekimelo ya makasi

mpo na bato oyo batambolaka na boyengebene,

kasi ezali nde libebi mpo na bato oyo basalaka mabe.