9 याद राख कि मैं ताखे आज्ञा देई राखी, "याओ बानी की पक्का ऊई जा; इजी री खातर ना तो डरना ओर ना कबराणा, कऊँकि जेती-जेती तूँ जाणा, तेती-तेती तेरा प्रभु परमेशर तां साथे रणा।"

5 यहोशू सुण, जदो तक तुँ जिऊँदा रणा कोई बी तां सामणे ठईरी नि सकणा, जेड़ा आऊँ मूसे साथे रया तेड़ा ई तां साथे बी रऊँगा मां तूँ कदी बी कल्ला नि छाडणा। 6 इजी री खातर याओ बानी की मजबूत ऊई जा, कऊँकि जेस देशो खे देणे री कसम मैं इना रे बुजुर्गा ते खाई थी तिजी रे अधिकारी तां यो करने।

6 तूँ ईम्मत राख ओर मजबूत ओ, तिना ते नि डर, कऊँकि तां साथे चलणे वाल़ा तेरा परमेशर यहोवा ए; तेस ताखे आसरा देणा ओर तूँ छाडणा नि।*

10 डर नि, कऊँकि आऊँ तां साथे ए, ओरे-पोरे नि देख, कऊँकि आऊँ तेरा परमेशर ए; मां तूँ मजबूत करना ओर तेरी मताद करनी, मां आपणे तर्मी दाँणे आथो साथे तूँ सम्बाल़ना।*

20 मां तूँ तिना लोका सामणे पीतल़ी री मजबूत दवाल बनाणा, सेयो तां साथे लड़ने, पर तां पाँदे प्रबल नि ऊणे, कऊँकि आऊँ ताखे बचाणे ओर तेरा उद्धार करने खे तां साथे ए, यहोवे री येई बाणी ए। मां तूँ दुष्ट लोका रे आथो ते बचाणा,

12 परमेशरो रे स्वर्गदूते गिदोनो गे आई की बोलेया, "ओ शूरवीर सूरमा, यहोवा तां साथे ए।"

5 तुसे आपणी जिन्दगी धन-दौलता रे लाल़चो ते दूर राखो, जो तुसा गे ए, तिदे ई सन्तुष्टी राखेया करो, कऊँकि परमेशरे आपू ई बोली राखेया, "मां तूँ कदी नि छाडणा और ना ईं तूँ पूलणा।"

20 और तिना खे सब गल्ला, जो मैं तुसा खे आज्ञा देई राखिया, मानणा सिखाओ; और देखो, आऊँ दुनिया रे आखरी तक सदा तुसा साथे ए।"

17 और विश्वासो रे जरिए मसीह तुसा रे दिलो रे बसो कि परमेशरो खे और एकी-दूजे खे तुसा रा प्यार मजबूत बणो और तुसा खे रूड़ने ते बचाओ।

16 क्या तुसे नि जाणदे कि तुसे परमेशरो रा मन्दर ए और परमेशरो री पवित्र आत्मा तुसा रे वास करोआ?

20 देख, आऊँ द्वारो पाँदे खड़ेया रा खटखटाऊँआ। जे कोई मेरा शब्द सुणी की द्वार खोलोगा, तो मां तेस साथे पीतरे आयी की रोटी खाणी और तेस मां साथे खाणी।

38,39 कऊँकि माखे पक्का पता ए कि आसा खे परमेशरो रे प्यारो ते, जो आसा रे प्रभु यीशु मसीह रे ए, कोई बी लग नि करी सकदा। ना मृत्यु, ना जीवन, ना स्वर्गदूत, ना दुष्टात्मा, ना वर्तमान, ना भविष्य, ना सामर्थ, ना ऊच्चा, ना डूगा और ना ई कोई सृष्टि।