28 हाम्हां का आसा ऐहा गल्‍लो थोघ कि ज़ुंण लोग परमेशरा संघै झ़ूरी करा, तिन्‍नां लै करा परमेशर सोभी गल्‍ला भलाई पैईदा, मतलब तिंयां ई ज़ुंण परमेशरै आप्पू लै आसा छ़ांटै दै। 29 किल्हैकि ज़सरै बारै परमेशरा का पैहलै ई का थोघ आसा, तेऊ छ़ांटै तिंयां आपणैं पूता ज़िहै हणां लै, ताकि सह तेऊओ शोहरू सोभी भाई-बैहणी मांझ़ै ज़ेठअ होए। 30 तेखअ ज़ुंण तेऊ तिंयां पैहलै ई का आसा छ़ांटै दै, तिंयां आसा तेऊ आप्पू सेटा लै शादै दै बी, अर ज़ुंण तेऊ शादै दै आसा तिंयां बणाऐं तेऊ आप्पू संघै धर्मीं बी, अर ज़ुंण तेऊ धर्मीं आसा बणाऐं दै तिन्‍नां लै आसा प्रतप्प बी दैनअ द।

18 हुंह करा प्राथणां बी कि परमेशर थारै दिलै तैहा गल्‍ला प्रगट करे ज़ेता सह हाम्हां लै दैणअ च़ाहा, ताकि तम्हां का थोघ लागे कि ज़ेते हाम्हां तेऊ का आशा आसा तिंयां गल्‍ला हाम्हां लै केतरी महान आसा। अर तिन्‍नां सोभी लै बी ज़ुंण तेऊ पबित्र हणें तैणीं शादै दै आसा।

19 हुंह च़ाहा इहअ कि तम्हां का परमेशरे महान शगतीओ थोघ लागे ज़ुंण हाम्हां मसीहा दी विश्वास करनै आल़ै लै आसा डाही दी।

8 तैही निं होरी का प्रभू ईशूए बारै खोज़णें शरम करी। मेरै बारै ऐहा गल्‍ले शरम बी निं च़ेती कि हुंह आसा मसीहे च़ाकरी करनै पिछ़ू इधी कैद किअ द। पर तूह कर परमेशरै ताल्है दैनी तैहा शगती करै काम अर खुशीए समादा लै दुख ज़िरना लै हअ मुंह संघै साझ़ू। 9 परमेशरै किअ म्हारअ उद्धार अर तेऊ आसा हाम्हैं पबित्र ज़िन्दगी ज़िऊंणां लै शादै दै। ज़ुंण हाम्हैं भलै काम किऐ, तेऊ निं हाम्हैं तेता भाल़ी बच़ाऊऐ, पर तेऊ थिअ हाम्हां लै महान दान दैणें बारै संसार शुरू हणैं का आजी डाहअ द सोठी! परमेशरै पजैल़अ ईशू मसीहे जशा करै सह दान हाम्हां लै।

10 ऐबै आअ म्हारअ उद्धार करनै आल़अ मसीहा ईशू अर तेऊ रहैऊअ हाम्हां का जश। तेऊ किई मौते शगती खतम अर तेऊ रहैऊअ हाम्हां का इहअ कि खुशीए समादा करै भेटा सदा रहणैं आल़ी ज़िन्दगी।

10 परमेशर ज़ुंण जशा करै भरपूर आसा, तेऊ शादै हाम्हैं स्वर्गे सदा रहणैं आल़ै प्रतप्पे साझ़ू हणां लै किल्हैकि हाम्हैं आसा मसीहा संघै एक हुऐ दै। थोल़ी घल़ी दाह-दुख भुगतणै का बाद बणाणैं परमेशरा तम्हैं भलै, तेखअ निं तम्हां दी किछ़ै दोश हणअ अर तेऊ दैणअ तम्हां लै बल ताकि थारअ विश्वास पाक्‍कअ होए।

5 "तूह आसा मंऐं तेरी माए ओदरा का छ़ांटअ द,

तूह आसा मंऐं तेरै ज़ल्म हणैं का आजी छ़ांटी हेरअ द कि

तूह देशा-देशा लै मेरअ गूर होए।"✝

44 मुंह सेटा निं ताऊं तैणीं कोहै एछी सकदअ ज़ांऊं तैणीं मेरअ बाब परमेशर तेऊ मुंह सेटा लै नांईं आणे, ज़ुंणी हुंह छ़ाडअ द आसा। ज़ुंण मुंह सेटा एछे, सह करनअ मुंह खिरीए धैल़ी ज़िऊंदअ।

26 भाईओ, आपणैं बारै सोठा तधू थारी ज़िन्दगी केही ती ज़धू तम्हैं परमेशरै शादै। मणछे समझ़े साबै नांईं तै तधू तम्हां मांझ़ै कई समझ़कार आथी, नां तम्हां मांझ़ै सोभै मशूर आथी तै अर नां तम्हां मांझ़ै कुंण राज़ै-माहा राज़ेए खिंबा का आथी तै। 27 पर परमेशरै छ़ांटै तिंयां लोग ज़हा अह संसार ऐडै समझ़ा ताकि तिंयां तिन्‍नां मणछा शर्मिंदै करे ज़ुंण आप्पू समझ़कार समझ़ा। ज़ुंण लोग कमज़ोर आसा परमेशरै छ़ांटै तिंयां कि सह तिन्‍नां शर्मिंदै करे ज़ुंण शगती आल़ै आसा।

5 मेरै पैरै भाईओ, शूणां परमेशरै कै एऊ संसारे गरीब निं छ़ांटै कि तिंयां बी विश्वासा दी सेठ बणें? अर तिंयां बी स्वर्ग राज़े हकदार होए ज़ेता दैणें करार प्रभू तिन्‍नां लै आसा किई दी ज़ुंण तेऊ संघै झ़ूरी करा?

13 किल्हैकि तेऊ ई छ़ड़ैऊऐ हाम्हैं न्हैरै दी काम करनै आल़ी राख्से शगतीए बशा का अर तेऊ पजैल़ै हाम्हैं आपणैं पैरै पूते राज़ा दी। 14 आपणैं पूतो बल़ीदान करी तेऊओ लोहू बहाऊई दैनअ तेऊ हाम्हां लै राख्से शगती का छ़ुटकारअ मतलब म्हारै पाप किऐ माफ।

38 पतरासै बोलअ तिन्‍नां लै, "आपणैं पापो प्राश्त करा संघा लआ तम्हैं सोभै आपणैं-आपणैं पाप माफी लै मसीहा ईशूए नाओंऐं डुबकी, तै भेटणीं तम्हां पबित्र आत्मां ज़ुंण परमेशरो दान आसा। 39 किल्हैकि अह करार आसा तम्हां लै, थारी आदी-लुआदी लै अर तिन्‍नां सोभी दूर-दूर रहणैं आल़ै लोगा लै बी आसा ज़हा प्रभू म्हारअ परमेशर बाब आप्पू सेटा लै शादे।"✝

10 तैही बोला हुंह, भाईओ, एता का बी करा बधिया बभार डाहणें कोशिश ताकि तम्हां का अर होरी लोगा का बी शुझिए कि परमेशरै आसा तम्हैं आपणैं खास लोग हणां लै शादै दै। ज़ै तम्हैं इहअ करे, तम्हैं निं विश्वासा का कधि दूर हई सकदै, 11 अर परमेशरा बी करनअ थारअ तेऊ राज़ा दी बडअ सुआगत ज़िधी ईशू मसीहा सदा-सदा लै राज़अ हणअ, ज़ुंण म्हारअ प्रभू अर उद्धार करनै आल़अ आसा।

6 मुंह आसा ऐहा गल्‍लो भरोस्सअ कि ज़ुंणी परमेशरै तम्हां दी बधिया काम करनअ शुरू किअ, तेऊ ई करनअ सह ईशू मसीहे फिरी एछणें धैल़ी तैणीं पूरअ।

14 किल्हैकि छ़ांदअ आसा खास्सै लै किअ द, पर छ़ांटै दै आसा थोल़ै।"