14 "सुणो, इब दुनिया के और माणसां की तरियां मेरा भी दुनिया तै जाण का बखत आ लिया सै, अर थम सब अपणे-अपणे दिल अर मन म्ह जाणो सो, के जितनी भलाई की बात म्हारे परमेसवर यहोवा नै म्हारे बारै म्ह कही उन म्ह तै एक भी बिना पूरी होए न्ही रही; वे सारी की सारी थारै पै घटी सैं, उन म्ह तै एक भी बिना पूरी होए न्ही रही।

45 जितनी भलाई के वादे यहोवा नै इस्राएल के घरान्‍ने तै कही थी उन म्ह तै कोए भी बात ना छूटी; सारी की सारी पूरी होई।

56 "धन्य सै यहोवा, जिसनै ठीक अपणे कहे कै मुताबिक अपणी प्रजा इस्राएल ताहीं आराम दिया सै, जितनी भलाई की बात उसनै अपणे दास मूसा के जरिये कही थी, उन म्ह तै एक भी बिना पूरी होए न्ही रही।

19 परमेसवर माणस कोनी के झूठ बोल्‍लै,

अर ना वो आदमी सै के अपणी मर्जी बदलै।

के जो कुछ उसनै कह्या उस ताहीं न्ही करै?

के वो वचन देकै उसनै पूरा न्ही करै?

11 यहोवा की तरकीब सदा टिक्यी रहवैगी,

उसके मन की कल्पना पीढ़ी तै पीढ़ी

तक बणी रहवैगी।

6 अकास की और अपणी निगांह ठाओ, अर धरती नै देक्खों; क्यूँके अकास धुएँ की तरियां लोप हो जावैगा, धरती कपड़े की तरियां पुराणी हो जावैगी, अर उसके रहण आळे इसेए हो जावैंगे; पर जो उद्धार मै करुँगा वो सदा बण्या रहवैगा, अर मेरी धार्मिकता का अन्त न्ही होवैगा।"

140 तेरा वचन पूरी तरियां त्याया होया सै,

इस करकै तेरा दास उसतै प्रेम राक्खै सै।

13 तेरा राज युग-युग का

अर तेरी प्रभुता सारी पीढ़ियाँ पै बणी रहवैगी।

14 यहोवा सारे गिरदे होया नै सम्भाळै सै,

अर सारे झुके होया नै सीध्धा खड्या करै सै।

5 यहोवा जो उसके बिचाळै म्ह सै, वो धर्मी सै, वो कुटिलता न्ही करैगा; वो अपणा न्याय हर सुबेरै प्रगट करै सै अर चूकदा न्ही; लेकिन कुटिल माणस नै शर्म आवै ए न्ही।

3 क्यूँके इस दर्शन की बात सही बखत म्ह पूरी होण आळी सै*, बलके इसके पूरे होण का बखत रफतार तै आवै सै; इस म्ह धोखा न्ही होवैगा। चाहे इस म्ह देर भी हो, फेर भी उसकी बाट देखदे रहणा; क्यूँके वो जरुर पूरी होवैगी अर उस म्ह देर न्ही होवैगी।

20 क्यूँके परमेसवर के सारे वादे मसीह यीशु म्ह पूरे होए सै। ज्यांतै हम आमीन बोल्‍ला सां यानी "हाँ", ताके म्हारै जरिये परमेसवर की महिमा होवै। 21,22 परमेसवर ए सै, जो हमनै थारे गेल्या मसीह म्ह मजबूत करै सै, परमेसवर नै म्हारे पै अपणी मोहर लगाकै बयान्‍ने के रूप म्ह अपणा पवित्र आत्मा म्हारे मन म्ह बसाकै म्हारे ताहीं चुण्या सै।

23 अर इब हम बिना किसे शक के अपणी उस आस म्ह मजबूत रहवां, जिस ताहीं हमनै मान्या सै, क्यूँके जिसनै वादा करया सै, वो बिश्वास जोग्गा सै।

13 अर योए थारे गैल भी होया के थमनै सच्‍चाई का वचन सुण्या, अर वो सुसमाचार यो सै, के थमनै वो किस तरियां बचा सकै सै, जिब थम मसीह पै बिश्वास करो सों तो परमेसवर थमनै वादे कै मुताबिक पवित्र आत्मा देवै सै, यो दिखाण खात्तर के थम परमेसवर के माणस सों। 14 क्यूँके परमेसवर नै म्हारे ताहीं पवित्र आत्मा दिया सै, तो हम यो जाणा सां के परमेसवर म्हारे ताहीं और भी आच्छी चीज देवैगा, जिसका उसनै वादा करया सै, अर यो उस बखत होगा जिब परमेसवर अपणे माणसां नै पूरी तरियां तै छुड़ावैगा, उसके अदभुत अनुग्रह की बड़ाई होवै।

12 धन्य सै वो माणस जो परखे जाण पै खरे उतरै सै, क्यूँके परखे जाणकै बाद ए जीवन का वो मुकुट पावैंगें, जिसका वादा परमेसवर नै उन माणसां तै करया सै, जो परमेसवर तै प्यार करै सै।