2 «ናንጊና ናንጋ ጎዳጉዴያ ዱማዼይ ዖኦኒያ ባኣሴ፤

ኔጉዲ ማዓይ ዖኦኒያ ባኣሴ፤

ኑ ፆኦዛሢጉዴያ ዋርዲያ ሹቺ ማዓይኣ ባኣሴ፤

22 ናንጊና ናንጋ ጎዳ ማዔ ፆኦዛሢዮ! ኔኤኒ ዼኤፒኬ፤ ኔጉዴያ ዖኦኒያ ባኣሴ፤ ኑ ዋይዜ ጎይፆና ኔ ጊዳፓዓቴም ሜሌ ፆኦሲ ባኣሴ።

4 ጎኔኬ ፔቴ ፔቴ ማኣሮ ማዤ ዓሲ ዓሲ ዓኣኔ፤ ጋዓንቴ ቢያ ባኮ ማዤሢ ፆኦሲኬ።

1 ናንጊና ናንጋ ጎዳ! ኔኤኒ ታ ፆኦዛሢኬ፤

ታኣኒ ኔና ዼግ ዼጊዳኔ፤

ኔኤኮ ሱንፆ ታኣኒ ጋላታኔ፤

ኔኤኒ ኮሺ ዲቃሣ ዓኪ ማዾ ማዼኔ፤

ሚናኣፓ ዓርቃዖ ኔኤኒ ማሌ ባኮ ቢያ

ሃይማ ፓጬኔ ጌይሱዋ ጉሙርሳ ጎይሢና ኔ ማዼኔ።

8 ናንጊና ናንጋ ጎዳ ሂዚ ጋዓኔ፦

«ታኣኮ ማሊፃ ዒንሢ ማሊፆጉዲ

ታ ጎይፃኣ ዒንሢ ጎይፆጉዲቱዋሴ።

16 ዬያሮ ፆኦሲ ኑና ናሽካ ናሹሞ ኑ ዔራኔ፤ ሃሣ ኑ ጉሙርቃኔ። ፆኦሲ ዓሲ ናሽካያኬ፤ ናሹሞ ዓኣ ዓሲ ፆኦሲና ናንጋኔ፤ ፆኦሲያ ዒዛና ናንጋኔ።

19 ፆኦሲ ቤርታዺ ኑና ናሽኬሢሮ ኑ ዒዛ ናሽካኔ።

20 «ፆኦሲ ታ ናሽካኔ» ጌይ ጌይ ፔ ዒሻሢና ፔ ሚሼሎና ዒፃሢ ሉኡዚ ዓሲኬ፤ ዒ ዴንቃ ፔ ዒሻሢና ፔ ሚሼሎና ናሽኪባኣያ ማዔቴ ዒ ዴንቁዋ ፆኦዛሢ ናሽካኒ ዳንዳዑዋሴ።

12 ፆኦሲ ዛጌ ዓሲ ፔቴታዖ ባኣሴ። ኑኡኒ ዎሊ ናሽኬቴ ፆኦሲ ኑኡና ዎላ ናንጋንዳኔ፤ ዒዛ ናሹማኣ ጎኔና ኑ ዒና ዓኣያ ማዓንዳኔ። ✝

17 ናንጊና ናንጋ ጎዳ ማዔ ኔ ፆኦዛሢ ኔኤና ዎላኬ፤

ዒዚ ፔ ዎልቆና ኔና ባሺሳንዳኔ፤

ናንጊና ናንጋ ጎዳ ኔኤኒ ዎዛሳያ ማዓንዳኔ፤

ፔ ናሹሞና ኔና ዒ ዓካሳንዳኔ፤

ዴራ ቦንቾ ኬሊና ዓይኑሞና ዎዛዻሢጉዲ

ዒዛኣ ኔኤኒ ዎዛሳያ ማዓንዳኔ።»

29 ጋዓንቴ ዒኢካ ዒንሢ ናንጋ ዎዶና ናንጊና ናንጋ ጎዳ ዒንሢኮ ፆኦዛሢ ዒንሢ ጶቂሢ ኮዓንዳኔ፤ ዒዛ ዒንሢ ጉቤ ዒናፓ ኮዔቴ ዴንቃንዳኔ፤

8 ናንጊና ናንጋ ጎዳኮ ኮሹሞ ሂንዳ ዛጉዋቴ፤

ዒዛ ፔኤኮ ጊቲማ ማሃ ዓሳ ዓንጂንቴያኬ። ✝

2 ናንጊና ናንጋ ጎዳም ታኣኒ፦ «ኔኤኒ ታኣኮ ጎዳኬ፤

ኔኤፓ ዓታዛ ኮሺ ባኣዚ ታኣም ባኣሴ» ጌዔኔ።

25 ጫሪንጮይዳ ኔኤፓ ዓታዛ ታኣኮ ዖኦኒ ዓኣይ?

ሳዖይዳ ኔ ጊዳፓ ሜሌ ታ ኮዓይ ባኣሴ።

3 ታና ዒጊቻ ዎዶና

ታኣኮ ጉሙርቂፆ ታ ኔጊዳ ማሃኔ።

3 ኔኤኒ ታኣኮ ዓኣሺንቶ ዋርዲዮ ቤዛሢኬ፤

ኔኤኮ ሱንፆሮ ጌዒጋፓ ታና ዔኪ ዓኣዼ፤

ታኣኒ ዓኣዻንዳ ጎይፆዋ ኔ ታና ቤኤዜ።

35 ታና ዴንቃሢ፥ ሼምፖ ዴንቃኔ፤

ናንጊና ናንጋ ጎዳይዳፓኣ ቦንቺንቲ ዴንቃንዳኔ።

9 ኔ ዴንዳ ቤዛ ቢያ፦ ታኣኒ፥ ናንጊና ናንጋ ጎዳ ማዔ ኔኤኮ ፆኦዛሢ ኔኤና ዎላታሢሮ ዒጊጪፖ! ዶዴ ታ ኔኤም ጌይባኣዓዳ?» ጌዔኔ።

13 ዬያሮ ኪሪስቶሴ ታኣም ዒንጋ ዎልቆና ቢያ ባኣዚ ታ ዳንዳዓንዳኔ።

4 ጎዳና ዒንሢ ዓኣሢሮ ቢያ ዎዴ ዎዛዹዋቴ፤ ላሚ ላሚ ታ ዒንሢ «ዎዛዹዋቴ» ጋዓኔ።

1 ዬሩሳላሜ!

ፖዓ ኔኤኮ ሙኬሢሮ ዔቂጋፓ ፖዒሤ፤

ናንጊና ናንጋ ጎዳኮ ቦንቻ ኔ ጊዳ ፖዓኔ።

13 ‹ሃይ ኔኤኒ ዎይታይ፥ ዲቃቲፖ፤

ኔኤኮ ሚዛቆ ኩጮ ዓርቂ ታ ኔና ማኣዳንዳኔ›

ጌዒ ኔና ዶዲሻሢ፥ ታና ኔኤኮ ናንጊና ናንጋ ጎዳ ማዔ ፆኦዛሢኬ።»

10 ጎዳሢ ቤርቶይዳ ዒንሢ ቶኦኮ ሂርኪዱዋቴ፤ ዒዚያ ዒንሢ ዼጊዳንዳኔ።

7 ዒንሢ ዒንሢ ጌሺፖቴ፤ ፆኦሲ ዓማሊንታያቱዋሴ። ዓሲ ፔ ማዾማ ዔካኔ።

12 ኔ ዓዶና ኔ ዒንዶና ቦንቼ፤ ኔ ፆኦዛሢ ማዔ ናንጊና ናንጋ ጎዳ ኔኤም ዒንጋ ሳዖይዳ ዖዶሲ ሌዔ ኔ ናንጋያ ማዓንዳኔ። ✝