Dia das crianças
As crianças são preciosas aos olhos de Deus. Jesus as acolheu, abençoou e ensinou que delas é o Reino dos Céus — modelos de fé, pureza e humildade.
Jesus e as crianças
Deixai vir a mim as crianças. Jesus abraçou, abençoou e honrou as crianças como modelo de fé para os adultos.
ईशू बोलअ तिन्नां लै, "लान्हैं दैआ मुंह सेटा लै एछणैं, इना निं रोक्का, किल्हैकि इना लान्हैं ज़िहै मणछो ई आसा स्वर्गो राज़।"
स्वर्गे राज़ा दी सोभी का बडअ
एता बाद डेऊऐ च़ेल्लै ईशू सेटा लै पुछ़दै, "स्वर्ग राज़ा दी सोभी का बडअ कुंण आसा?"
ऐहा गल्ला शूणीं ईशू एक होछ़अ ज़िहअ लान्हअ आप्पू सेटा शादी करै तिन्नां मांझ़ै खल़अ किअ संघा बोलअ, "हुंह खोज़ा तम्हां का सत्त कि, ज़ै तम्हैं आपणीं ज़िन्दगी नांईं बदल़े अर लान्हैं ज़िहै भोल़ै नांईं बणें, तै निं तम्हैं स्वर्ग राज़ा दी डेऊई सकदै। ज़ुंण बी आप्पू एऊ लान्हैं ज़िहअ भोल़अ बणें, सह हणअ स्वर्ग राज़ा दी बडअ।
लुक्की दी भेडे कथ्या
"धैन डाहै तम्हैं निं इना होछ़ै लान्हैं मांझ़ै कोही बी बृथा समझ़ी। किल्हैकि हुंह बोला तम्हां लै इहअ कि इने हेर-सभाल़ करनै आल़ै स्वर्ग दूत रहा स्वर्गै हर बगत मेरै बाब परमेशरा सेटा।
बडै प्रोहत अर शास्त्री आई ईशू लै खास्सी रोश्शै। ज़ांऊं तिन्नैं ईंयां नुआहरै काम भाल़ै ज़ुंण ईशू किऐ तै, अर ज़ांऊं तिन्नैं भाल़ै कि लान्हैं आसा परमेशरे भबनै ईशूए बारै इहअ बोल्दै लागै दै, "राज़ै दाबेदे लुआदे ज़ै-ज़ैकार।" तिंयां लागै ईशू लै रोश्शै इहअ बोल्दै, "ताखा शुण्हिंआं बी कि ईंयां किज़ै बोला?" ईशू बोलअ तिन्नां लै, "हाँ, तम्हैं कै इहअ पबित्र शास्त्रा दी इहअ पहल़अ निं, ‘लान्हैं-सुन्हैं आसा तेरी ज़ै-ज़ैकार करदै लागै दै।’"
हुंह खोज़ा तम्हां का सत्त कि ज़ुंण बी परमेशरे राज़ा इना शोहरू ज़िहअ निं मने, सह निं तेथ कधि डेऊई सकदअ।" ईशू बशैल़ै तिंयां लान्हैं आपणैं भोसल़ै अर तिन्नें मुंडै हाथ फेरी करै दैनी तिन्नां लै बर्गत।
तेखअ किअ ईशू तिन्नां मांझ़ा का एक लान्हअ खल़अ। सह आपणैं भोसल़ै बशैल़ी करै तिन्नां लै बोलअ,
"ज़ुंण बी मेरै नाओंऐं इहै शोहरू लै झींण करे, सह करा मेरी कदर। ज़ुंण मेरी कदर करा सह निं सिधी मेरी कदर करदअ पर सह करा तेऊ परमेशरे कदर ज़ुंणी हुंह संसारा लै आसा छ़ाडअ द।"
Instruir e proteger
Instrui a criança no caminho de Deus. Elas são herança do Senhor — presentes sagrados que devemos educar com amor.
आपणैं लान्हैं लै डाहणीं होछ़ी उझै बुध खोज़ी कि तिन्नां केही ज़िन्दगी लोल़ी ज़िऊई,
सह रहणीं तिन्नां सारी अमरा आद।
मुंह बिधाता दैणीं तेरी लुआदा लै आप्पै शिक्षा
संघा दैणीं मुंह तिन्नां लै बर्गत अर शांती।
असली बर्गत हआ लान्हैं सुन्हैं हणैं,
तिंयां हआ बिधाता हाम्हां लै
आप्पू बाखा दैनी दी भैंट।
ओ शोहरूओ, सोभी गल्ला दी हआ आपणैं ईजा-बाबे शुणनै मनणै आल़ै ज़िहै तिंयां तम्हां लै बोला किल्हैकि प्रभू हआ तेता करै खुश।
ओ लान्हैं आल़ैओ, आपणैं शोहरू-माठै निं हर गल्ला पिछ़ू कबल्लै च़िक्कदै-मारदै निं लागा, इहअ निं हआ कि तिंयां हिम्मत हारी तिन्नों दिल चुटे।
ईज-बाब अर लान्हैं
ए लान्हैंओ, पबित्र शास्त्र बोला इहअ, "आपणैं ईज-बाबो करा अदर इहअ करै हणीं तम्हां लै सोभै गल्ला भली अर थारी हणीं पृथूई दी लाम्मी अमर।" अह आसा पैहलअ हुकम ज़ुंण परमेशरै करारा संघै आसा दैनअ द। तम्हैं लान्हैं ज़ुंण प्रभू दी विश्वास करा तम्हां लै आसा इहअ ई ठीक कि तम्हैं हआ आपणैं ईज-बाबे हर गल्ला शुणनै मनणै आल़ै।
ओ शोहरू-माठै आल़ैओ, आपणैं शोहरू लै निं धैल़ रोश्श काढा, पर तिन्नां धाचा-पाल़ा प्रभूए शिक्षा अर चतैनगी दैई करै।
‘हुंह करा बिधाता का एही अरज़ कि
सह दैए ताल्है बर्गत अर
तेऊ लोल़ी सदा तेरी फाज़त किई,
बिधाता लोल़ी ताल्है आपणीं झींण
अर जश रहैऊअ।
ताह लोल़ी सुख-शांती भेटी अर
मेरी आसा बिधाता का एही अरज़ कि तेऊ निं लोल़ी
ताह बाखा कधि पिठ फरेऊई।’