6 बाळक नै उसे राह की शिक्षा देओ जिस म्ह उसनै चालणा चाहिए,

अर वो बुढ़ापे म्ह भी उसतै न्ही मुड़ैगा।

24 जो अपणे बेट्टे पै छड़ी न्ही चलान्दा वो उसका बैरी सै,

पर जो उसतै प्यार राक्खै, वो उसनै जतन तै शिक्षा देवै सै।

7 वो माणस जो अपणी ईमानदारी पै चाल्‍लै सै, धर्मी जो खराई उसकै पाच्छै चाल्‍लै सै,

उसके बेट्टे जो उसकै पाच्छै चाल्‍लै सै, वे धन्य सै।

24 धर्मी का पिता घणा मगन होवै सै;

अर बुद्धिमान का पिता उसकै कारण राज्जी हो सै।

26 यहोवा का भय मानण आळे का भरोस्सा मजबूत होवै सै,

अर यो उसके बाळकां खात्तर शरणस्‍थान होवैगा।

12 "तू अपणे माँ-बाप का आदर करिये, जिसतै जो देश तेरा परमेसवर यहोवा तन्‍नै देवै सै उस म्ह तू घणे दिन तक रहण पावै।"

3 देक्खो बच्‍चे यहोवा का दिया होया भाग* सै,

गर्भ का फळ उसकी ओड़ तै ईनाम सै*।

4 जिस तरियां वीर कै हाथ म्ह तीर,

उसे तरियां जवान्‍नी के बच्‍चे होवैं सै।

5 कितना धन्य सै वो माणस जिसनै अपणे तरकश ताहीं उनतै भर लिया हो!

वो फाटक कै धोरै दुश्मनां तै बात करदे हानि कणतावैगा कोनी।

15 अर जै यहोवा की सेवा करणी थमनै बुरी लाग्गे, तो आज चुण ल्यो के थम किसकी सेवा करोगे, चाहे उन देवत्यां की जिनकी सेवा थारे पुरखा फरात महानद कै उस पार करै थे, अर चाहे एमोरियां के देवत्यां की सेवा करो जिनके देश म्ह थम रहो सो; पर मै तो अपणे घरान्‍ने समेत यहोवा ए की सेवा रोज करया करुँगा।"

13 चौक्‍कस रहो, बिश्वास म्ह डटे रहो, निडर बणे रहों, बिश्वास म्ह मजबूत बणो।

20 "पर वो उस देश नै छोड़ के अपणे बाप कै घर की ओड़ चाल्या, वो इब्बे कुछ ए दूर था के उसकै बाप नै उस ताहीं देख्या उसपै तरस आया, अर भाजकै अपणे बेट्टे ताहीं छात्त्ती कै लगाकै, उस ताहीं चुम्ता रह्या। 21 बेट्टे नै उसतै कह्या, पिता जी, मन्‍नै परमेसवर जो सुर्ग म्ह सै, उसके अर तेरे बिरोध म्ह पाप करया सै, अर इब इस जोग्गा कोनी रह्या के तेरा बेट्टा कुह्वाऊँ। 22 पर बाप नै अपणे नौकरां तै कह्या, ‘तावळ करकै सुथरे-सुथरे लत्ते लिकाड़कै उसनै पिहराओ, अर उसकै हाथ्थां म्ह गुठ्ठी, अर पायां म्ह जूत्ती पहराओ, 23 अर बढ़िया भोज तैयार करो ताके हम खावां अर खुशी मनावां।