1 S’oossay nuuni naagetti attiyaa saanne nuw wolk’k’aa.

Nuuna metuu gakkiyaa wode,

maaddanaw I ubbaa gede matan de’ee.

2 Hewaa diraw, biittay k’aas’s’inttokka,

woy deretuu abban kunddinttokka,

Nuuni yayyokko.

3 Abbaa beetay guummiide, hoommuwaa mayninttokka,

Aa wolk’k’aama hobbiyan deretuu yiik’k’iyiik’k’inttokka,

nuuni yayyokko.

2 Med’inaa Godaw,

«Neeni taw geessuwaanne bak’ata attiyaa sa’aa;

neeni taani ammanitsiyaa ta S’oossaa» yaagana.

8 Asaw, ubbaa wode S’oossan ammanettite;

I nuw geessuwaa gidiyaa diraw,

hintte wozanaa k’ofaa aw odite.

9 Med’inaa Goday un"etteeddawanttoo bak’ati attiyaawaa;

meto wodiyaankka geli attiyaa geessuwaa.

10 Ne suntsaa eriyaawanttu neenan ammanettiino;

ayaw gooppe, Med’inaa Godaw, neeni neena koyiyaawantta yegga agga beykka.

9 Neeni bul"akettiyaa abbaa wolk’k’aa azazaasa.

Denddiyaa beetaakka c’o"u ootsaasa.

4 Saluwaan de’iyaa Med’inaa Goday daro haatsaa guntsaappekka,

abbaa betatuwaappekka aad’d’eeda wolk’k’aama.

29 I gotiyaa c’o"u ootseedda;

abbaa beetaakka sirp’p’i ootseedda.

35 Simmi nuuna Kiristtoosa siik’uwaappe shaakkanawe oonee? Waayyii woy metuu woy yederssuu woy koshay woy kalluu woy yashshay woy olay nuuna shaakkanee? 36 S’oossaa Mas’aafay, «Nuuni ne diraw, ubbaa gallassi hayk’k’eetto; shukaw afiyaa dorssaadan paydetteetto» yaagee.✝ 37 Shin nuuni nuuna siik’eedda aan ha yewuwaa ubbaan nuuna s’ooniyaawanttuppe aad’d’eetto.

38,39 Ayaw gooppe, hayk’uwaa gidina, de’uwaa, kiitanchchatuwaa gidina, mooddiyaawantta, ha"i de’iyaawantta gidina, sintsappe yaanawaa, wolk’k’aamatuwaa gidina, bolla saluwaa gidina, garssa sa’aa, ay med’etaa gidinakka, nu Godaa Kiristtoosa Yesuusan de’iyaa S’oossaa siik’uwaappe nuuna shaakkanaw danddayennawaa taani eraad.

16 Ayaw gooppe, Med’inaa Goday Eelaasa baggana odeedda k’aalaa naagiide, otuwaappe d’iilii wuribeennanne s’aaruwaappe zayitiikka wuribeenna.

39 S’oossay unttuntta kammanaw shaariyaa mic’c’eedda;✝

k’amma unttunttoo poo’issanaw tamaa giigisseedda.

40 Unttunttu miyaawaa oochchina,

akkaa malatiyaa kafotuwaa unttunttoo yeddeedda;✝

unttuntta saluwaa k’umaa kalisseedda.

41 I shuchchaa p’alk’k’ina,

haatsay pultteedda;

shaafaadan bazzuwaan goggeedda.

25 Taani kase yalaga; ha"i simmi c’imaad;

shin s’illo Asay c’oo attina,

woy Aa naanatuu miyaawaa d’ayi woosishin,

taani ubbakka be’a erikke.

18 Suure asatuwaa ogiyaa Med’inaa Goday eree;

unttunttu laataykka med’inaw unttunttuwaa gidana.

19 Iita wodiyaan suure asatuu yeellatikkino;

koshaa wodiyaan unttunttu kallana.

3 Taani saametteedda gadiyaan haatsaa gussana; mela biittankka pulttuwaa gogissana. Taani ta Ayaanaa ne naanatu bolla, ta anjjuwaakka ne zeretsatuwaa bolla gussana.

4 Neeni hiyyeesaw bak’ati attiyaasaa. Metootanchchawukka bare metuwaa wode bak’ati attiyaasaa, uushuwaappe atiyaa sa’aanne aawaa seelaappe attiyaa kuwaa gidaadda. Ayaw gooppe, mek’etsi bayinna asaa hank’k’uu gimbbiyaa shoc’iyaa uushuwaa malanne

6 I gallassaa aawaa suuluwaappe ashshiyaa kuwaanne gotiyaappenne iraappe bak’ati attiyaasaa gidanawaa.

2 Neeni haatsaa gidduwaana pinniyaa wode, taani neenana gidana. Neeni shaafatuwaa gidduwaana pinniyaa wodekka unttunttu neena muukkikkino. Neeni tamaa giddona aad’d’iyaa wode, s’uugettakka; lac’uukka neena meenna.

8 Nuuni ubbaa bagganakka un"etteeddo; shin me’erettibeykko; k’ay itti itti wode sid’eetto; shin nu ubbaannakka aggibeykko. 9 Nuuni yederssetteeddo; shin S’oossay nuuna olibeenna; k’ay nu morkketuu nuuna oli aggeeddino; shin nuuni d’ayibeykko.

7 Med’inaa Goday keeka; metuwaa gallassikka bak’ati attiyaasaa; I barekko bak’ati attanaw koyyiyaawantta eree.

8 I shaaretuwaan haatsaa kuntsee; haatsaa dees’uwaan shaaretuu daakettikkino. 9 Doysseedda aginaa I bare shaariyaan kammee. 10 Poo’uwaa d’umaappe shaakkanaw, saluu sa’aanna dantsettiyaa sa’aan k’ammaynne gallassay laamettiyaa zawaa S’oossay essee.

21 I neena ins’s’arssaa lissuwaappe gentsana; bashshay gakkiyaa wodekka yayakka.

26 Yesuusi unttuntta, «Ha ammanuu pac’c’eeddawanttoo, ayaw yayyiitee?» yaageedda. Hewaappe guyyiyaan denddiide, gotuwaanne beetaa aggite giina, gotuunne beetay c’o"u geedda.

27 Asay maalalettiide, «Hawe laa haray atto, gotuunne beetay azazettiyaawe ayba asee?» yaageeddino.

30 Shin laafa ammanuu de’iyaawanttoo, S’oossay, hachche de’iide, wontti tamaan ees’s’iyaa dembbaa maataa mayzziyaawe, hinttena unttuwaappe aatsiide wooti mayzzennee? 31 Simmi, ‹Nuuni ayaa maanee? Woy ayaa ushanee? Woy ayaa mayyanee?› yaagiide hirggoppite.

6 Mishiratta itti sha"anne laa"u s’eetanne usuppun tammu gallassaw miziiddenne ushshiidde wotsanaw S’oossay giigissi wotseedda sa’aa bazzuwaa bak’ataaddu.

19 Simmi shooshshaanne sogguwaa yed’d’anaadan hinttenttu morkkiyaa s’alahiyaa wolk’k’aa s’oonana mala maataa immaaddi. Hinttentta k’ohanawe ayinneekka de’enna.