1 Med’inaa Goday kaateteedda!

Med’inaa Goday Bonchchuwaa mayyeedda;

wolk’k’aa danc’c’eedda.

Sa’ay minniide ek’k’eedda; ubbakka k’aas’s’enna.

2 Ne kawutetsaa araatay beniideppe ek’k’eedda;

neeni med’inaadeppe de’aassa.

3 Abeet Med’inaa Godaw, c’iimmo shaafatuu guummeedda;

c’iimmo shaafatuu bare guntsaa d’ok’k’u ootseedda.

4 Saluwaan de’iyaa Med’inaa Goday daro haatsaa guntsaappekka,

abbaa betatuwaappekka aad’d’eeda wolk’k’aama.

5 Abeet Med’inaa Godaw, neeni odeeddabay ammanettiyaawaa;

ne gollii med’inaw geeshshatetsaan aleek’k’ana.