Dificuldades
As dificuldades são parte da vida, mas Deus é refúgio certo em todo tempo de angústia. A Bíblia promete que nenhuma adversidade pode separar os filhos de Deus do seu amor.
Deus é refúgio
Deus é nosso refúgio e fortaleza, socorro bem presente nas angústias. Nada poderá nos separar do amor de Cristo.
Anumzamo’a fraki kumati mani’ne hu’za Kora mofavre naga’mo’za hunte’naza zagamere
Anumzamo’a fraki vihutine hankavetine mani’neankino, hazenke knafima tazama hanigura maka kna retro huno nemanie. E’ina hu’neankita imima e’nerisigeno, agonamo’a ankariseno hageri amu’nompina vugahianagi, tagra korora osugahune. Hagerimo’a kranto kranto huno agrenkera nehanigeno, agonamo’a imina erino eri tore vare hugahianagi, tagra korora osugosune.
Hagi nagra Ra Anumzamofonkura amanage hu’na huama hugahue. Ra Anumzamo’a nagrama frakisanua kuma’ene, nagu’vazisania kuma mani’neno, nagri Anumza mani’neanki’na agrite namentintia hugahue.
Vahe’nimota Agriteke maka kna tamentintia hiho. Maka tamagu’a Agriteke anteho, na’ankure Agra fraki kumati mani’ne.
Hagi Ra Anumzamo’a zamazeri havizama nehaza zamunte omne vahe’mokizmi fraki havegazmi mani’neanki’za hazenke knafina anampinka ome frakiza manigahaze. Kagri kagima antahi’naza vahe’mo’za kagrite zamentinti nehazanki, kagrama zamaza huogu’ma kantahima negaza vahera, Ra Anumzamoka kamefira hunozamine.
Kagra knafu knafu’ma nehia hagerina kegava hu’nane. Hagerimo’ma knafu knafu’ma higenka, Kagra zamaherava nehane.
Ra Anumzamofo hanavemo’a hagerimo’ma eme runagrama neseno’ma, agasasama neriama’a agetereno tusi hankavenentake higeno, rama’a tintamimofo agasasankenena agatere’ne.
Anumzamo’a hagerimofona akohenka manio huno magoke zupa higeno, hagerimo’ma kranto kranto’ma nehia agasasamo’a urami avazage’ne.
Kraisi avesi zampintira nazamo tazeri atregahie? Tusi’a kna zamopi, amuhoma hurante zamopi, tazeri haviza huzamopi, tatamanegria zamopi, kukenagu atupa hanuna zamopi hazenke zamo’a tagripima Jisasi avesizama me’neana eri otregahie. Avontafemo’a anage hu’ne, Kagrikure nehu’za maka kna tahe nefrize. Sipsipi afumofo ananke akafriankna nehaze hu’ne. (Sam-Zga 44:22)
Hakare zana hurantega hazanagi, agatere hankavetia Kraisi’ma avesirante’nemo agra’a mani’ne. Nagrama hankave antahintahima nentahuana, fri’zamo’o, asimu erino mani’zamo’o, ankeromo’zo, havi avamumozo, meni fore nehaza zamozo, henka’a fore hanaza zamozo, mago’a hihamu hankvemozo, amunagamu me’nesaza zamo’zo, fenkagamu me’nesaza zamo’zo, makaza Anumzamo tro huzmante’nea zampinti mago' zamo’e huno Anumzamofo avesizama, Jisas Kraisi Rantmofompi me’nea avesi zampintira tazeri otregahie.
Provisão nas dificuldades
O Senhor provê mesmo nos tempos mais difíceis. Ele sustentou Elias, protegeu Israel e cuida dos seus com fidelidade eterna.
Hagi Ra Anumzamo’ma Elaija’ma asamigenoma hu’nea kante ante’no ana kavofima me’nea flauamo’ene tafempima me’nea masavemo’enena vagaore’ne.
Anumzamo’a mago hampo antegeno Israeli vahera anteso hunezmantegeno, hanimpina tevenefanu remsahu zamante’ne. Israeli vahe’mo’zama ne’zanku’ma antahigazageno’a, hifa namazaga atregeno ege’za ahe’za nenazageno, monafinti mana ne’zana atregeno ege’za eri’za nazageno zamura hu’ne. Agra havea rutanegeno timo’a rumpasasa huno krohupeno eno, hagege kokampina ranti evu’ne.
Hanki mofavrereti’ma manime e’na menima ozafama emeroana, Ra Anumzamo’a fatgo avu’ava’ma nehie vahera amefira huomige, zamatregeno ana vahe’mofo mofavreramimo’za ne’zankura upara nehu’za memea hu’za vano osu’naze.
Hagi hazenkezmima omne vahera Ra Anumzamo’a kegava hunezmantenige’za, mevavama hania zantamina erisanti haregahaze. Hanki havi knama esige’za ana vahe’mo’za zamagra zamagakura nosu’za, agatonto knafina rama’a ne’za ante’ne’za negahaze.
Na’ankure hagege huno tima omane’nea mopafina tina tagi netre’na, hagege mopafina hanugeno tina evugahie. Ana nehu’na tamagrama kase zamantesnaza mofavre nagatera avamuni’a eri herafinetrena henkama zamagripinti’ma efore hunante anante’ma hu’za vanaza vahera asomu huzmantegahue.
Na’ankure Kagra zamazama hugama osaza vahe zamaza nehunka, zamunte omane vahe’ene keonke zanku’ma atupa nehaza vahe’mokizmia kegava hunezmantenka, komopa komo’ma zamazeri havizama nehia vahera Kagra nonkna hunka refitenezmantenka, amuho knafina turunara hunezmantane. Na’ankure hazenke vahe’mo’za tusi ununkomo’ma nehiaza hu’za neazagenka reso hunerantane.
Ana hina ana hampomo’a mago seli nonkna huno me’neno, Jerusalemi kuma’mofona, zagegnafina refite’nenteno ko’mopa ko’ma rania knafina refitentegahie.
Hanki tintamima takama ahenage’na nagra tamagrane mani’nenugeno tima hagenia timo’a tamazeri onakrigahie. Hagi teve neresifi ufregahazanagi, tevemo’a tamare orasagegahie.
Força nas provas
Em tudo somos atribulados, mas não esmagados. O Senhor é bom e é fortaleza no dia da angústia — Ele conhce os seus.
Hakare kazigati knazamo’a trentarako nehianagi, ana knazamo’a trehapara notigeno, antahintahitimo’a savri hianagi tamentintia notrone. Knaza tamizanagi, Anumzamo’a noratre, tahe tatarazanagi, tazeri haviza nosaze.
Ra Anumzamo’a knare hu’neankino, tamagerfa huno knazama esania knafina hankave vihugna hurantegahie. Agrite’ma amuhama nehu’za taza hugahiema hu’za nehaza vahera Agra zamageno antahino hu’neankino, knazama esania knafina Agra kegava hunezamante.
Hanintirima huno antarakoma hu’nea hampompi Anumzamo’a ko tina eri ano vazintegeno me’ne. Hianagi knagura huno ana timo’a rufuragu vazinora evunoramie. Ana nehuno hamponteti kini tra’a erirefitegeta nonkone. Hagerimofo agofetura Anumzamo’a mago avame’zanteti isagana ante’ne. Ana hu’neankino ana isagamo hanine masanena refko hunezanante.
Hagi vahe’mo’zama kefinti’ma kazeri havizama hu’zankura, Anumzamo’a kazeri frakigahianki, hazenke zamo’ma keonke’zama eri havizama huno ne-enigenka korora osuo.
Hianagi zamagrikura anage hu’ne, Nahigetma korera nehaze, onensa tamentintine nagara? Nehuno Agra anante otino hanave ke huno ana zaho ene, tinena rurava huo higeno, kranto krantoma nehiretira, arane’ne. Hige’za ana disaipol naga’mo’za tusi zamagogogu nehu’za, zahomo’ene, timo’ene ke’a erizafa nehianki, ama inankna vahere? hu’naze.
Hianagi Anumzamo’ma, amuma me’nea trazama kukenama huma ante’neana, menina me’neanagi vahe’mo’za okina tevefi eri kregahaze. Ana hu’negu tamagrira Anumzamo’a agatereno kukena hurmantegahie. Tamagra osi’a tamentinti’ne naga mani’naze. Ana hu’nagu tamagra nanezane tine neneta nakukena hugahune hutma hakare antahintahi osiho.
Anantera ana a’mo’a kore freno Anumzamo’ma retro hunte’nea mopare ka’ma kopi umani’ne. Anantega ana ara kegava krinte’za ne’zana nemisageno, 1,260'a kna manigahie.
Antahiho, Nagra osifavene ha' segintavene, rehapati hihamua neramina, ha' vahe’mokizmi mika hanavema azeri agateresaza hanavea tami’noankino, mago’zamo’a tamazeri haviza osutfa hugahie.