35 Əde kə lï ndə kə pa tshə sɔ əzə̂ gashe tə̂ kə yində əzə̂ ə̂në Kristə nə yîndə əzə̂ kɔ? Ərə əyo wala âgbɔ̂ awa wala ərə kanga ə̂në azü ə mbrə tə̂ əzə̂ kɔ wala əgo wala aərə ə̂në a sə sə də nə ne kɔ wala ə̈bə̈ əmbrʉ ərə wala kuzu a? 36 Mata ə̂në Fraka nə̂ Ndjapä pâ əpʉ ə pa:

«Mbrə əbə,

ä sə lə ama kuzu alɔnɔ̂,

azü wu ä tə andalimi ə̂në əndje sə kə wa angrɔ əndje ə wa kɔ.»*

37 Bale, lə aərə səkɔ nɔ̂, a rô pâ nə də awlra gâ ye tə̂ äwä ətshə nə ə̂në tshə yîndə əzə̂ gâ ye kɔ. 38 Mbrə ə̂në mə wusə̂ nə mâ tə̂ lɔsu əmə ə pa wala kuzu wala sorô wala atrawaya nə̂ Ndjapä wala aawlra tshelafɔ wala tshe kpəsəye wala tshe dambʉ wala aawlra ə̂në ə sə gâ pâ aərə kɔ, 39 wala aawlra tshelə əyi wala aawlra djoko tʉ wala ə̈bə̈ ata ərə ə̂në Ndjapä mbrə̂ gâ ye kɔ lï lï ndə kə pa ə sɔ əzə̂ gashe tə̂ kə yində əzə̂ ə̂në Ndjapä nə yində əzə̂ lə Jezu Kristə, Âgbɔ̂ Əyïngerə nə̂ əzə̂ kɔ bale ne.

8 Azü pêrə tshelə ä lə aərə nɔ̂, bale əndje shî tshelə â shî ne; ä wusə̂ ərə ə̂në ä mbrə kɔ wu ne, bale lɔsu ä tê tê ne; 9 əndje gî əyo tə̂ ä, bale Ndjapä tshî ä tshî tʉ ne; əndje gêta ä, bale ä tshû tshû ne.

26 Tshə pâ kə əndje ə pa: «Awa ma e tshe rə mbrə yekɔ? Azü aya lɔsu!» Bale, tshə âfɔ ə ngâ kə əyi nə də ə̂ngû nə â ətshe nə zɨ̂tɨ ə yî tʉ̂ tʉ̂ tʉ̂. 27 Kumu azü nə nɔ̂ kpê pâ əndu əndje â əndje pâ: «Koshe səye sə tə əde â əyi də ə̂ngû ndje djî əpʉ ama ye kɔ?»

30 Kədə Ndjapä kə ko ə̂rɔ̂ ləba gâ tə̂ güsü ə̂në ə sə kpəsəye lə ngbûndû kɔ ə̂në tshekratshe əwo sə kə ju nə kɔ, ə ma atâ â tshə ma kə e ma ə rô ərə ə̂në tshə mâ gâ tə̂ güsü kɔ ne? Ah, alayï aya lɔsu!

31 «E lï tshelə e lï ə pa: "A sə kə zɨ yekɔ? A sə kə ndju yekɔ? A sə kə yi yekɔ gâ tə̂ əzə̂ ne?"

6 Bale, yashe nə kpê, ənə̂ ye, mâ lə ngbûndû, ə̂në Ndjapä gâmba ə̈bə̈ ətshe mbrə ətshə mâ je gâ ye kɔ, ndə kə pa əndje ko rəgo kə ətshə lə aəlo sake bale də ngbangbo bishi amanə zazü vəta (1 260).

19 E djï əmə kane! Mə za awlra kə e ndə kə na pâ aəkrɔ də akplakongo, ndje ndə kə na pâ awlra nə̂ əyïkowɔ nə̂ Ndjapä. Ə̈bə̈ ərə bale sə sə kə mbrə tə̂ e ne.