1 ፆኦሲ ኑኡኮ ፑኖ ካያሢና ዎልቃሢናኬ፤

ኑና ሄላ ሜታሢና ቢያ ኑኡኮ ዑኬ ማዒ ማኣዳሢኬ።

2 ዬያሮ ሳዓ ዓጊፄቴታዖ

ዹካኣ ዔቶ ባዛ ዔኤዺንቴቴያ ኑ ዒጊጩዋሴ።

3 ባዞ ዋኣፃ ጉኡሚ ዓጊፄቴያ

ዹካ ዬያ ዋኣፆ ኩሚፃፓ ዔቄያና ዓጊፄቴያ

ኑኡኒ ዲቃታዓኬ።

2 ታኣኒ ዒዛ፦ «ታኣኮ ፑኖ ካያሢ፥ ዋርዲዮ ቤዛሢ፤

ጊንሣ ሃሣ ጉሙርቆ ፆኦዛሢ ጋዓኔ።

8 ዓሲዮቴ! ቢያ ዎዴና ዒዛ ጉሙርቁዋቴ፤

ዒኖ ዒንሢሲ ዒዛ ቤርቶ ሺኢሹዋቴ፤

ዒዚ ኑኡኮ ፑኖ ካያሢኬ።

9 ናንጊና ናንጋ ጎዳ ሄርቂንቲ ዎርቃ ዓሶም ፑኖ ካይዚኬ፤

ሜታሢ ዎዶና ዼጌ ቤዞ ማዒ ዒዚ ማኣዳኔ።

10 ሱንፆ ኔኤኮ ዔራ ዓሳ ኔና ጉሙርቃኔ፤

ናንጊና ናንጋ ጎዳሢዮ! ኔና ኮዓ ዓሶዋ ኔ ሃሹዋሴ።

9 ኔኤኮ ቢታንቶና ባዛ ዓጊፃሢ ኔ ዔቂሳኔ፤

ባዞ ጉዳሢያ ኔኤኒ ዚቲዳኔ።

4 ሚርጌ ጉኡማ ዋኣፆይዳፓ ባሼ

ባዞ ጉዳሢ ዢባራፓ ዑሣ

ናንጊና ናንጋ ጎዳኮ ዎልቃ ዼጊ ጌዔያኬ።

29 ዓልጋሢ ዢባሮ ዒ ዚቲዴኔ፤

ባዞ ጉዳሢያ ዓጊፆ ላኣጌኔ።

35 ዓካሪ ኪሪስቶሴ ናሹሞይዳፓ ዓይጌ ኑና ዱማሳንዳይ? ሜቶታቴያ፥ ኮሺ ዑሣ ዓኣዼ ሜቶታቴያ፥ ዒፂ ዳውሲሢታቴያ፥ ናይዚታቴያ፥ ካሉሞታቴያ፥ ዎዻንዳ ባኣዚታቴያ፥ ጬንቻ ዓፓሮና ዎዾያታቴያ ኑና ዱማሲንዱዋሴ። 36 ዬይያ፦

«ኔ ጋይቴ ጌዒ ቢያ ኬሊና

ሃይቢና ኑ ዖልታኔ፤

ሹኪንታ ማራይጉዲ ኑ ማዔኔ»

ጌይንቲ ፃኣፒንቴሢጉዲኬ። ✝ 37 ዓካሪ ኑና ናሽኬ፥ ኪሪስቶሴ ዛሎና ዬንሢ ባኮንሢ ቢያ ባሺፆና ዎልቆሮንሢዳፓ ቢያ ኑ ባሻያኬ። 38 ዬያሮ ሃይቢ ማዔቴያ ናንጊ፥ ፆኦሲ ኪኢታንቾ ማዔቴያ ፑርታ ዓያና፥ ሃሢ ዓኣ ባኣዚታቴያ ሃጊ ሙካንዳያ፥ ዓይጎ ዎልቄ ማዔቴያ፥ 39 ዼጉሞ ማዔቴ ሂርኩሞ፥ ዓይጎ ማዢንቲ ማዖም ኑ ጎዳሢ ዬሱስ ኪሪስቶሴ ዛሎና ኑም ጴዼ ፆኦሲ ናሹሞይዳፓ ኑና ዱማሳኒ ዳንዳዓ ዓይጎ ባኣዚያ ባኣሢ ጎኔና ኑ ዔራኔ።

16 ናንጊና ናንጋ ጎዳ ዔኤሊያሴ ዛሎና ጌዔሢጉዲ ዺኢላ ዖታፓ፥ ዛይታኣ ዛይቶ ዖታፓ ጋፒባኣሴ።

39 ሻኣሮ ዔያቶም ጎኦቦ ዓቢላጉዲ ጌሤኔ፤

ዋንቶ ታሚ ዔያቶም ዒ ፖዒሴኔ። ✝

40 ዔያታ ዒዛ ዖኦጫዛ ፑሮ ዔያቶም ዒ ዳኬኔ፤

ጫሪንጮ ካሦዋ ሙኡዚ ሚሼኔ። ✝

41 ላሎ ዒ ዳርዜም ዋኣሢ ጎዔኔ፤

ዓሲ ናንጉዋ ዳውሎይዳ ዎርዚጉዲ ዎቴኔ። ✝

25 ዼጋቶይዳፓ ጋርቻንዳያ ሄላንዳኣና ታ ናንጌኔ፤

ዬያይዳ ናንጊና ናንጋ ጎዳ ኮሺ ዓሲ ሃሼም

ናኣታ ዒዛኮ ሙኡዚ ባይዚ ሺኢቃንቴ

ፔቴታዖ ታኣኒ ዛጊባኣሴ።

18 ናንጊና ናንጋ ጎዳ ፂሎ ዓሳ ናንጋንዳ ዎዶ ዔዔራኔ፤

ዴና ዔያቶሲ ዔያቶም ማዒ ቢያ ዎዴ ናንጋንዳኔ።

19 ፑርታ ኬሊ ሙኬቴ ሜታ ዔያቶ ሄላዓኬ፤

ሉማሢ ዎዶና ሙኡዚ ዴንቂ ዔያታ ሚሽካንዳኔ።

3 «ሜሊ ፃኣዼ ዓጮም ዋኣሢ ታኣኒ ዒንጋንዳኔ፤

ዳውሎ ዓጮይዳ ዎርዚ ታ ጎዒሳንዳኔ፤

ታኣኮ ዓያኖ ኔኤኮ ናኣቶይዳ ታ ላኣላንዳኔ፤

ዓንጆዋ ኔኤኮ ናኣዚ ናኣቶም ታ ዒንጋንዳኔ።

4 ማንቆ ዓሶና ሜታዼዞንሢናም

ዔያቶኮ ሜታሢ ዎዶና ፑኒ ቶሎ ቤሲ ኔ ማዔኔ፤

ዓልጋሢ ዢባራ ዔኪ ዓኣዹዋጉዲ ቃዛ ጎንጃ

ዓቦ ሩኡጶሮ ዴማ ዴዖ ሺቢ ኔኤኒ ዔያቶም ማዔኔ፤

ሄርቂ ዎይሣ ዓሶኮ ጎሪንታ ባርጊ ዒርዚ ዢኢፓ ኮጬ ሂዓሢጉዴያኬ።

6 ዒዛኮ ቦንቻ ካታሜሎ ሮኦሮና ዓባ ሚቻሢዳፓ ሺባንዳኔ፤ ሃሣ ዒርዚና ጉዶ ዢባሬናይዳፓ ቶሊ ዓቶ ቤሲ ማዓንዳኔ።

2 ዼኤፖ ዋኣፆና ዒንሢ ፒንቃ ዎዶና

ታኣኒ ዒንሢና ዎላ ማዓንዳኔ፤

ዬያ ዎሮና ዒንሢ ፒንቃ ዎዶና

ዬይ ዋኣፃ ዒንሢ ዔኤዻዓኬ፤

ታሞ ጊዴና ዒንሢ ዓኣዻ ዎዶና

ዒንሢ ሚቻዓኬ፥ ሌኤባኣ ዒንሢ ሼኤላዓኬ።

8 ቢያ ዛሎና ሜታ ኑና ሄላኔ፤ ጋዓንቴ ኑ ባሺንቱዋሴ፤ ሚርጌና ዔርቲ ዒፃ ባኣዚ ኑ ጊዳ ሙካኔ፤ ማዔቴያ ኑ ሃጊ ማዓንዳ ዎዛ ባይዙዋሴ፤ 9 ኑና ዒፃ ዓሳ ዳውሳኔ፤ ጋዓንቴ ላጌ ኑ ባይዚ ቤቂባኣሴ፤ ጳዺንቲ ኑ ሎኦማኔ፤ ጋዓንቴ ኑ ባይቁዋሴ፤

7 ናንጊና ናንጋ ጎዳ ኮሺ ፆኦሲኬ፤

ሜቶ ዎዴና ፑኖ ካይዚ ዶዲኬ፤

ዒዛ ጉሙርቃዞንሢኮ ቶኦኮ ዛጊ ዒዚ ማኣዳኔ።

8 ሻኣራ ዋኣሢ ዓርቃንዳጉዲ ፆኦሲ ማሄኔ፤

ዬይ ዋኣፃ ዴኤፂ ሻኣሮ ዳርዙዋሴ።

9 ዒዚ ዓጊኖኮ ፖዖ ሻኣሮና ዓኣቻኔ።

10 ፖዖና ዹሞና ዱማሳኒ

ዼኤፖ ባዞ ዋኣፆኮ ቤርቶይዳ

ጫሪንጮና ሳዖና ካኣማያ ማላ ቤዞዋ ዛጲ ማሂ ሂኢሤኔ።

21 ፆኦሲ ፑርታ ዒንዲርሲዳፓ ኔና ካፓኔ፤

ባይሲንታ ሙኬቴያ ኔ ዒጊጫዓኬ።

26 ዬሱሴ ዒማና፦ «ሃይ ዒንሢ ጉሙርቂፃ ፓጬ ዓሳ፥ ዓይጎሮ ዒንሢ ሃያይዲ ዒጊጬይ!» ጋዓዖ፥ ዔቂ ዢባሮና ዼኤፖ ጉዳሢና ጎሬም ቤዞና ቢያ ባካ ዚቲዮ ጌዔኔ።

27 ዓሳ ጋዓንቴ ሚርጌና ዲቃቲ ሄርሻዖ፦ «ሃይ ዢባሮንታ ባዞንታ ቢያ ዓይሢንታሢ ዎዚጉዴ ዓሲዳይ?» ጌዔኔ።

30 ዓካሪ ዒንሢ ጉሙርቂፃ ዻኬ ዓሳ! ሃኖ ኮሽካዖ ዚሮ ታሚዳ ዓጊንታ፥ ካዮ ማኣቶ ዬያይዲ ፆኦሲ ፓልሚሴቶ ዒንሢም ዎይቲ ባሼና ዒ ማሊንዱዋይ? 31 ዬያሮ ዓይጎ ኑ ሙዒ፥ ዑሽካንዳይ? ሃሣ ኑ ዓይጎ ማይንታንዳይ? ጌዒ ማሊ ሜታዺፖቴ፤

6 ዒማና ላኣሌላ ዓሲ ናንጉዋ ዳውሎ ዓኣሺንቲ ዓኣዼኔ፤ ዒኢካ ፔቴ ሺያና ላምዖ ፄኤታና ላሂታሚ ኬሊ ኮይሳ ባኣዚ ቢያ ዒንጊ ካፒንታንዳ ቤሲ ፆኦሲ ዒዞም ጊኢጊሼኔ።

19 ዬያሮ ዒንሢ ሾኦዦና ኮርናሢና ሄርቃንዳጉዲ፥ ዒንሢ ሞርኮ ዒንሢ ባሻንዳጉዲ ቢታንቶ ዒንሢም ታ ዒንጌኔ፤ ዒንሢ ሄላንዳ ባኣዚ ፔቴታዖ ባኣሴ። ✝