Dificuldades
As dificuldades são parte da vida, mas Deus é refúgio certo em todo tempo de angústia. A Bíblia promete que nenhuma adversidade pode separar os filhos de Deus do seu amor.
Deus é refúgio
Deus é nosso refúgio e fortaleza, socorro bem presente nas angústias. Nada poderá nos separar do amor de Cristo.
Pachia tuh aening khynnaw te
thawzung nynh thua,
vawsaw ccyh lya zungzae
oun bawmtu nynh thua.
Tukeiccuze laephi tuh nuekuh zah,
mua hae tuh hy hae zah
rili lungkhu lang a ccaw hae zemah
kae rih lan khyh;
rili tuh tuileih thote aroi ccae zah
a thyhleihku zemah,
mua hae tuh a hy hae zemah,
kae rih lan khyh.
Bawipaw kyakhe, "Ka khynnaw te
ka rhawlungrua athuapaw
ka Pachia kha ka doliaku,"
cite na hopah cih.
Pou ccungccaw hae, Pachia kha
doliakuh zungzae oh;
nae thinlung kha amaw malang khe
hungpah oh;
Pachia tuh aening khynnaw nynh thua.
Bawipaw tuh tuaasahkunaw
a teing hae paw hanlan
rekunaw thua zah,
vawsaw tung lya rekunaw nynh thua.
Te na min a nyh hae paw nynh
nang kha ae doliaku hae,
pawccecize, pou Bawipaw ,
nang ae ccung hae paw kha
na vua boi khyh hae.
Rili tuihu kha na uk zah,
rili tuileih he atho ze, na daesah.
Rilipi tuihu laeze lesaehua zah,
rili tuileih laeze a lesaehua,
Bawipaw tuh ahangnaw kya alesae!
khise kha daesah zah,
rili tuileih tuh zya adae.
Khri sungsahnaw kyate hum nynh mou oun phia kho cih? Vawsawnaw nynh tou? Riathaenaw nynh tou? Tuaasahkunaw nynh tou? Ccakannaw nynh tou? Ccakaete umnaw nynh tou? Rinaw nynh tou? Zunghe nynh tou oun phia kho cih?
"Nang keiccuze kaening tuh
anin ninlang oun chia hae;
chia lanpaw tuu lang nynh
oun ria hae,"
cite Ccathyaa kya azeiku hawte nynh thua. Oun phia kho lanpaw um khyh. Aening oun sungsahtupaw amaw liate, aening tuh hynh-e uccaw hae balyn kya taetu hae pasing nynh ah thua oh. Pawccecize chinaw thuasah, hiinnaw thuasah, vaaw hae thuasah, uktu hae thuasah, atu a umpaw uccaw hae thuasah, oun um cih paw uccaw hae thuasah, thungnaw huhan thuasah, ahangnaw thuasah, akhunaw thuasah, raepaw uccaw hae balyn kya-e pawpaw uccaw nynh mah thuasah, ah Bawipaw Jesu Khri kya umpaw Pachia sungsakunaw kyate aening kha oun phia kho lan khyh cipaw ccaerarih lan ka ny.
Provisão nas dificuldades
O Senhor provê mesmo nos tempos mais difíceis. Ele sustentou Elias, protegeu Israel e cuida dos seus com fidelidade eterna.
Bawipaw nynh Elijah kyate a hopaw a bya thyhte, vaekhui ang kya vaekhui thang khyh zah, chitui-ung kya chitui thang khyh.
Minmin luki khe maeking kha
dawpah hae zah,
khuazi kya a aw ccaw cite
maee kha a pya hae.
Minmin nynh ngia hae zah,
vamyng kha a pya hae,
vaawlang te looh patae a pya hae.
Lungpi kha hung zah tui tuh a pou;
tuh-e tui tuh vawpi hawte
laesia ram kya po alua.
Atu tuh ka taw vae zah ka no vae khyh,
tuhzemah miding kha
vua athuapaw ka muih boi khyh,
a ccaaw hae nynh looh
a ngiaku hae paw kha mah
ka muih boi khyh.
Bawipaw nynh ccaenaw
um lei hae paw ccyh kha
nyh zah, mih rho tuh zungzae atyn cih;
ccyh hoyleipaw kya
maethyanaw mue khyh hae,
ccakan acci lya ae lanpaw kha
alaelui lan a hoi hae.
Pawccecize tui ahawpaw ram kha
tui ka bu cih zah,
aroupaw laephi kyakhe
vaw ka luasah cih;
na ciihan hae tungvaw kya
ka muisaw kha ka bu cih zah,
na ccaaw na no hae tungvaw kya
ka hythuanaw kha ka bu cih.
Pawccecize nang tuh ryachi hae hanlan
khynnaw na thua zah,
anyaa hae paw nynh
mih vawsaw lya khynnaw,
khise kyate luenawpaw rekunaw te
khuaninso kyate
luenawpaw mynlyh nynh na thua.
Rysawthah hae paw thinrianaw tuh
khuaccihsaw lya-e khise hawte
atho vae ze thuasah,
A phu-enaw tuh khuapi kha khuadae asopaw kyate khaw khylan mynlyh athua cih zah, khuaa te khise kyate khum khylan khynnawpaw te bu athua cih.
Tui alepaw kha he na ke vae ze,
na kya ka um cih;
vawpi hae kha he na ke vae ze,
ae vu lan khyh;
maee lungkhu he na ccia vae ze,
ae u lan khyh,
maeephu nynh nang kha
ae u kho lan khyh.
Força nas provas
Em tudo somos atribulados, mas não esmagados. O Senhor é bom e é fortaleza no dia da angústia — Ele conhce os seus.
Vawsawnaw aphuinphuin kae tung salamah koi tuh kae koi khyh; kae lungvawsaw salamah kae lungthang khyh; tuaasahnaw kae ing salamah ccaring vua kae thua khyh; oun khulia hae salamah ro kae thua khyh.
Bawipaw tuh ahoy,
vawsaw tung ccyh lya
khynnaw hmin nynh thua;
amaw kya a rekuh hae paw kha
thungkhaw hae zah,
Varyng zipaw a maeking kyakhe
tui kha lungde zah,
tui keiccuze maeking tuh
seiikuh khyh.
Sawpaw sahpynglyn kha
phang bong zah, sawpaw luki khe
a maeking kha tharae a daw.
Mohnaw te awnaw laku
umpaw ramri kya, tui vawlan khe
apyngpaw syntawnaw kha a nung.
Thanthya hokunaw kyate
ae luesah cih zah,
ronaw rhaw yn thua zemah
na rih lan khyh.
Jesu nynh minmin kha, "Pou zynnaw zya hae paw, pawccemou na ri oh?" a cipya hae. Tuinte thokuh zah khise te tuileih tuh daenaw kaw pya hae zah zya adae hae. Te minmin tuh mih ngaeangthua zah, "E paw hynh pawcihawpaw ccungccaw mou? Khise te tuileih nynh heize a kaw a ngae hae!" a ci hae.
Tukeiccuze, pou zynnaw a zya hae paw nanning, atunin hiin zah awkhualan takuamaee lungkhu lang phung athuapaw ramkaw e lonua kha heize Pachia nynh tuhcite a ccaan lanze, nanning kha tuhlaeze houh ae ccaan lan khyh oh tou? Tukeiccuze, ‘Pawmou kae ae cih? Pawmou kae neih cih? Paw boeining mou kae lawkuh cih?’ cite nae lungriathae nan sah.
Nopinung tuh nin thong kheit za ning sung taruh cia looh dang athua ccaw cite Pachia nynh a paccynpyapaw hmin, ramkaw langkhe a ccue.
Dotua oh, nanning tuh hupaw hae te zekang hae syde kho nawlan te nae rhaw hae balyn kha tae kho nawlan kawhoinaw kae pya vae oh; pawpaw nynh mah nanning kha vaemaw ae muesah lan khyh oh.