15 ऊ ओइन्हे फेनदोस्रे कलाँ, "हौश्यार रहो, सक्कु मेरिक लालचसे बँच्ना काम करो। काकरेकी मनैयक जिन्गी ओकर धनसम्पत्तिक प्रशस्ततामे नै रहत।"

21 काकरेकी तुहुरिन्के मन वहैँ लागल पलिरहत, जहाँ तुहुरिन्के धन रहत।"

21 मलिक्वा उहिहे कहल, ‘स्याबास, मजा और विश्वासी नोकर! तैँ थोरचे बातमे विश्वासयोग्य हुइले, आब मै तुहिहे बहुत्ते बातके जिम्मा देहम। तैँ अपन मलिक्वक खुशीमे शामिल होजा।’

9 पर जेने धनी हुई चहथाँ ओइने सक्कु मेरिक पाप करक लग महा सहजिलसे परीक्षामे परजिथाँ। और एकथो जनावरके हस असिन फन्दामे फँसजिथाँ। और उ चिज करे चहथाँ जोन चिज ओइन्के लग मूर्खता भरल और खतरनाक बतिन। और असिन इच्छा ओइन्हे बर्बादी ओहोँर लैजिथिन, और ओइन्हे नाश करदेथिन।

17 यी संसारके धनी मनैनहे आदेश बा कि ओइने घमण्ड ना करिँत। और अपन धन-सम्पतिमे भरोसा ना करिँत, जोन धनसम्पत्ति धेउर समयसम नै रहत। पर ओइने परमेश्वरकेमे आशा करिँत, जे खुल्ला मनसे हम्रिहिन्हे उ सक्कु चिज देथाँ, जेहँका जरुरी हम्रिहिन्हे रहत, ताकि हम्रे उ चिजके आनन्द लेहे सेकी।

5 अपन जीवनहे धन-सम्पतिक लालचसे अल्गे धारो। तुहुरिन्के संग रहल चिजमे सन्तुष्ट बैठो। काकरेकी परमेश्वर अप्निहीँ कलेताँ,

"मै तुहुरिन्हे कबु नै छोरम, मै तुहुरिन्हे कबु नै छोरम।"

7 तबेकमारे जिहिहे ज्या देहे परना बा उहिहे वहे देऊ। जिहिहे कर देहे परना हो, उहिहे कर देऊ; जिहिहे महसूल देहे परना हो, उहिहे महसूल देऊ; और जिहिहे आदर और सम्मान देहे परना हो, उहिहे आदर और सम्मान देऊ।

6 तबेकमारे तुहुरे ओइन्हे कर फेन देहे परत, काकरेकी शासन करुइयन परमेश्वरके सेबक हुइँत। और ओइने अपन जिम्मेवारी निभाइक लग अपनहे समर्पित कर्ले रथाँ।