Dinheiro
O dinheiro é ferramenta que pode ser usada para o bem ou para o mal. A Bíblia nos ensina a administrar recursos com sabedoria, generosidade e temor ao Senhor.
Perspectiva bíblica
Guardai-vos da avareza. A vida não consiste na abundância de bens. O dinheiro é servo, nunca senhor.
Anante amanage huno zamasmi’ne, Kva hiho! Maka’a ruzahu ruzahu agraguke antahizamofona ha' renenteta, kva huta maniho, vahe’mofo mani’zana fenoma eri’zampina omnene.
Na’ankure fenonka’a me’nenirega, e’i anantega kagu’amo’a megahie.
kva’amo’a kenona hunteno, knare’zantfa hane, kagra knare hunka fatgo eri’za nere. Osi’a zantera knare hunka kegava hanku, Kagra kavare antesnugenka rama’a zante kegava krigahane. Hagi enka Nagrane muse eme huo hu’ne.
Kavuma keramage’ma hanankna huno, feno zankamo’a fanane hugahie. Na’ankure agekona eri atareno tumpa namamo hareno hampompi mareriankna huno, afe hugahie.
Feno vahe’ma mani’zankura maragu’zatinka kazeri havizana osunka, ama' antahi’za e’nerigeno feno vahe’ma mani antahi’zamo’a kazeri havizana osino.
Zagogu’ma avesi avesima nehania vahe’mo’a zagoa eri avi otegahie. Hagi fenoma ante’zanku’ma agesama nentahisia vahe’mo’a, fenozana eri knarera osugahie. E’i ana zamo’enena agafa’a omne’ne.
Administrar com sabedoria
Honra ao Senhor com as tuas primícias. O sábio administra seus recursos com prudência e visão de eternidade.
Feno zanka’anu’ene hozakafima pusama nenama hania nezanteti’ene Ra Anumzamofona aminka, agia erintesga huo.
Ra Anumzamo’a zamazeri feno vahe nesea asomumo’a, asunku’zana eri ozamigosie.
Havi kazigati’ma erisana feno zamo’a kaza osugahianagi, mani fatgoma hunka mani’zamo’a, fri zampintira kagu vazigahie.
Revatga hunka havige kanteti’ma erisana zagomo’a, ame huno fanane hugahie. Hianagi eri’zama erino, osia eri atruma hute hutema himo’a, rama’a eri atru hugahie.
Knare antahi’zama eri’zamo’a golia agateregeno, ama' antahi’zama avesinteno eri’zamo’a, silva agatere’neankino hentofaza hu’ne.
Vahe’mo’ma knare kagi’ma kami’zamo’a, rama’a fenoma ante’zana agatere’ne. Hagi vahe’mo’ma kagri’ma kavesigante zamo’a, goline silvanena agatere’ne.
Osi’a fenoma anteneta Ra Anumzamofonku’ma kore’ma hunte’nuna zamo’a, rama’a fenoza ante’neta hazenkema erizana agaterene.
Ra zama me’neana huvempama hunte’nesia kere, amage’ma anteno mani’zane. Hagi amunte omane vahe’ma mani’zamo’a, havige vahera agatere’ne.
ese' zanku’ma kantahigesuana, nazahuge’na vahe’ma revatgahu avu’ava’zane havigea osaneno. Anante zana natrege’na rama’a feno vahera omanige, namunte omane vahera omanisuanki magoke magoke knama nesugeno namuma hania avamente namio.
Perigos e armadilhas
Quem quer enriquecer cai em tentação. Fuja do amor ao dinheiro e busque contentamento no Senhor.
Ana hianagi feno vahe maniku hanaza vahe’mo’za, rezmatagafi evurami’za krifu aheaza hanageno, maka havi avu’avazamofo zamesizampi negi vahe kna nehu’za, zamazeri haviza huzante kezmasane hanageno, ana vahera zamahe haviza huno havi kampi zamavreno uramigahie.
Ama mopafi feno vahe mani’naza vahera huzamasmige’za, ana fenozantera zamufa ra osu’za, ana fenozantera zamentinti osiho, hianagi Anumzamofonte zamentintia hiho, Agrama maka’zama tamigeta enerunazanku huta muse hugahune.
Hagi zagogu’ma avesi avesi huntezankura kava huo, anama erinesanama’agura museho. Na’ankure Anumzamo’a anage hu’ne, Nagra kagrira onkatre’na, Nagra namagena huogamigahue hu’ne. (Diu-Kas 31:6-8, Jos 1:5)
Refkoma hugantesia knarera, feno zankamo’a kaza osugosie. Hianagi fatgoma huno mani’zamo’a frizampintira kagu’vazigahie.
Feno vahe’mofo fenomo’a ra kuma zmimofo vihugna hu’neakino, kegava hurantenkenta knare huta manigahune hu’za nentahize.
Tudo vem de Deus
De ti vem tudo, e das tuas mãos to damos. Os tributos são devidos — dai a César o que é de César e a Deus o que é de Deus.
Hianagi nagrane vea’ninena tagra izagata tagra’a tavesitera ofa eme negamune? Na’ankure maka zama ante’nona zantamina kagritegatike ne-egeta kagri kazampinti maka zana eriteta, ete negamune.
Hagi ana miko vahe’mokizmi zama eri’nesaza zana eteta zamiho, takisi zagoma zamiho hunesizana neminka, fenoma mizasenante takesi zago miza hiho hanageta miza nehuta, kore huzmanteho hu’nesaza vahera, kore hunezmanteta, ra zamagi zamiho hu’nesia vahera, ra zamagi zamiho.
Ama ana agafare takisi zagoa miza nehune. Na’ankure kamani vahera Anumzamofo eri’za vahe mani’naze. Hakare’a knazupa zamagra vahe’ma kvagrizmante eri’za enerize.
Fatgo avu’ava’ma nehuno osi’a feno ante’zamo’a, kefo avu’ava zanteti’ma feno vahe’ma mani nomani’zana agatere’ne. Na’ankure kefo avu’ava’ma nehia vahe’mofo hihamua eri amne nehie. Hianagi Ra Anumzamo’a Agri amage’ma nentaza vahera kegava hunezmante.
Kagri kasegegu’ma musema nehua zamo’a, afu fenonku’ma musema nehua zana rugatere’ne.