7 गरीब मणछ हआ सेठो गलाम,

ऋण काढणैं आल़अ हआ साहुकारो गलाम।

27 ज़ेतरी तेरी समरता आसा,

तेऊ साबै लऐ होरीए मज़त करी ज़हा ज़रुरत आसा।

11 धोखै करै खटअ द धन हआ खतम बी छ़ेक्‍कै,

पर ज़ेथ मैन्थ हुई लागी दी, सह रहा बढदअ लागी।

24 "कोहै दास निं दूई मालके च़ाकरी करी सकदअ। किल्हैकि एकी संघै ता डाहणीं तेऊ झ़ूरी अर दुजै संघै हणीं तेऊ ज़ीद या एकी संघै रहणअ तेऊ मिल़ी-ज़ुल़ी अर दुजअ हणअ तेऊ लै निक्‍कअ। परमेशर अर धन दुहीए निं तम्हैं कठा च़ाकरी करी सकदै।

7 इहअ करै करनअ हरेकी मणछो हक दैई, ज़हा कारअ लोल़ी, तेऊ लै दैआ कारअ, ज़ै कहा च़ंदअ लोल़ी तेऊ लै दैआ च़ंदअ। ज़सरी डरा हेठै लागा रहणअ तेते रहणअ डरा हेठै, ज़सरअ अदर लागा करनअ तेऊओ करा अदर।

8 आप्पू मांझ़ै निं झ़ूरी छ़ाडी होरी किछ़ी च़िज़े ऋणी हई, किल्हैकि ज़ुंण दुजै लै झ़ूरी करा सह करा परमेशरे बधाने हर गल्‍ला पूरी।

21 कदुष्ट निं ऋण काढी करै पोर्ही भर्दअ आथी,

पर धर्मीं मणछ दैआ दिल खोल्ही दान पै।

28 "तम्हां मांझ़ै इहअ कुंण आसा कि उछ़टी पुंडरी च़ाहा बणाणअं अर पैहलै बेशी तेतो खर्च़अ नां ज़ोल़े कि एता हुंह पूरअ बी सका करी कि नांईं?

30 ज़ुंण बी ताखा मांगे, तेऊ लै दैऐ, अर ज़ुंण तेरी च़िज़ा छ़ड़ैऊऐ, तेऊ का निं बापस मांगी आथी।

12 ज़ै हाम्हां का किज़ै भूल-च़ूक हुई होए, तेता करै माफ

ज़ेही हाम्हैं बी तिन्‍नां लै माफी छ़ाडी ज़ुंणी हाम्हां लै ज़ुल्म किऐ।

5 थारअ सभाब निं ढब्बैओ मांण करनै आल़अ लोल़ी हुअ। ज़ुंण तम्हां का आसा तेता ई दी रहा खुश। किल्हैकि परमेशरै आसा आप्पै इहअ बोलअ द,✝

"मुंह निं तम्हैं कधि कल्ही शोटणै

अर हुंह निं तम्हां लै दैणअ कधि बिस्सरदअ।"

4-6 "तम्हां जैंदरी निं कोहै लोल़ी गरीब रहअ। थारै परमेशर बिधाता आसा तम्हां लै अह ज़ैगा लाई दी दैई अर तेऊ आसा एही ज़बान दैनी दी कि तेऊ बणाणैं तम्हैं हर गल्‍ला लै सेठ, इहअ हणअ तै, ज़ै तम्हैं बिधाते इना बधाना अर बिधी मने, ज़ेता खोज़दअ हुंह तम्हां का आझ़ आसा लागअ द। तम्हां दैणअ कई देशे लोगा लै ऋण, पर तम्हां निं आप्पू ऋण काढणें ज़रुरत पल़णीं। तम्हां करनअ कई देशा प्रैंदै राज़, पर तम्हां प्रैंदै निं तिंयां राज़ करी सकदै।