Domínio próprio
O domínio próprio é fruto do Espírito e marca de maturidade espiritual. A Bíblia ensina que quem governa o próprio espírito é melhor do que quem conquista uma cidade.
Fruto do Espírito
O fruto do Espírito inclui domínio próprio. A graça de Deus nos ensina a viver de maneira sóbria e justa neste mundo.
जब पवित्र आत्मा हम्रिहिन्हे अगुवाई करत कलेसे हम्रे एकदोसर जहनसे प्रेम कर्थी। खुशी रथी। शान्ति रहत। सँस्सा करे सेक्थी। दोसुर जहनहे दया देखैथी। दोसुर जहनके भलाई कर्थी। एकदोसर जहनकेमे भरोसा रहत। और हमारमे नम्रता रहत। और हम्रे अप्निहीँ अपनहे नियन्त्रण करे सेक्थी। असिन बातके विरोधमे कौनो मोशक नियम कानुन नै हो।
विश्वासीनहे असिके सिखाऊ, काकरेकी परमेश्वर सक्कु मनैनहे अनुग्रह करके पापमेसे बँच्ना डगर देखैले बताँ। अपन कृपासे परमेश्वर हम्रिहिन्हे सिखैथाँ कि हम्रे असिन व्यवहार ना देखाई, जोन व्यवहार परमेश्वरहे खुशी नै बनाइत। और जोन चिजहे भेटैना अविश्वासीनके इच्छा रथिन, ओसिन चिजके इच्छा हमारमे नै रहे परत। और हम्रे संसारमे बती कलेसे समझदारी और धार्मिकतासे परमेश्वरहे खुशी बनैना व्यवहार देखाई परत। हम्रे उ दिनहे अँस्याइती, जोन दिनके हम्रिहिन्हे आशा बा; उ दिन जब येशू ख्रीष्ट, जे हमार महान परमेश्वर और हमार मुक्तिदाता हुइँत, अपन सारा महिमक संग ऊ फिर्ता अइहीँ। तबेकमारे हम्रे असिन व्यवहार देखैथी।
काकरेकी परमेश्वर हम्रिहिन्हे डरपोँक नै बनैलाँ, बेन हुँकार आत्मा हमार मनहे बल्गर बनैथिन। हम्रिहिन्हे दोसुर जहनहे प्रेम करक लग सहायता करथाँ, और हम्रिहिन्हे अपनहे अप्निहीँ नियन्त्रण करे सेक्ना शक्ति देथाँ।
काकरेकी तुहुरे परमेश्वरके स्वभावमे शामिल हुइक लग बनगिल बतो। तुहुरे ख्रीष्टहे विश्वास किल नै करना हो, पर तुहुरे दोसुर जहनके लग नैतिक हिसाबसे हरदम मजा काम करना कोशिस फेन करे परत। तुहुरे नैतिक हिसाबसे मजा काम किल करना नै हो, पर तुहुरे बुद्धिमान तरिकासे व्यवहार करुइया मनै फेन बने परत। तुहुरिन्हे समझदारीसे कसिके व्यवहार करे परत कहिके किल नै जाने परत। बेन तुहुरे अपन्हे अप्निहीँ नियन्त्रण फेन करे परत। तुहुरे अपन्हे अप्निहीँ नियन्त्रण किल करे नै परत, पर समस्यामे फेन सँस्सा करे परत। तुहुरे समस्यामे सँस्सा किल करे नै परत, पर तुहुरे परमेश्वरहे खुशी बनैना जीवन फेन जिए परत। तुहुरे परमेश्वरहे खुशी बनैना मेरके किल जीवन ना बिताऊ। पर अपने परिवारके सदस्य हस तुहुरे एकदोसर जहनहे प्रेम फेन करे परत।
Governar a si mesmo
Melhor é o que domina o seu espírito do que o que toma uma cidade. A cidade sem muros é o homem sem domínio próprio.
ओस्तेहेँके हम्रे सक्कु जाने परमेश्वरके सेवा करे परत, ताकि भविष्यमे परमेश्वर हम्रिहिन्हे सदाकालके मुक्तिक ईनाम देहे सेकिँत। जोन मनै दौड़मे भाग लेथाँ, ओइने सक्कुहुनसे आघे अभ्यास करथाँ, और अपन इच्छा अप्निहीँ नियन्त्रण करथाँ। ओइने असिके यहे कारणसे करथाँ, ताकि ओइने जिते सेकिँत। ओइन्हे सम्मानके लग फुलक माला घलाजाइत, और उ फुलक माला धेउर समयसम नै रहत। पर हम्रे, जे-जे येशू ख्रीष्टहे विश्वास कर्थी, हम्रे सम्मानित हुइबी, और हम्रिहिन्हे देगिलक आशिष सदामान पलिरही। तबेकमारे हम्रे अपने चाहनामे भुलाई नै परत। जसिके एकथो दौड़मे भाग लेहल खेलाड़ी या मुक्का मरना खेल खेलुइया खेलाड़ी अपन प्रहारहे नियन्त्रणमे धारत। ओस्तेहेँके मै मोरिक विश्वासी जीवनहे ख्रीष्टके नियन्त्रणमे धरथुँ। मै अपने इच्छाहे नियन्त्रण करथुँ, नै ते मै दोसुर मनैनहे खुशीक खबर प्रचार कर्लेसे फेन मै ईनाम नै भेटैम।"
पर यदि तुहुरे अपन मनहे थाम्हे नै सेक्थो कलेसे तुहुरे भोज करलेऊ; काकरेकी यी शरीरके इच्छनहे नियन्त्रण करना समस्या हुइलसे भोज करना मजा हो।
पाप करना इच्छा हमार सक्कुहुनके थेन आइत। पर परमेश्वर विश्वासयोग्य हुइँत : परमेश्वर हम्रिहिन्हे हमार क्षमतासे धेउर परीक्षामे परे नै दिहीँ। जब हम्रे यी परीक्षामे पर्थी, तब ऊ हम्रिहिन्हे हरदम उ परीक्षासे भग्ना डगर दिहीँ ताकि हम्रे यिहिहे सहक लग बल्गर हुई सेकी।
Disciplina e vigilância
Sede sóbrios e vigilantes. O diabo anda em derredor como leão rugidor. A sobriedade nos protege e fortalece.
होश करो, जागल रहो, काकरेकी तुहुरिन्के दुश्मन शैतान मनैनहे नाश करक लग चारु ओहोँर घुमता। उ गर्जना सिंह हस किहिहे भेटाऊँ, और खादारुँ कना मौका खोज्ती रहत।
तुहुरे अपन विश्वासहे पक्का बनाके ओकर विरोध करे परत। याद करो कि संसारभर रहल विश्वासीनहे फेन अस्तेहेँ दुःखके अनुभव करे परतिन।
सक्कु बातके अन्त्य लग्गेहेँ आगिल बा। तबेकमारे तुहुरे एकदम फरछ्वार रुपमे सोँचो, और अपनहे नियन्त्रण करो, ताकि तुहुरे प्राथना करे सेको।
तबेकमारे ख्रीष्ट अपन शरीरमे रहलमे दुःख भोग्लाँ, और तुहुरे फेन हुँकार हस विचार धारके दुःख भोग्ना तयार हुई परत। काकरेकी यदि तुहुरे ख्रीष्टके लग दुःख भोग्ना इच्छा करथो कलेसे तुहुरे पाप करे छोरना निर्णय कर्ले बतो। परिणामके रुपमे उ मनैया यी धर्तीमे अपन बाँकी जीवन अपने पापसे भरल इच्छाहे पूरा करके नै जिई। पर ऊ परमेश्वरके चाहल काम करी। गैल समयमे तुहुरे अविश्वासीनहे मन परना काम करके बहुत्ते समय बर्बाद कर सेक्लो। तुहुरिन्के जीवन अनैतिकता, अभिलाषा, खाना, जाँर-दारु पिके, मौजमज्जामे और मूर्तिहे पुज्ती बितल, जिहिहे परमेश्वर घृणा करथाँ। तबेकमारे तुहुरिन्के पुरान संघरियन अचम्म मन्थाँ, कि जब तुहुरे ओइन्के खराब काममे शामिल नै हुइथो। तबेकमारे ओइने तुहुरिन्के बारेमे नै मजा बात बत्वैथाँ। पर एक दिन पक्कै ओइन्हे फेन परमेश्वरके आघे न्यायक लग ठरह्याई पर्हिन। और परमेश्वर उ सक्कुहुनहे धर्तीमे कर्लक कामके बारेमे पुँछ्हीँ। परमेश्वर मुअल और जित्ती दुनु मनैनके न्याय करहीँ।
तुहुरिन्मेसे हरेक जाने अपन शरीरहे नियन्त्रण करे सिखे परत, असिन चिजके हस जोन चिजहे पवित्र और आदरसे देखजाइत। और परमेश्वरहे नै चिहिन्ना अविश्वासी मनैनके हस तुहुरे अपन कामुक्तक इच्छक गुलाम ना बनो।
O senhorio de Cristo
Todo domínio pertence a Cristo. Ele é Senhor dos senhores e Rei dos reis — e nos capacita a viver em santidade.
काकरेकी वहे हम्रिहिन्हे शैतानके शक्तिसे छुटाके अपन दुलार छावक राजमे लेके आइल। परमेश्वरके छावक बलिदानसे हम्रिहिन्हे मुक्ति अर्थात पापके माफ मिलल बा।
ख्रीष्टहे मुअलमेसे जिवैलस। और हुँकिन्हे स्वर्गमे परमेश्वरके दाहिन हाँथ ओहोँर सम्मानके ठाउँमे बैठैलिन। ख्रीष्ट सक्कु मेरिक शासन, और अधिकार, और शक्ति और शासक पदसे उप्पर और यहे युगके किल नै होके अइना युगके फेन जतरा नाउँ बा, यी सक्कुहुनके उप्पर हुँकिन्हे धर्लिन।
पर हमार नागरिकता स्वर्गक हो, और हम्रे हमार मुक्तिदाता प्रभु येशू ख्रीष्टके स्वर्गमेसे फिर्ता अइना आसरा हेरती। येशू ख्रीष्टके थेन हरेक चिजहे अपन अधिनमे धरना शक्ति बतिन। और वहे शक्तिसे ऊ हमार कमजोर शरीरहे अपन महिमक शरीर हस हुइक लग बदलदिहीँ।
काकरेकी हम्रे जन्थी कि ख्रीष्ट मुवलमेसे जित्ती हुइलाँ, और फेनदोस्रे कबु नै मुहीँ। और आब ऊ फेनदोस्रे कबु नै मुहीँ।
और जेने पापी स्वभावके अधिनमे बताँ, ओइने परमेश्वरहे खुशी पारे नै सेक्थाँ।
पर जब परमेश्वरके आत्मा तुहुरिन्केमे वास करथाँ, तब तुहुरे पापी स्वभावके अधिनमे नै रथो, पर आत्मक अधिनमे रथो। यदि कौनो मनैयकमे ख्रीष्टके आत्मा नै हुइतिस कलेसे ख्रीष्टके संग ओकर कौनो सम्बन्ध नै हुइतिस।
ते तुहुरिन्हे पतै बा, कि जसिके एकथो मनैया आदमके कारण यी संसारमे पाप आइल। और आब मुअलमेसे फेनदोस्रे जित्ती हुइना फेन एकथो दोसुर मनैया ख्रीष्टसे सुरु होगिल बा, जेकर कारण मुअल मनै फेनदोस्रे जित्ती हुइहीँ। पर प्रत्येक मनै एकथो सही क्रममे पालिकपाला जिवाजिहीँ; ख्रीष्ट सक्कुहुनसे सुरुक मनैया हुइँत, जिहिहे परमेश्वर मुअलमेसे जित्ती करैलाँ। और जब ख्रीष्ट फिर्ता अइहीँ, तब हुँकार सँग लग्गेक सम्बन्ध हुइल मनैनहे ऊ मुअलमेसे जित्ती करैहीँ।
और जब ख्रीष्ट परमेश्वरके विरोध करुइया सारा दुष्ट शक्तिनहे नाश करदिहीँ, ओकर पाछे संसारके अन्त्य होजाई। तब ख्रीष्ट अपन राज हुँकार बाबा परमेश्वरहे पूरा रुपसे राज करक लग दैदिहीँ। परमेश्वर जबसम ख्रीष्टके दुश्मननहे हुँकार अधिनमे नै करादिहीँ, तबसम ख्रीष्ट रज्वक रुपमे शासन करहीँ।