Domínio próprio

22 Munhu yahalangulizigwa na Muhe wa Mulungu vinhu vino vizawoneka mgati yake, ulondo na deng’ho na tindiwalo na kufunya umoyo na ubazi na unhu goya na unovu na kwaminika, 23 uhole na kulinganya. Mbuli fana izo zabule Malagilizo.

11 Kwaviya unovu wa Mulungu ugubuligwa muladi ugale ulopozi kwa wanhu wose. 12 Unovu uwo wochifundiza chileke wihi na malondo yehile na chikale kwa kulinganya na chikale vinogile voilondeka na chikale kwa kumnogeza Mulungu muna ulusita luno, 13 ihawa chogozela zuwa diya da deng’ho kulu dochidilolela lusita vondaulawilile utunhizo wa Mulungu mkulu na Mulopozi Yesu Chilisito.

7 Mana muhe yoching’higwe na Mulungu siyo wa kuchitenda chidumbe, mbali muhe yochitenda chiwe na ludabwa na kulonda na kulinganya.

5 Kwa ichimu icho iyoheni ng’hani geleni ugenzi unogile kwa uhuwilo wenu, na kwa ugenzi unogile geleni umanyi, 6 kwa kuvimanya kumwenu mulondeka mongeze kulinganya, kwa kulinganya kwenu molondeka mongeze ufunya umoyo, kwa kufunya umoyo kwenu molondeka mongeze kumuhuwila Mulungu, 7 kumuhuwila Mulungu kokongeza undugu na undugu wokongeza ulondo.

32 Wanhu wokalama kupata ludoko wanoga kufosa magalu,

na wanhu wolukimilila ludoko lwawo wanoga kufosa wanhu wosola bululu.

28 Munhu hadaha kuikimilila mwenyewo,

kalinga fana bululu dilibule wakalizi.

11 Wanhu wabozi wolagusa ludoko lwawo lose,

mbali wanhu wabala woikimilila.

19 Kulonga ng’hani kowatenda wanhu wahasanye,

mbali wanhu wokimilila ndimi zawo wotenda goya.

24 Muvimanya wakimbilaji wengi wokimbila mbali yosola gweko ni imwe muhala. Basi mukimbile mbaka mpate gweko. 25 Na chila munhu yoyotenda kuihuma muna umwangalo koikimiliza na vinhu vingi muna yamazoezi yake. Mbali wotenda vino kwa lungilo wapate gweko dodibanangika. Mbali cheye chotenda viya, muladi chipate gweko hadibanangika. 26 Ivo nokimbila nihailungila kuhuma, ivo vichiigomba naniye fana munhu wa kuitowa voyokwasa ng’honde kuchanyha. 27 Nolwing’ha lukuli lwangu manhesa madala na kulugaza ng’hani muladi niye mwenyewo sekenilemigwe, maabaho kuwapetela usenga wanhu wamwenga.

9 Mbali one hamudaha kuzikimilila tamaa zenu za lukuli, soleni, kwaviya muhavu kusola kufosa kwaka tamaa za lukuli.

13 Magezo yongezigwa ni yakawaida kwa wanhu. Mbali Mulungu kokwaminika, nayo hezatogola mugezigwe kufosa nguvu zenu, mbali hamwe na kugezigwa, kezaweng’heni iviya nguvu ya kufunya umoyo na nzila ya kulawa umo vinogile.

8 Ivo muwe na kulinganya na mukale meso! Mwihi wenu, Lufyende kozunguluka fana simba yotongoloma, kozahila munhu yammele. 9 Mulemeni iyo, mwime chigangamavu muna uhuwilo, kwaviya movimanya kuwa ndugu zenu muna isi yose wogaiya yayo yayo fana vimugaiya mweye.

Mkalizi wa vinhu yanogile wa vitumetume mbasakanyo va Mulungu

7 Ukomelezelo wa vinhu vose wahabehi. Ivo yepuleni kuitawala na kaleni meso muladi mudahe kutosa kwa Mulungu.

Ugima wa sambi

1 Kwaviya kusongela Chiilsito viyagazigwe chilukuli, na mweye iviya molondeka muigangamize kupata lungilo fana jake. Kwaviya munhu yofunyila umoyo manhesa ya lukuli lwake hatenda uhasanyi kaidi. 2 Kulawa sambi ugima wousigale hano hana iisi wolondeka kulongozigwa na malondo ya Mulungu, siyo na tamaa zihile za chilukuli. 3 Kwaviya umwaka mutenda fana viwotenda wanhu hawammanyile Mulungu, kukala muna ugoni na tamaa zihile na ukolwa na madugili yaja wanhu wong’wa ng’hani na kutenda mbuli za chinyala na nhambiko za kwihiza za kutambikila nyang’hiti. 4 Sambi wanhu wawo hawammanyile Mulungu wokwazanywa kuwa mweye hamwizailumba nawo kaidi kukala vihile ng’hani, ivo womuligani. 5 Mbali wezalondeka kumulongela Mulungu chila chinhu chiwatendile, ija yowalamulila nhaguso wagima na wadanganike.

4 Chila mulume kolondeka yavimanye kululanguliza lukuli lwake mwenyewo kwa kwela na ugoya. 5 Na si kwa kulonda yehile fana wanhu hawammanyile Mulungu.

22 Mweye wose mulumbigwe na Mndewa Mulungu, mtogozeni yeye,

mtogozeni chila hanhu hake hoyotawala.

Weye moyo wangu, umtogoze Mndewa Mulungu.

13 Ufalume wako ni ufalume wa siku zose,

Mndewa Mulungu kokwaminika muna zinyelesi zose.

Mndewa Mulungu kotenda chila mbuli iyolonga.

Kokwaminika muna zisang’hano zake zose.

6 Kwaviya mwana kelekwa kwa ichimu chetu,

ching’higwa mwana wa chilume,

nayo kezatawala.

Kezatangigwa, Chinyandama Yofaya Ng’hani,

Mulungu Yeli na Udahi,

Tata wa Siku Zose na Mfalume wa Tindiwalo.

7 Utawala wake wizagangamala siku zose,

tindiwalo da ufalume wake dabule uhelelo,

kezatawala hana ichigoda cha chifalume cha Daudi,

kezaugangamiza ufalume wake na kuutenda ukule kwa haki na kwaminika,

kwandusila sambi na siku zose.

Mndewa Mulungu Yeli na Udahi kezatenda mbuli izo, kwaviya kochiwonela wivu.

13 Nayo kachikombola kulawa muna uludabwa wa ziza na kuchigala muna ufalume wa Mwanage yamulondile. 14 Mwa yeye chokomboligwa na kulekeleligwa uhasanyi wetu.

20 iyaisang’hanile viyamzilibule Chilisito na kukala hanhu ha udaho kuulanga. 21 Uko Chilisito kekigwa mchanya ng’hani ya tawala zose, udaho, nguvu na falume, kotawala chila zina diya dili na udaho doditangigwa muna ulusita luno na muna ulusita luja lukwiza.

20 Mbali cheye wenyewo kaye yetu ya kuulanga, na chogozela ng’hani Mulopozi wetu, Mndewa Yesu Chilisito, yeze kulawa kuulanga. 21 Kezazigalusa ng’huli zetu zoziwola na kuzitenda zilinge fana lukuli lwake lwa utunhizo, kwa kusang’hanila ludabwa luja loludaha kulanguliza vinhu vose.

9 Kwaviya chovimanya Chilisito kazilibuka kamala, nayo hezadanganika kaidi bule na ifa haizamtawala bule.

8 Wanhu wolangulizigwa na lukuli hawadaha bule kumnogeza Mulungu.

9 Mbali mweye Muhe wa Mulungu yahakala mgati yenu, hamwizalangulizigwa na lukuli, mbali molangulizigwa na Muhe. Munhu yoyose yelibule Muhe wa Chilisito, iyo si wa Chilisito bule.

22 Fana viya wanhu wose viwodanganika kwa kuilumba na Adamu, ivo ivo wanhu wose wezazilibuka kwa kuilumba na Chilisito. 23 Mbali chila munhu kwa mpango wake, mwanduso Chilisito maabaho waja weli wake Chilisito chipindi chondayeze. 24 Maabaho uhelelo wizakwiza, Chilisito vondayamwing’he Ufalume Mulungu Tata. Vondayabanange tawala zose, udaho na nguvu. 25 Kwaviya Chilisito kolondeka yatawale, mbaka Mulungu vondayaweke wehi wose hasi ya migulu yake.