Domínio próprio
O domínio próprio é fruto do Espírito e marca de maturidade espiritual. A Bíblia ensina que quem governa o próprio espírito é melhor do que quem conquista uma cidade.
Fruto do Espírito
O fruto do Espírito inclui domínio próprio. A graça de Deus nos ensina a viver de maneira sóbria e justa neste mundo.
पण आत्मा ना फोळ; मोंग करवा, खुस रेवा, सांती गम खावा, अने दया करवा, भलाय करवा, भरहो; ह़ुमाळा रेवा, अने हक मे राखवा; आवा-आवा कामु ना वीरोद मे काना बी कायदा नी हय।
काहाके आखी जाती ना माणहु जुगु भगवान नी दया उजन्ती से। अने आनी ह़ाते-ह़ाते आपणु ने आहयु बी ह़ीकाड़े, के आपणु भक्ती करता जाय्न अने आहयी कळी नी लालच मे गेथा मन फीरवीन आञे दाड़ीन वारु अने भगवान नी बीक मानीन जीव्वा जोवे। अने तीहयी जुगाळी आह नी अने आपणा ताखत वाळा भगवान अने छुटकारो आपण्या ईसु मसी नी बड़ाय उजन्ती हयवा नी वाट जोवता रेवो।
काहाके भगवान आपणु ने बीक नी आत्मा नी, पण ताखत, अने मोंग, अने गम नी आत्मा आपलो से।
एतरे तमु आखी भात्ये काळ्जी करीन, तमारा भरहा मे वारला गुण ने जोड़ो अने वारला गुण मे ग्यान ने। अने ग्यान मे गम राखो अने गम मे धीरज राखो अने धीरज मे भक्ती। अने भक्ती पोर भाय-बेन्या नो मोंग, अने भाय-बेन्या मे मोंग मे वदाड़ता जावो।
Governar a si mesmo
Melhor é o que domina o seu espírito do que o que toma uma cidade. A cidade sem muros é o homem sem domínio próprio.
दवड़ीन ईलाम जीकवा ना खेल मे ईलाम जीकवा करीन आखा दवड़े; पण ईलाम एकीत जणो हात करे। तमु ईसम दवड़ो के ईलाम हात करो। खेल मे खेलवा वाळा ने आखा कायदा पाळीन चालवा पड़े। खेल मे ईलाम हात करन्यो पान्टान तेम चीमायवा वाळी पागड़ी हात करवा करीन ईसम करे। पण आमु ते तीहयी पागड़ी जुगु जे कदी नी चीमाये। आहयी रीते मे ईलाम हात करवा करीन खास ठीया नी नींगा राखीनेत दवड़ु। मे वाहळा मे अमथो ढीक नी देम। पण मे मारा डील ने काठी मेहनत करावीन हक मे राखु। कंखर माय्न ईसम नी हयवा जोवे, के मे बीजा ने वारु परच्यार करीन मेत रीकामो नीकळु।
पण सवसार कर्या वगर नी रेवाये, ता तीमने वेवा कर लेवा वारु से; काहाके छीनाळु ना हयाळ्ळा बणवा सी वेवा कर लेवा वारु से।
तमु आसवी पारख मे नी पड़्या, जीने माणहु वेठ नी सके: भगवान भरहो करे एवो से: तीहयो तमने वेठाये नी एवी पारख मे नी पड़वा देय। अने कदीम तमु वेठाये एवी पारख मे पड़ी बी जावो, ते बी तीहयो तमने तीहयी पारख मे गेथो नीकाळ लेहे। आनीन करते के तमु तीहयी पारख ने जीक सको।
Disciplina e vigilância
Sede sóbrios e vigilantes. O diabo anda em derredor como leão rugidor. A sobriedade nos protege e fortalece.
चेतीन रेवो, अने ह़मळीन रेवो; काहाके तमारो वेरी भुतड़ो डोखारवा वाळा नाहर ने तेम आहयी ह़ोद मे रेय के कोयने फाड़ीन खाम। भरहा मे मजबुत हय्न, अने आहयु जाणीन तीनो सामनो करो के कळी मे आसमेत बीजा मसी भाय बी दुख झेल र्या।
भगवान नी बड़ाय जुगु सेवा
आखी वात छोटीत खुटवा वाळी से, आनी लेदे नीचळा हय्न वीन्ती जुगु चेतीन रेवो।
बदल्ली जीवाय
आनीन करते के मसी डील मे हय्न दुख झेल्यो ता तमु बी तीहयी हेर ने हत्यार ने तेम धर लेवो, काहाके जे डील मे दुख झेल्यो तीहयो पाप सी छुट ज्यो। काहाके तमारी रेली जीवाय, डील नी लालच ना लारे नी पण भगवान नी मरजीन अनसारे जीव्वा जोवे। काहाके जे वात आड़जात्या करवा चाहता हता, अने लुच्चाय नी बुरी लालच, खोड़ला काम करवा, छीनाळु, छाकीन लथ-पथ रेवा, अने मुर्ती पुजा करवा मे उदड़ेत टेम गमाया एतरुत घणु। आनी सी तीहया वहराय करे के तमु एवा भारी लुच्चाय मे तीमनो सात नी देता, अने आनीन करते तीहया तमारु नामबद्दी करे। पण तीहया तीने जे जीवत्ला अने मरला नो नीयाव करवा तीयार से तीने लेखो आपवा पड़हे।
अने तमारी माय्न आखा आह़फा नी लाडी ने चोखलापणा मे अने ईज्जत भेळ लाव्वा जाणे। अने आहयु काम लालच सी नी, अने नी ते तीहया आड़जात्यान तेम जे भगवान ने नी जाणे,
O senhorio de Cristo
Todo domínio pertence a Cristo. Ele é Senhor dos senhores e Rei dos reis — e nos capacita a viver em santidade.
में राते दरसन देख्यो, अने आहयु देख्यो के ह़रग ना वादळा भेळ माणेह ना सोरान तेम कोय आव्वा बाज र्यु हतु, अने तीहयु तीहया पेल्ना वारा ना माणेह ने तां पुग्यु, अने तीने तीहया तीनी ह़ाते लाया। तत्यार तीने एवो हक, बड़ाय अने राज्य आप्या, के देस-देस अने राज्य-राज्य ना माणहु अने अलग-अलग भासा बोलवा वाळा आखा तीना हक मे हये; तीनु राज कदी नी खत्तम हयवा वाळु राज्य ठेर्यु।
मने आहयु वारु लाग्यु, के आखा मे मुख्यो भगवान मने जे सेलाणी अने चमत्कार देखाड़लो से, तीमने उजन्ता करु। तीनी देखाड़ली सेलाणी केतरी मोटी, अने तीना चमत्कारु मे केतरी मोटी सक्ती उजन्ती हये! तीनु राज्य सदा नु अने तीनु राज-पाट पीड़ी सी पीड़ी तक बणीन रेय।
तीहयोत आमु ने अंदारलु ना कब्जा मे गेथो नीकाळीन आह़फा ना मोंगाळ्ळा सोरा ना राज मे मोकल्यो, जीनी मे आमने छुटकारो मतलब पाप नी माफी जड़ली से।
जे तीहयो मसी मे कर्यो के तीने मरला मे गेथो जीवाड़ीन ह़रग ना जागा मे जमणी ह़ोड़ बहाड़ र्यो। मसी आखा ह़रग वाळा मुखी, हकदार्या, ताखत, अने डायला पोर राज करे; जे नी नीस्तो आहयी कळी मे पण आव्वा वाळी कळी मे बी तीनु नाम लेहे।
पण आपणु खास देस ते ह़रग मे से, तां गेथो आपणु ने सोड़ाव्वा वाळो ईसु मसी आव्वा वाळो से अने आमु तीनी वाट जोय र्या। तीहयो आपणी ताखत ना अनसारे आखी चीज ने आह़फा ना कब्जा मे करन्यो से, आपणा कमजोर डील ना सीका ने बदलीन, आह़फा ना बड़ाय भरला डील ना सीका मे बदली देहे।
काहाके आहयु जाणये के मसी मरला मे गेथो जीवतो हय्न पासो मरवा नो नी; हाव तीनी पोर मोत नो हक नी रेय।
अने जे डील नी हालत मे से, तीहया भगवान ने खुस नी कर सके।
पण जत्यार के भगवान नी आत्मा तमारी मे बहे, ता तमु डील नी हालत मे नी पण आत्मा नी हालत मे से। कदी काना मे मसी नी आत्मा नी हय, ता तीहयो मसी नो नी हय।
जीसम आदम नी लेदे आखा मर ज्या, तेमेत ईसु मसी नी लेदे आखा मर्या-ह़र्या मे गेथा जीवता हय्न बठा हय जहे। पण आखा वार्ये-वार्ये मर्या-ह़र्या मे गेथा जीवता हय्न बठा हयहे। आखान पेले मसी, अळतेण मसी ह़रगे गेथो पासो आवहे ता तीनी पोर भरहो करन्या माणहु मर्या-ह़र्या मे गेथा बठा हय जहे। अळतेण कळ खत्तम हयवा नी आखरी टेम आय लागहे; तीहयी टेमे मसी आखा राज करन्या ने, हक राखण्या ने, अने आखा भाती ना जोर ने खत्तम कर देहे। अने आखु राज-पाट भगवान बाह ने ह़ोप देहे। पण जत्यार लग मसी आह़फा ना वेरी ने आह़फा ना पोगु तळे नी ली आवे तां लग तीने राज करवा जरुड़ी से।