Domínio próprio
O domínio próprio é fruto do Espírito e marca de maturidade espiritual. A Bíblia ensina que quem governa o próprio espírito é melhor do que quem conquista uma cidade.
Fruto do Espírito
O fruto do Espírito inclui domínio próprio. A graça de Deus nos ensina a viver de maneira sóbria e justa neste mundo.
ತೆನೈಸೊ ಕ್ಹುದಾನಿ ಅತ್ಮಾಮಾತಿ ಹುಟ್ಟಾನಿ ಮಯಾ, ಸಮಾದಾನ, ಶಾಂತಿ, ಖುಶಿ, ತಡ್ದಿಲಿವಾನು, ಮರಗಾನು, ಉಪಕಾರ, ಬರೊಕ್ಹೊ, ಸಾದುತ್ವ ಅಪ್ನಾಕ್ಹು ಅಪೊನೆ ಹತೊಟಿಮಾ ಮ್ಹೆಲ್ಲಿವಾನು. ಇವ್ನೊನೆ ತಪ್ಪ ವ್ಹೈ ಕೈನ ಕಯುಜ಼ ಧರಮಶಾಸ್ತ್ರ ಕತು ನೈ.
ಕಾಕದ್ಯಾಮ ಕ್ಹುದಾನಿ ಮರ್ಗಾ ಕ್ಹಾರಾ ಮನಕ್ಹೊನೆ ರಕ್ಷಣೆನಾಹುತಿ ದೆಕಾಡಿನ ದಿವಸ. ಆಂ ಕೃಪಾ ಅಪೊನೆ ಕ್ಹುದಾನೆ ವಿರುದ್ದ ಥೈನ ಜಿವ್ನಾ ಕರ್ಯಾವಾಚಿ ದುನಿಯಾಮಾನಾ ಮನಕ್ಹೊ ಕರಾನೆ ಬಯಸಾಲಾ ಕೆಟ್ಟ ಕಾಮೊ ಕರ್ಯಾವಾಚಿ ತೆ ಹುಬ್ರಾಡಸ. ಅಪೆ ಕ್ಹುದಾನಿ ಸೆವಾ ಕರಾಡಾಸ ಕೈನ ದೆಕಾಡಾನಾಹುತಿ ಚೊ಼ಕಾ ಥೈನಬಿ ಗ್ಯಾನಿಥೈನಬಿ ದುನಿಯಾಮಾ ಹಮ್ನಾ ರ್ಹೌ ಕೈನ ತೆ ಶಿಕ್ಲಾಡಸ. ಅಪ್ನೊ ಮ್ಹೊಟೊ ಕ್ಹುದಾ ವರಿ ಯೆಸು ಕ್ರಿಸ್ತ ಆವಾನು ಕೈದತಾ ರ್ಹಯಲವಾಲಾ ಅಪೆ ತಿನಾನಿಂಗತ ರ್ಹೌ. ತೆಜ಼ ಅಪ್ನೊ ಮ್ಹೊಟಿ ಆಸ ಥಯೊಸ. ತೆ ತಿನಿ ಮಹಿಮಾನಾ ಕ್ಹಾತೆ ಆವಸ.
ಕ್ಹುದಾ ಅಪೊನೆ ದಿದಲ ಆತ್ಮಾ ಭುಚ್ಕಾನಿ ಆತ್ಮಾ ನ್ಹವ್ಹೈ. ಅಪೊನೆ ತಾಕತ ಭರಿನ, ಮಯಾ ವರಿ ಹತೊಟಿಮ ಮುಕ್ಕಾನಿ ಆತ್ಮಾ ತೆ ದಿದ್ಯೊಸ.
ತುಮೆ ಎ ಆಶಿರ್ವಾದ ಹೊಂದಿಲಿದಲಹುತಿ ತೆ ಕ್ಹಾರು ತುಮಾರಿ ಜಿವಿತಮಾ ಉಪಯೊಗ ಕರಲಿವೊ ತುಮೊನೆ ಥಯಲ ತೆಕ್ಲು ಕೊಶಿಶ ಕರೊ. ತುಮಾರಾ ಬರೊಕ್ಹಾನೆ ಸದ್ಗುಣ ಸದ್ಗುಣನೆ ಗ್ಯಾನ ಗ್ಯಾನನೆ ದಮೆ ದಮೆನೆ ತಾಳ್ಮೆ ತಾಳ್ಮೆನೆ ಕ್ಹುದಾನಿ ಸೆವಾ ಕ್ಹುದಾನಿ ಸೆವೆನೆ ಭಾಯೊನಿ ದೊಸ್ತಿನಿ ಮಯಾ ಕುಡ್ಸೊ
Governar a si mesmo
Melhor é o que domina o seu espírito do que o que toma uma cidade. A cidade sem muros é o homem sem domínio próprio.
ತುಮೊನೆ ಗ್ವತ್ತ ರ್ಹಯಲ ನಿಂಗತ ಮೈದಾನಮಾ ಘನ್ನಾ ಜ಼ನಾ ನ್ಹಾಟಾನಾ ಕ್ಹೆಲಮಾ ಭಾಗ ಲೆತಾ ನೈಸು? ತೆನೈಸೊ ಪಸ್ಟ ಬಹುಮಾನ ಮಳಾನು ಯಕ್ಲಾನೆಜ಼ ವ್ಹೈ. ತಿನಾಹುತಿ ಬಹುಮಾನ ಲಿವಾನೆ ತುಮೆಬಿ ನ್ಹಾಟೊ. ಖೆಲ ಖೆಲಾನೆ ಆಯಲವಾಲಾ ಕ್ಹಾರಾ ತ್ಯುನೊನೆ ಹತೊಟಿಮಾ ಮ್ಹೆಲ್ಲಿವಸ. ನಾಶ ಥಾವಾನಾ ಬಹುಮಾನ ಲಿವಾನಾಹುತಿ ಕೊಶಿಶ ಕರಸ. ಅಪೆ ತುಬಿ ಹಮೆಶಾನು ಬಹುಮಾನ ಲಿವಾನಾ ಹುತಿ ರಾಬಿಯೆಸ. ಮಿ ತುಬಿ ಗುರಿ ಗ್ವತ್ತ ನೈಸೊ ನ್ಹಾಟತೊ ನೈ, ವಾರಾನಾ ಕ್ಹಾತೆ ಗುದ್ಯಾಡಾಲಾವೊನಾ ನಿಂಗತ ಹೊರಾಡತೊ ನೈ. ಬಿಜಾ಼ವೊನೆ ಬಲೈನ ಮಿಜ಼ ನಾ ಕಾಬಿಲ ನಿಂಗತ, ಮಾರಾ ಅಂಗನೆ ರಬಾಡಿನ, ಮನೆ ಮಿಜ಼ ಹತೊಟಿಮಾ ಮ್ಹೆಲ್ಯುಸ.
ತ್ಯುನೊನೆ ಸಬರ ನೈ ರ್ಹಯುರೆ ಹಿವಾ ಕರಿಲಿವಾದೆ. ಅಂಗನಿ ಆಸನಿ ಆಗಕ್ಹು ಬಳಿನ ಮರಾತಿ ಹಿವಾ ಕರಿಲಿವಾನು ಚೊ಼ಕು ವ್ಹೈ.
ಮನಕ್ಹೊಕ್ಹು ನೈ ಜಿತ್ತಾನಾ ಶೊಧನೆ ತುಮೊನೆ ಆಯಾ ನತ್ತಿ. ಕ್ಹುದಾ ದಿದಲ ವಾತ ಚು಼ಕ್ತೊ ನೈ. ನೈ ಜಿತ್ತಾನಾ ಶೊಧನೆನೆ ತುಮೊನೆ ಕೆಳಾಮಾಜ಼ ಘಾಲ್ತೊ ನೈ. ಶೊಧನೆ ಆಯಲ ಪರ ತಿಕ್ಹು ತಡ್ದಿಲಿವಾನಿ ತಾಕತ ಚು಼ಕೈಲಿವಾನಿ ವಾಟ ತೆಜ಼ ದಿವಸ.
Disciplina e vigilância
Sede sóbrios e vigilantes. O diabo anda em derredor como leão rugidor. A sobriedade nos protege e fortalece.
ಯಕ್ಕಜ಼ ಮನಸವಾಲಾ ರ್ಹವೊ ವರಿ ಹುಶಾರ ಥೈನ ರ್ಹವೊ. ಸೈತಾನ ತುಮಾರೊ ದುಶ್ಮನ ವ್ಹೈ. ತೆ ವದ್ರಾನಾ ಶಿಯ್ಯಾ ನಿಂಗತ ಕಿನೆ ಖೌ ಕೈನ ಹುಡಕ್ತೊ ರ್ಹವಸ ತೆ ಮನಕ್ಹೊನೆ ಹುಡ್ಕಾಡೊಸ. ತುಮಾರಾ ಬರೊಕ್ಹಾಮಾ ಘಟ್ಟರ್ಹೈನ ತಿನೆ ದೆಕೊ. ಕಾಕದ್ಯಾಮ ಜಗತ್ಮಾ ರ್ಹಯಲ ತುಮಾರಾ ಭಾಯೊ ಭೆನೊ ತುಮೊನೆ ರ್ಹಯಲ ತ್ರಾಸ ಖಾವಾಡಾಸ ತುಮೊನೆ ಗ್ವತ್ತ ಛೆ.
ಕ್ಹುದಾನಾ ವರಾವೊನೆ ಚೊ಼ಕೊ ಚಲಾವಾಲೊ
ಕ್ಹಾರಾ ಕಾಮೊನೆ ಮುಗ್ಸಾನೊ ಟೈಮ ನಜಿ಼ಕ ಆಯೊಸ. ತುಮೆ ಗ್ಯಾನವಾಲಾ ಥೈನ ತುಮಾರಾಕ್ಹು ತುಮೆ ತುಮೊನೆ ಹತೊಟಿಮಾ ಮ್ಹೆಲ್ಲಿವೊ. ತುಮೊನೆ ಪ್ರಾಥನಾ ಕರಾನೆ ಎ ತುಮೊನೆ ಸಹಾಯಾ ಕರಸ.
ಜಿವಿತ ಬದಲಿ
ಕ್ರಿಸ್ತ ಮನಕ್ಹನು ಅಂಗ ಲಿದಲ ಟೈಮಮಾ ತ್ರಾಸ ಅನುಭವಿಶೊ. ತಿನಾಹುತಿ ಕ್ರಿಸ್ತಮಾ ರ್ಹಯಲ ಮನಸ ತುಮೆ ವ್ಹಂದಲಿನ ತುಮಾರಾಕ್ಹು ತುಮೆ ತಾಕತ ಭರಲಿವೊ. ಅಂಗಕ್ಹು ತ್ರಾಸ ಖಾದಲ ಮನಕ್ಹ ಪಾಕ್ಹು ಮುಕ್ತ ಥಯೊಸ. ತಿನಾಹುತಿ ಎ ಜಗತ್ಮಾ ಮನಕ್ಹೊನಿ ಮರ್ಜಿ ಲಿಂಗತ ಕೆಟ್ಟ ಕಾಮೊ ಕರ್ಯಾವಾಚಿ, ಕ್ಹುದಾನಿ ಮರ್ಜಿ ಲಿಂಗತ ಕಾಮೊ ಕರತಾ ಜಿವ್ನಾ ಕರತಾ ತುಮಾರಾಕ್ಹು ತುಮೆ ತಾಕತ ಭರಲಿವೊ.
ಪೈಲಾ ಬರೊಕ್ಹೊ ನೈಸೊ ಮನಕ್ಹೊ ಕರಾನಾ ಕಾಮೊ ಕರತಾ ಘನ್ನು ಟೈಮ ಹಾಳ ಕರ್ಯಾ. ತುಮೆ ಲೈಂಗಿಕ ಪಾಪೊ ಕರಾಡಾಸ. ತುಮೊನೆ ಚೊ಼ಕುಲಾಗಲ ಕಾಮೊ ಕರಾಡಾಸ; ಪಿದೊಡಾ ಥಯಾಸ, ಕ್ರುರಿಯೊ ಥಯಾಸ, ಹಸೈ ರ್ಹಯಲ ನೈಸೊಕರಾನಾ ವರಿ ಮತ್ಲಬನಾ ಕಾಮೊ ವರಿ ಪಿವಾ ಖಾವಾನು ಚ಼ಲಾವಡ್ಯಾಸ. ಮೊರ್ತಿಯೊನೆ ಆರಾಧನಾ ಕರಾಡಾತಾ. ತುಮೆ ಅಸೈ ರ್ಹಯಲ ವರಿ ನೈಸೊ ಕರಾನಾ ಕಾಮೊ ನೈಕಾರುನು ದೆಕಿನ ಬರೊಕ್ಹೊ ನೈಸೊವಾಲಾ ತುಮಾರಾಹುತಿ ಘಾಬ್ರಾಥಾವಸ. ತಿನಾಹುತಿಜ಼ ತ್ಯುನೆ ತುಮೊನೆ ಕೆಟ್ಟ ವಾತೊ ಕವಸ.
ತೆನೈಸೊ ಬರೊಕ್ಹೊ ನೈಸೊವಾಲಾ ತ್ಯುನೆ ಕರಾನಾ ಕಾಮೊನಾಹುತಿ ತ್ಯುನೆಜ಼ ಕೌ ಲಾಗಸ. ಮರಿಗಯಲ ಮನ್ಹೊನೆ ವರಿ ಜಿವ್ತಾ ರ್ಹಯಲ ಮನಕ್ಹೊನೆ ಫೈಸ್ಲೊ ಕರಾನೆ ತಯ್ಯಾರ ರ್ಹಯಲ ಕ್ರಿಸ್ತನೆ ತ್ಯುನೆ ತಿನೆ ವಿಚಾರಣೆ ದ್ಯು.
ತುಮೊಮಾನಾ ಕ್ಹಾರಾ ಜ಼ನಾ ತಿಳದಿಲಿದಲ ರ್ಹೌ ತ್ಯುನಿಯೊ ಸ್ವಂತ ಬೈಕೊನಾ ಕ್ಹಾತೆ ಪರಿಶುದ್ಧ ಥೈನ ವರಿ ಮರ್ಯಾದಿಕ್ಹು ರ್ಹೌ. ಎ ವಿಷಯಮಾ ತುಮಾರಾ ಭಾಯೊನೆ ಮೊಸ ಕರು ನೈ.
O senhorio de Cristo
Todo domínio pertence a Cristo. Ele é Senhor dos senhores e Rei dos reis — e nos capacita a viver em santidade.
ತೆಳಾಮಾ ಯಕ್ಕ ದೆವದುತ ಬೊಲಾನು ಐಕ್ಯೊ; ಬೊಲಾಲಾನೆ ವರಿಯಕ್ಕ ದೆವದುತ ಬೊಲಿನ- ಹಮೆಶಾನು ಹೊಮಾ ಹುಬ್ರಡಾನು, ಭಯಾನಕ ಥಯಲ ಕ್ಹುದಾನೆ ದ್ರೊಹ ಕರಾನು, ಪವಿತ್ರ ಆಲಯನೆ ಕ್ಹುದಾನಾ ಭಕ್ತೊನಾ ಗುಂಪನೆ ಕ್ಹುಂದಾನು ಕವಾನು ಕ್ಹಪನನಾ ಕಾಮೊ ಕಕ್ಲಾ ದಿನ್ನ ಥಾವಸ ಕೈನ ಸವಾಲ ಕರಾಕ್ಹು ತೆ ತಿನೆ - ದಿನ್ನ ರಾತನಾಹುತಿ ಬೆ ಹಜಾ಼ರ ತನ್ನ ಕ್ಹೊ ಲಕ್ಕಾ ಚಾ಼ಲಸ; ಪಾಚ಼ಲ್ತು ಪವಿತ್ರ ಆಯಲನೆ ವರಿ ನ್ಯಾಯ ಸ್ಥಾಪನೆ ಥಾವಸ ಕೈನ ಕದ್ಯೊ.
ತುಮೊನೆ ಸುಖಾ ಜಾಸ್ತ ಥಾವಾದೆ! ಪರಾತ್ಪರ ಥಯಲ ಕ್ಹುದಾ ಮಾರಿ ವಿಶಯಮಾ ಚ಼ಲಾಯಲ ಮಹತ್ತೊನೆ ಅದ್ಬುತೊನೆ ಪ್ರಚಾರ ಕರು ಕವಾನು ಮನೆ ಮನಸ ಛೆ. ತಿನಾ ಮಹತ್ತೊ ಘನ್ನಾ ಮ್ಹೊಟಾ ವ್ಹೈ! ತಿನಾ ಅದ್ಬುತೊ ಘನ್ನಾ ಖಾಸ ವ್ಹೈ! ತಿನಿ ರಾಜ್ಯ ಹಮೆಶಾನಿ ರಾಜ್ಯ ವ್ಹೈ, ತಿನಿ ಆಳ್ವಿಕೆ ತಲತಲಾಂತರ ಲಕ್ಕಾ ಹುಬ್ರ್ಯವಸ.
ಕ್ಹುದಾ ಅಪೊನೆ ಅಂದಕಾರನೊ ಅದಿಕಾರಮತೊ ಛೊಡೈನ ತಿನಾ ಮಯಾನಾ ದಿಕ್ರಾನಾ ರಾಜ್ಯಮಾ ಮಳಾಯೊ. ಎ ದಿಕ್ರಾಮಾ ಅಪ್ನಾ ಪಾಪೊ ಮಾಫಕರಿನ ಅಪೊನೆ ಬಿಡುಗಡೆ ಥೈ.
ಕ್ಹುದಾ ಕ್ರಿಸ್ತನೆ ಸ್ವರಗಾಮಾ ತಿನಾ ಶಿದಾಬಗಲ ಬೈಟಾಡಿಲಿದ್ಯೊ. ಕ್ಹುದಾ ಕ್ರಿಸ್ತನೆ ಕ್ಹಾರಾ ಅದಿಪತಿಯೊತಿಬಿ ಅದಿಕಾರಿಯೊತಿಬಿ ತಾಕತವಾಲಾವೊತಿಬಿ ರಾಜಾ಼ವೊತಿಬಿ ಮ್ಹೊಟೊ ಕರ್ಯೊ. ಎ ದುನಿಯಾಮಾ ರ್ಹೈನೆಕಾ ಅಗಲ್ಯಾ ದುನಿಯಾಮಾ ರ್ಹವಾದೆ ದಿದಲ ಕಯುಬಿ ನಾಮ ರ್ಹಯಲವಾಲಾವೊತಿಬಿ ಕ್ರಿಸ್ತ ಮ್ಹೊಟೊ ವ್ಹೈ.
ಅಪೆತೊ ಸ್ವರ್ಗನಾ ಪ್ರಜೆ ವ್ಹೈ ಕರ್ತಾ ಥಯಲ ಯೆಸು ಕ್ರಿಸ್ತ ತ್ಯಾಂತೊಜ ರಕ್ಷಕ ಥೈನ ಆವಾನೊ ದೆಕಾತ್ತಾ ಛೆ. ತೆ ಕ್ಹಾರುಜ ತಿನಾ ಅದಿನಮ್ಮಾ ಕರಲಿವಾನು ಕ್ಹಾರಾವೊಪರ ಅದಿಕಾರ ವ್ಹಂದಲವಾಲೊ ಥೈನ ದಿನ್ನ ಸ್ವಭಾವಾಲೊ ಥೈನ ಅಪ್ನು ಅಂಗ ಘನು ತಾಕತವರ ಥೈನ ತಿನಾ ಅಂಗ ನಿಂಗತ ರುಪಾಂತರ ಕರಸ.
ಕ್ರಿಸ್ತ ಮರಲವಾಲಾವೊಮಾತೊ ಜಿವ್ತೊ ಥೈನ ಉಟಿನ ಆಯೊ. ತೆ ವರಿ ಮರಾನೆ ಕೆಳಾಮಾಜ಼ ಸಾದ್ಯ ನತ್ತಿ ಕವಾನು ಅಪೊನೆ ಗ್ವತ್ತ ಛೆ. ಹಮ್ನಾ ಮರಣನೆ ತಿಪರ ಕಯೊ ಅದಿಕಾರ ನತ್ತಿ.
ತ್ಯುನಾ ಪಾಪನಾ ಚಾಳಿಯೊ ನಿಂಗತ ರ್ಹವಾಲಾ ತೆ ಮನಕ್ಹೊ ಕ್ಹುದಾನೆ ಮೆಚ್ಚಸಾನೆ ಸಾದ್ಯಾಜ಼ ನತ್ತಿ.
ತೆನೈಸೊ ತುಮೆ ತುಮಾರಾ ಪಾಪೊನಾ ಸ್ವಭಾವ ನಿಂಗತ ನತ್ತಿ. ಕ್ಹುದಾನಿ ಆತ್ಮಾ ತುಮೊಮಾ ಕ್ಹರಿಬಿ ರ್ಹಯಲ ರ್ಹಯುಮ, ತುಮೆ ಆತ್ಮಾನಾ ಹತ್ಮಾ ಛೆ. ಕಿನಾಮಾಬಿ ಕ್ರಿಸ್ತನಿ ಆತ್ಮಾ ನೈ ರ್ಹಯುಮ, ತೆ ಕ್ರಿಸ್ತಮಾ ರ್ಹಯಲವಾಲೊ ನ್ಹವೈ.
ಆದಾಮನಾ ಸಂಬಂಧಕ್ಹು ಕ್ಹಾರಾ ಜ಼ನಾ ಮರಣನೆ ಗುರಿ ಥಯಲ ನಿಂಗತ ಕ್ರಿಸ್ತ ಯೆಸುನಾ ಸಂಬಂಧಕ್ಹು ಕ್ಹಾರಾ ಜ಼ನಾ ಜಿವ್ತಾ ಥೈನ ಉಟಸ. ಎ ಭಾಗ್ಯನೆ ಯಕೆಕ್ಲೊ ಕ್ರಮಬದ್ದ ತರಿಕಾಮಾ ಪಡ್ದಿಲಿವಸ. ಪಸ್ಟ ಫಲ ಥೈನ ಕ್ರಿಸ್ತ ಯೆಸುಜ಼ ಜಿವ್ತೊ ಥಯೊ. ಪಾಚಾ಼ತಾ, ಕ್ರಿಸ್ತ ಯೆಸುನೆ ಮಳಲವಾಲಾ ಯೆಸು ವರಿ ಯಕ್ಕೆಮ ಆತಾಮಾ ಜಿವ್ತಾ ಥಾವಸ. ಅಂತ್ಯ ಆವಾನು ತೆ ಥಯಲ್ಪರಜ಼ ವ್ಹೈ. ತೆಳಾಮಾ ಯೆಸು ಕ್ಹಾರು ಸಾಮ್ರಾಜ್ಯ ಅದಿಕಾರ ತಾಕತ ಹಾಸಿಲ ಕರಿನ ಬಾ ಥಯಲ ಕ್ಹುದಾನೆ ಒಪ್ಸಿನ ದಿವಸ. ಕ್ಹುದಾ ತಿನಾ ಕ್ಹಾರಾ ದುಶ್ಮನೊನೆ ತ್ಯುನಾ ಪಗೊ ಹೆಟಾ ಘಾಲೆ ಲಕ್ಕಾ ತ್ಯುನೆ ರಾಜ್ಯ ಕ್ರಿಸ್ತ ಆಳು.