Domínio próprio
O domínio próprio é fruto do Espírito e marca de maturidade espiritual. A Bíblia ensina que quem governa o próprio espírito é melhor do que quem conquista uma cidade.
Fruto do Espírito
O fruto do Espírito inclui domínio próprio. A graça de Deus nos ensina a viver de maneira sóbria e justa neste mundo.
Muisaw Thae
Muisaw thae tuh sungsakunaw, lungpawnaw, daenaw, lungsaenaw, ngaethyaumsakunaw, hoynaw, lungzinaw, lungnenaw te sungku khonaw nynh thua. Hynhcihawpaw te a rawsekuhpaw kawbya um khyh.
Pawccecize khumnaw yn thuakhaepaw Pachia thawccinaw tuh ccungccaw balyn kya a langkuh vae. Pachia pawlangria leinaw te laephi uccaw duaanaw kha vua lan zah, aening tuh mawtemaw ukku kho te dingrarih lante, Pachia rawrite atu she kya ah hiin nawlan oh, tuh-e thawccinaw nynh oun ccangpya. Alesaepaw ah Pachia te oun Khumtu Jesu Khri a phu-enaw yn langku lanpaw kha aening nynh ah ngaehoi oh, tuh-e tuh lungtua lan umpaw aening ngaehoinaw nynh thua.
Pawccecize Pachia nynh rawthyanaw muisaw kha aening oun pya khyh, thuasalama thungnaw, sungsakunaw, te mawtemaw yhku khonaw muisaw kha nynh oun pya.
Hynh-e keiccuze nae zynnaw kya hiinzia hoypaw kha thuasah, hiinzia hoynaw kya nynaw kha thuasah biachih lan zuakuh oh, nynaw kya ahmaw sungku khonaw kha thuasah, ahmaw sungku khonaw kya ngaesangnaw kha thuasah, ngaesangnaw kya Pachia rawrinaw kha thuasah biachih oh. Pachia rawrinaw kya uteno thawccikunaw kha biachih oh lah, uteno thawccikunaw kya sungsakunaw kha biachih oh.
Governar a si mesmo
Melhor é o que domina o seu espírito do que o que toma uma cidade. A cidade sem muros é o homem sem domínio próprio.
A lungsaepaw tuh
a thawsaepaw laeze ahoyhua,
thindynnaw a synkuh khopaw tuh
khuapi a taetupaw laeze ahoyhua.
A thinlung a sungkuh kho leipaw tuh
koihlupaw lungrua ting zah
uahalaepaw khua te nynh aloku.
Mingaee nynh tuh
a thinrianaw balyn kha a langsaku,
thuasalama mihawpaw nynh tuh
daebabi lan um zah a yhku.
Bya patae ho lanze,
seinaw a umthya,
mihawpaw tuh byahonaw kya
a sungkuh.
Ccuetaekunaw kya a ccue hae paw tuh mih balynte ccue hae salamah lu kheit kyalya nynh lasung a mue cipaw na nyh khyh oh tou? Tukeiccuze lasung na mue ccaw oh tuhcite ccue oh. Khungtaekunaw kya a taekuh buapaw miakaw nynh tuh tynre balyn kya amaw te amaw a sungku; anaan-arohthyapaw haetapaw lukhung mue khylan nynh tuhte a cyi hae; thuasalama aening tuh anaan-arohthya leipaw lukhung mue khylan nynh thua. Tukeiccuze kae tuh eenaw a um leite ka ccue khyh; thungku a thyapaw nynh khivae kha a thung hawte ka thung khyh. Thuasalama ming hae kha ka hopah kou hae te, kamaw tuh a shungpaw lang ka tangsei khyh nawlan, ka pyn hynh ka kia zah ka uk.
Thuasalama minmin nynh a sungku kho khyh hae ze zu, vawpaw hoi hae sah; pawccecize chiisaw rynaw kha sungku kho khyh ze zu, vawpaw hoi tuh ahoyhua.
Ccungccaw miakaw nynh a tung hae paw syntawnaw rou kha nynh na tung oh. Pachia tuh a lungzipaw thua zah, na taening lei oh paw syntawnaw kha nae kya thuasah lan khyh; syntawnaw kha na teing kho nawlan oh, syntawnaw ryte luenawpaw laanpi kha mah ae raepah cih oh.
Disciplina e vigilância
Sede sóbrios e vigilantes. O diabo anda em derredor como leão rugidor. A sobriedade nos protege e fortalece.
Hawrarih lan um oh; raeringkute um oh; pawccecize nae rhawpaw Satan tuh a sia a ruapaw chindeih hawte hum vema ka laang cih cite ccungkute a khiakuh. Laephi vaw e nae uno hae tuh tuhcihawpaw riathaenaw a teing hae cipaw kha nyh oh lah, nae zynnaw kya varyng tynte Satan kha la dou oh.
Pachia Phu-enaw elang Ryalah
Pawpaw balyn athangnaw tuh anae vae; tukeiccuze sawsangnaw elang hawrarih lante raeringkute um oh.
Hiinnaw Rulaekunaw
Khri tuh pynsaw kya tuhcite a teing hawte, nanning mah tuhcihawpaw tuanaw khate ccaankuh oh; pawccecize pynsaw kya a teingpaw ccungccaw tuh seinaw kyate a lue vae. Tuhcite a pynsaw kya a hoi ungpaw ccyh kha ccungccaw rynaw hanlan hiin vae leite Pachia rynaw hanlan a hiin nawlan nynh thua. Pawccecize Zenta hae nynh a rae ry hae paw myarya ohhuaku rynaw, chiisaw rynaw, ruinaw, eih hoysah kaesynaw, zu-aete hoysahnaw, luathua-ae-ui lan umpaw zohtuh beiknaw kya ciakute alia vae paw ah ccyh tuh azaw vae. Atu tuh nanning nynh tuhcihawpaw alawepaw hoysahnaw kya minmin ryte na mungku vae khyh oh paw kha mih ngaeangthua zah thethya ae ho oh. Minmin tuh mihiin te michi byapia lan a paccynkuhpaw Pachia malang khe mimaw konglang kha oun phykuh cih hae.
nanning milu raveih nynh nae pyn kha athyaapaw te sawtuapaw athua nawlan pawtemou sungku lan cipaw na ny nawlan oh, Pachia nyh leipaw Zenta hae hawte myarya ohhuaku rynaw thinlung kha hoi leite,
O senhorio de Cristo
Todo domínio pertence a Cristo. Ele é Senhor dos senhores e Rei dos reis — e nos capacita a viver em santidade.
A uknaw hmin takyh kya um hae paw,
amaw nynh a rae hae paw balyn,
Bawipaw kha thehoysah oh.
Pou ka muisaw, Bawipaw kha
thehoysah tua.
Na peenaw tuh zungzae tynpaw
peenaw thua zah,
na uknaw tuh she takyh atyn.
Bawipaw tuh a hopaw
bya balyn kya a lungzi zah,
a cyipaw balyn kya thawccinaw a hoi.
Khuazi vizin ka muihpaw kyakhe,
ccungccaw alopaw lu kheit tuh
vaawlang e maeking khate
yn cciapaw kha ka muih.
Te zungzae hiinpaw kalan cceih zah,
a malang a thua.
Bya aphuinphuin ho hae paw
minphuin hae balyn nynh
amaw rya kha a lawpya hae,
uknaw kaw, phu-enaw te
siapharan lang tangnaw tuh
amaw kha pya athua.
A uknaw tuh azo cih leipaw
zungzae tynpaw uknaw thua zah,
a siapharan thuanaw tuh
papin roh lan khyh.
Ahang Huaccepaw Pachia nynh rya yn lawpyapaw muihsahnaw hae te ngaeang lan umpaw balyn kha hothui ka ry.
Pachia nynh a raepaw muihsahnaw hae tuh pawcih baban mou lesae zah,
ngaeangnaw a raepaw tuh pawcih baban mou huhan a hoi!
A peenaw tuh zungzae tynpaw peenaw thua zah,
a kya-e kawhoinaw tuh she takyh kya atyn, a ci.
Pawccecize aening hanlan
imua lu kheit a pui vae,
ccapaw lu kheit pya ah thua oh;
aning tuh uknaw kaw a hoi cih;
amaw kha Ngaeang lan umpaw
Tuanaw pyatu, Athungpaw Pachia,
Zungzae tynpaw Paaw,
Daenaw Siapharan
cite minphu athua cih.
A uknaw kaw tuh houhouh a lethung cih,
David kya-e bawitungkhung te
a peenaw hanlan athangthya leipaw
daenaw a um cih.
Tuh-e tuh aning nynh byading te
dingnaw khate atu te
malang zungzae cia
a tynsah cih zah a uk cih.
E hynh vaaw Bawipaw nynh
lungthote a cyih cih.
Aning nynh aening kha mohnaw huhan kyate oun luesah zah a sungsahpaw a Ccapaw kya-e peenaw lungkhu lang oun teesah. Ccapaw liate seingaethyanaw athuapaw shawkhawnaw kha ah mue oh.
Khri kha chinaw kyate thoosah zah vaawlang khua kya a ranglang khe a haungsah lya, Pachia nynh tuh-e thungnaw khate Khri kya rya a law, Khri kha uknaw, kawhoinaw, thungnaw te peenaw kaw balyn kya ahanghua lante a haungsah, atu she kyalya thua leite yn thua cih paw she kyacia minphukuhpaw min miakaw kya ahanghua lante a nung.
Thuasalama aening kya-e ramccungccaw thuanaw tuh vaawlang khua kya nynh a um; tuin kyate yn thua lanpaw Khumtu, Bawipaw Jesu Khri kha ah ngaehoi oh. Pawpaw balyn kha amaw zakaw nung khonawpaw thungnaw liate, anyaapaw aening pyn hynh aphu-epaw amaw pyn alo lante oun rulae cih.
Pawccecize Khri tuh a chih hae paw kyate thoosah thua vae zah, bua chih vae lan khyh; chinaw nynh amaw kha uk vae khyh cipaw ah ny oh.
Tukeiccuze pynsaw rynaw kya um hae paw nynh tuh Pachia lungtung kho khyh hae.
Thuasalama nanning tuh pynsaw rynaw kya na um khyh oh; Pachia Muisaw tuh nae kya a um ccaccing ze, nanning tuh Muisaw kya nynh na um oh. Khri Muisaw a hoi leipaw tuh Khri te sekuh khyh.
Adam keiccu ccungccaw balyn a chi hae hawte, Khri liate ccungccaw balyn hiinsah athua cih hae. Thuasalama ccungccaw miakaw mawmaw ccyh kya thoosahthui athua cih hae; Khri tuh masaty athae nynh thua, tukoute Khri he yn thua te, Khri a ccungccaw hae tuh a thoothui cih hae. Tukoute laephi she athangnaw ccyh yn thua cih; Khri nynh uktu miakaw, kawhoitu hae te huhan hoitu miakaw kha a roh kou hae te, peenaw kha Paaw Pachia kalan a ap cih. Pawccecize Pachia nynh rhaw hae balyn kha a ccuphe kaw a nung kou hae cia, Khri nynh a uk cih.
"Peenaw kaw te rawrinaw tuh
Pachia kya a um;
a vaawram ahangpaw kya
daenaw kha a rae.