Educação das crianças
A educação cristã dos filhos é responsabilidade sagrada dos pais. A Bíblia ensina a instruir, disciplinar e modelar a fé desde a tenra idade, formando gerações que temem ao Senhor.
Instruir nos caminhos de Deus
Instrui a criança no caminho em que deve andar. A educação bíblica molda o caráter e estabelece fundamentos para a vida.
Imua nynh a zui lanpaw
laan dingpaw kha ccangpah lah,
he yn piccan te, tuin kyate
cceihsei vae lan khyh.
Imuapaw thinlung kyakhe
ngaeenaw tuh phang a um,
thuasalama thuiheinawpaw
ccungngue nynh
tuh-e ngaeenaw kha ccaring a dee.
Nungpaaw Thuiheinaw
Ccaaw hae, nae paaw
thuiheinaw kha ngae oh lah,
nythyanaw na hoi kho nawlan oh,
hoyte ngae oh;
Ruiban Hoy leipaw Raeringkunaw.
Ka ccaaw, na paaw thuiheinaw kha ngae lah,
na nung ccangpyanaw kha vua nan;
pawccecize tuh-e hae tuh na lu hanlan
apuithyapaw pungde athua cih zah,
na nging hanlan si alungmung athua cih.
Aning nynh hawnaw bya kha ho zah,
a lae nynh thawccinaw kong kha
a ccangpya.
Atunin kaw kae pyapaw hynh-e bya hae hynh na thinlung kya ccykekuh. Hynh-e bya hae hynh na ccaaw hae kya hopah bua hae lah, innvaw na um ze thuasah, laansaw lang na um ze thuasah, na ih ze thuasah, na thoku ze thuasah hynh-e bya hae kong hynh hopah hae.
Bawipaw na Pachia kha na thinlung balyn te, na tuanaw balyn te, na thawzung balyn te na sungsah cih. Atunin kaw kae pyapaw hynh-e bya hae hynh na thinlung kya ccykekuh. Hynh-e bya hae hynh na ccaaw hae kya hopah bua hae lah, innvaw na um ze thuasah, laansaw lang na um ze thuasah, na ih ze thuasah, na thoku ze thuasah hynh-e bya hae kong hynh hopah hae.
Hynh-e bya hae hynh na ccaaw hae kya hopah bua hae lah, innvaw na um ze thuasah, laansaw lang na um ze thuasah, na ih ze thuasah, na thoku ze thuasah hynh-e bya hae kong hynh hopah hae.
Bawipaw nynh kae kha, "Laephi vawlan ccungccaw hae nynh a hiin lungkhu hae balyn, kae kha yn rithya nawlan hae te mih ccaaw hae kha mah a ccangpya thya nawlan hae, minmin kha kamaw hanlan pum hae lah, ka bya kha ka thaesah cih hae," cite he yn hopah tuh, Bawipaw nae Pachia malang Horeb kya nanning nynh na thadyn oh;
Hynh-e ka bya hae hynh nae thinlung kya te nae tuanaw kya na nung cih oh, te nae kuih kyakhe muihsahnaw lante na khiidekuh cih oh zah nae terui kya syntawnaw lante na heedekuh cih oh. E bya hae hynh nae ccaaw hae kha ccangpah oh lah, innvaw na um oh ze thuasah, laansaw lang na um oh ze thuasah, na hueku oh ze thuasah, na thoku oh ze thuasah hynh-e bya hae kong hynh hopah oh. Nae inn thuakaw tung hae kya te nae koikua hae kya zei oh, tuhteze nynh Bawipaw nynh nae minpaaw hae pya lan bya a kinpyaku hae paw ram kya, vaawlui tuh laephi luki a um lungkhu balyn, nae hiinshe te nae ccaaw hae hiinshe tuh asae cih.
Disciplina e amor
A vara e a repreensão dão sabedoria. A disciplina é expressão de amor que protege e forma o caráter dos filhos.
Ccungngue te zianaw nynh thuasah,
bya te thuiheinaw nynh thuasah
hawnaw kha a pya,
thuasalama a rythyte umsahpaw
imua nynh tuh a nung kha
maethya a law.
Na ccaaw kha thuihei lah,
ngaengannaw ae pya cih;
na lung ae tuasah cih.
Ccungngue a mang leipaw tuh
a ccaaw a huapaw nynh thua,
thuasalama a ccaaw
a sungsahpaw tuh a ccaaw
a di lya maw te hoyte a thuihei.
Imua kha ccangpya leite um nan,
ccungngue te na bua ze,
chih lan khyh.
Imua kha ccungngue te na bua ze,
a hiinnaw kha michi khua kyate
na khumpaw nynh thua.
Ngaehoinaw a um lyakhe
na ccaaw hae kha thuihei hae;
a ro nawlan hae
ngaethyaumsah nan hae.
Thuiheinaw kha na ngaesang oh ze, Pachia nynh ccaaw hae hawte ae ccuepe cih oh; pawccecize paaw nynh a thuihei leipaw ccaaw a um zawtou?
Ccaaw hae, pawpaw kya balyn nae nung nae paaw hae kaw la ngae oh, pawccecize tuh-e tuh Bawipaw lungrypaw nynh thua. Paaw hae, nae ccaaw hae kha thinriasah nan oh, mih lung oun rohsei cih.
Paaw hae, nae ccaaw hae kha thinriasah nan oh, thuasalama Bawipaw kya-e ccangpyanaw te thuiheinaw khate minmin kha cciakhae thung oh.
Ensinar pelas Escrituras
Desde a infância conheces as sagradas letras. As Escrituras formam, equipam e capacitam para toda boa obra.
Na imua lya mawte Ccathyaa kha phe na ny vae, tuh-e Ccathyaa nynh Khri Jesu zynnaw liate khumnaw mue nawlan hawnaw kha ae pya kho.
Thuasalama nang tuh na ccangku vae paw te tynkaring lan na zyn vae paw kyakhe po la tyn, pawccecize hum kyate nynh na ccangku cipaw kha na ny. Na imua lya mawte Ccathyaa kha phe na ny vae, tuh-e Ccathyaa nynh Khri Jesu zynnaw liate khumnaw mue nawlan hawnaw kha ae pya kho.
Pachia Hoynaw te Israel hae Nythya leinaw
Pou ka ccungccaw hae,
ka ccangpyanaw hynh ngaetua oh;
ka hopaw bya kalan hin
nae nakaring kha oun tuaku tua oh.
Tousenaw phungpaw kha ka ho cih zah,
langmawlya e byakhupaw kha ka ho cih,
tuh-e tuh ah minpaaw hae nynh
aening oun hopya hae paw,
ah thae vae oh paw te
ah ny vae oh paw kha nynh thua.
Tuh-e bya hae tuh ah ccaaw hae kha
thuruhpya lei lan hae;
Bawipaw kya-e alesaepaw
ryalaw hae,
a thawzung te a la cyipaw
ngaeangnaw hae kha
yn thua cih paw she e
ccungccaw hae kya hopya lan hae.
tuh-e tuh ah minpaaw hae nynh
aening oun hopya hae paw,
ah thae vae oh paw te
ah ny vae oh paw kha nynh thua.
Tuh-e bya hae tuh ah ccaaw hae kha
thuruhpya lei lan hae;
Bawipaw kya-e alesaepaw
ryalaw hae,
a thawzung te a la cyipaw
ngaeangnaw hae kha
yn thua cih paw she e
ccungccaw hae kya hopya lan hae.
Tuh-e bya hae tuh ah ccaaw hae kha
thuruhpya lei lan hae;
Bawipaw kya-e alesaepaw
ryalaw hae,
a thawzung te a la cyipaw
ngaeangnaw hae kha
yn thua cih paw she e
ccungccaw hae kya hopya lan hae.
Jakob ciihan kya
phunglang kha tynsah zah,
Israel hae kya upadi kha a nung,
tuh-e tuh mih ccaaw hae kya
ccangpya khylan ah minpaaw hae kha
kaw a la pya hae paw nynh thua.
Tuhcite a pui loh lei hae paw
malang she e mih ccaaw hae nynh
a nyhbua cih hae, minmin tuh
oun lethung cih hae zah,
mih ccaaw hae kha
a hopah pathy cih hae,
tuhteze nynh Pachia kha
a ngaehoikuh cih hae zah,
Pachia ryalaw kha ning leite
a kawbya kha a zui cih hae.
Bawipaw a hoynaw kha
taangtua oh lah, nytua oh;
amaw kya a rekuh hae paw tuh
lungtuapaw nynh thua hae.
Pou a mithyaa hae nanning,
Bawipaw kha rih oh,
pawccecize amaw a rih hae paw tuh
hobounaw hoi khyh hae.
Chindeih ano hae paw tuh
hobounaw hoi hae zah mih vuelaw,
thuasalama Bawipaw a ccung hae paw tuh
uccaw hoypaw pawpaw mah
hobou khyh hae.
Pou imua hae, rang oh lah,
ka bya hynh ngaetua oh;
Bawipaw rawrinaw kha
kae ccangpah cih oh.
Pou imua hae, rang oh lah,
ka bya hynh ngaetua oh;
Bawipaw rawrinaw kha
kae ccangpah cih oh.
Ccaaw hae tuh Bawipaw kyate
ccoupaw rho ccaccing thua hae zah,
lasung nynh thua hae.
Bênção e promessa
Os filhos são herança do Senhor. A educação cristã é investimento eterno que produz frutos em todas as gerações.
Thuasalama Jesu nynh, "Imua hae kha ka kalan oun cceih hae sah, khee nan oh; pawccecize vaawlang peenaw tuh hynhcihawpaw ccungccaw hae elang nynh thua," a ci.
Bawipaw na Pachia nynh ae pyapaw ram kya na hiinshe a sae nawlan, na nung te na paaw kha sawtua hae.
Pawccecize tui ahawpaw ram kha
tui ka bu cih zah,
aroupaw laephi kyakhe
vaw ka luasah cih;
na ciihan hae tungvaw kya
ka muisaw kha ka bu cih zah,
na ccaaw na no hae tungvaw kya
ka hythuanaw kha ka bu cih.
Atunin kae nynh
kae thehoysah hawte
ahiin hae paw,
ahiin hae paw rou nynh
ae thehoysah cih hae;
paaw hae nynh ccaaw hae kya
na lungzinaw kha a nysah cih hae.
Na ccaaw hae balyn kha Bawipaw nynh
a ccangpah cih hae zah,
na ccaaw hae tuh myarya a hoirum cih hae.