10 Ma dara tut, bo me som tuha;

ma predara, bo me som tiro Del,

dava tut zor a pomožinava tuke;

podhazdava tut mire spravodľive čače vasteha.

2 Te džaha prekal o paňa, avava tuha,

a te prekal o prudengre paňa,

na začhivena tut.

Te džaha prekal e jag,

na labareha tut a o plameňa pes tutar na chudena.

4 Vašoda, hoj sal mange vzacno

a hin tut bari cena andre mire jakha a me tut kamav,

dava vaš tuke le manušen

a le naroden vaš tiro dživipen.

5 Ma dara tut, bo me som tuha!

Anava tire čhaven pal o vichodos

a skidava tut pal o zapados.

4 Ma dara tut, bo na aveha pre ladž,

ma ladža tut, bo na aveha teledikhľi.

Bo bistereha pre odi ladž,

savi tut sas, sar salas terňi,

a imar tuke na lepereha pre oda,

sar tutar asanas akor, sar ačhiľal vdova.

1 „Diňom man te arakhel olenge, ko man na rodenas,

sikaďom man olenge, ko pal ma na phučenas.

Ole narodoske, so ke ma na vičinelas,

phenďom: ‚Kade som, kade som.‘

31 Ale ola, ko užaren pro RAJ,

chuden e nevi zor,

ľecinen sar orli le kridlenca;

denašen a nane strapimen,

phiren a šoha na slabisaľon.

8 Paľis šunďom o hangos le RAJESKRO, savo mange phenďa: „Kas bičhavava? Ko džala vaš amenge?"

A me phenďom: „Dikh, kade som, bičhav man!"

9 Či tuke na phenďom, hoj te aves zoralo the odvažno? Ma dara a ma podde tut! Bo o RAJ, tiro Del, ela tuha všadzik, kaj ča džaha."

9 Či tuke na phenďom, hoj te aves zoralo the odvažno? Ma dara a ma podde tut! Bo o RAJ, tiro Del, ela tuha všadzik, kaj ča džaha."

16 O manuša odphende: „Aňi amenge pre goďi te na avel, hoj te omukas le RAJES a te služinas avre devlenge! 17 O RAJ hino amaro Del. Ov iľa amen the amare daden avri andral o Egipt, andral o otroctvos. Kerďa bare zazraki angle amare jakha a chraňinelas amen pro drom, pal savo džahas, the angle savore narodi, prekal save predžahas.

6 Aven zorale, ma daran tumen lendar a ma izdran, bo o RAJ, tumaro Del, korkoro džal tumenca. Na omukela tumen a na džala tumendar het."

8 O RAJ korkoro džala anglal tu a ela tuha. Na omukela tut a na džala tutar het. Ma dara tut aňi ma izdra."

31 Akor so pre oda šaj phenas? Te hin o Del amenca, ko pre amende šaj avel?

15 Se priiľan le Duchos, so tumendar na kerel otroken, hoj pale te dživen andre dar, ale priiľan le Duchos, so tumendar kerel čhaven. Andre leste šaj vičinas: „Abba, Dado!"

2 Sako amendar mi el pre dzeka avreske pre leskro lačho, hoj les te budinel andro pačaben.

5 A o Del, savestar avel e trpezľivosť the o radišagos, mi del tumenge te gondoľinel maškar peste pre oda jekh, hoj te keras avke, sar kerelas o Ježiš Kristus,

11 Bo igen tumen kamav te dikhel, hoj tumen te dav varesavo duchovno daros, hoj te zoraľon. 12 Kamav te phenel, hoj sodujdžene jekhvareste te zoraľuvas: Tumen mire pačabnastar a me tumare.

13 Savoro birinav andro Kristus, bo ov man del zor.

6 Vašoda pačav, hoj o Del dokerela e lačhi buči, so andre tumende chudňa te kerel, dži andre oda džives, sar o Ježiš Kristus avela pale.

17 Vašoda te hin vareko andro Kristus, hino nevo manuš. O purane veci našľile, dikh, savoro hin nevo!

16 Vašoda amen na slabisaľuvas, ale kajte amaro avruno manuš merel, o andruno manuš hino neveder džives so džives.

17 Bo kala loke pharipena, so akana predžas, na ľikerena but a anena amenge igen baro barvaľipen – e večno slava.

7 Ale kada barvaľipen hin andre amende andro čikakre kuča, hoj te dičhol, hoj odi bari zor hin le Devlestar a na amendar. 8 Pal savore seri pre amende avel o pharipen, ale šoha na sam ispidle andro kutos; varekana na džanas, so te kerel, ale šoha pes na poddas; 9 džan pre amende, ale na sam omukle; sam čhide tele, ale na sam zňičimen. 10 Furt las pre peskro ťelos le Ježišoskro meriben, hoj o dživipen le Ježišoskro te dičhol pre amaro ťelos. 11 Bo amen, ko dživas, sam furt dine pro meriben vaš o Ježiš, hoj pes the o dživipen le Ježišoskro te sikavel pre amaro meribnaskro ťelos.

11 Amen džanas, s’oda hin te daral pes le Devlestar, a vašoda prevakeras le manušen. O Del amen prindžarel a pačav, hoj the tumen amen prindžaren andre tumare jile. 12 Bo amen pes na kamas pale kaleha te lašarel, ale das tumen vareso, soha tumen šaj lašaren amenca. Hoj te džanen so te phenel olenge, ko pes lašaren le avruneha, so dičhol, a na oleha, so hin andro jilo. 13 Te samas bi e goďi, oda sas prekal o Del. Te samas paš e sasťi goďi, oda sas prekal tumende. 14 Bo o kamiben le Kristoskro amen ispidel, bo amen achaľiľam, hoj te jekh dženo muľa vaš savore, ta akor savore mule. 15 A vašoda muľa vaš savore, hoj ola, ko dživen, te na dživen buter peske, ale oleske, ko vaš lenge muľa a sas uštado andral o meriben.

16 Akanastar imar na prindžaras ňikas avke, sar oda dikhen o manuša, bo kajte avke le Kristus varekana prindžarahas, akanastar les imar avke na prindžaras. 17 Vašoda te hin vareko andro Kristus, hino nevo manuš. O purane veci našľile, dikh, savoro hin nevo! 18 Kada savoro hin le Devlestar, savo amen zmjerinďa korkoro peha prekal o Kristus a diňa the amen e služba, savi anel o zmjereňje. 19 Bo o Del andro Kristus anďa o zmjereňje maškar peste the maškar o svetos. Na rachinelas imar le manušenge lengre bini a diňa amenge o lav, so anel o zmjereňje. 20 Sam bičhade te vakerel vaš o Kristus, sar te o Del tumenge dovakerďahas prekal amende. Vaš o Kristus tumen mangas: Zmjerinen tumen le Devleha! 21 Bo o Del thoďa pre oda, ko na prindžarelas o binos, savore amare bini, hoj andro Kristus amen te avas čačipnaskre anglo Del.

12 Te kamen te del, le Devleske na džal pal oda, či tumen hin abo nane, ale pal oda, keci den olestar, so tumen hin.

3 Paľikeras le Devleske, savo hino Dad amare Rajeskro le Ježišoskro Kristoskro. Ov hino lačhejileskro Dad the o Del, kastar avel savoro radišagos. 4 Ov amen del o radišagos andre savore amare pharipena. Avke paľis the amen šaj das ole radišagostar, so chudňam le Devlestar, avre manušen andre lengre pharipena.

33 Kada tumenge vakeravas vašoda, hoj tumen te avel andre mande smirom. Andro svetos tumen ela pharipen. Ale aven zorale! Me zviťazinďom upral o svetos."

33 Kada tumenge vakeravas vašoda, hoj tumen te avel andre mande smirom. Andro svetos tumen ela pharipen. Ale aven zorale! Me zviťazinďom upral o svetos."

27 O smirom tumenge mukav; miro smirom tumenge dav. Ale me les tumenge na dav avke sar kada svetos. Tumare jile pes te na trapinen aňi te na predaran!

27 O smirom tumenge mukav; miro smirom tumenge dav. Ale me les tumenge na dav avke sar kada svetos. Tumare jile pes te na trapinen aňi te na predaran!

18 Andro kamiben nane dar, bo o kamiben, so hino dokonalo, tradel avri e dar. Ko pes daral, daral pes le trestostar, vašoda nane dokonalo andro kamiben.

28 Aven ke mande savore, so san strapimen a na birinen! Me tumenge dava te odpočovinel.

28 Ma daran tumen olendar, ko murdaren o ťelos, ale našťi murdaren e duša. Ale sigeder daran Olestar, ko šaj zňičinel the e duša the o ťelos andro peklos.

22 Leskre vušta džan šukares sar čhil,

ale andro jilo les hin o mariben.

Leskre lava hine jemneder sar olejos,

ale hine ostra sar o avricirdle šabľi.

4 Kajte geľomas la dolinaha prekal o baro kaľipen,

na darava man le nalačhipnastar,

bo tu sal manca;

tiro prutos the tiri paca man ochraňinen.

4 Kajte geľomas la dolinaha prekal o baro kaľipen,

na darava man le nalačhipnastar,

bo tu sal manca;

tiro prutos the tiri paca man ochraňinen.

1 Le Davidoskro žalmos.

O RAJ hino miro švetlos the miro spaseňje.

Kastar man darava?

O RAJ ochraňinel miro dživipen.

Kastar izdrava?

14 Užar pro RAJ!

Av zoralo! Ľiker o pačaben andro jilo.

Užar pro RAJ!

24 Kamen le RAJES, savore leskre pačivale manušale!

O RAJ chraňinel olen, ko džan čačes pal leste,

no le barikanenge visarel pale avke, sar peske zaslužinen.

8 Ľidžava tut a sikavava tuke o drom, khatar te džal,

dava tut goďi a dodikhava pre tu mire jakhenca.

1 Oleske, ko ľidžal o bašaviben. E giľi prekal o učo hangos.

2 O Del hin amari ochrana the zor;

e pomoca, pre savi pes šaj mukas andro pharipen.

3 Vašoda pes na daraha,

kajte pes e phuv čhalavela;

kajte o verchi perena maškar o moros;

3 Calo džives pal ma phiren mire ňeprijaťeľa;

but hine ola, ko pes manca maren, ó Nekbareder Devla.

4 Sar man darav, mukav man pre tute.

17 O lačhipen le Rajeskro, amare Devleskro, mi el upral amende!

Požehňin e buči amare vastengri,

he, požehňin e buči amare vastengri!

1 E giľi pro drom upre andro Jeruzalem.

Mire jakhenca dikhav upre pro verchi.

Khatar avela miri pomoca?

2 Miri pomoca avel le RAJESTAR,

savo stvorinďa o ňebos the e phuv.

8 Me džanav, hoj o RAJ hino furt paš mande.

Ov hino paš miro čačo vast, ňič manca na čhalavela.

9 Ov sudzinela o svetos čačipnaha;

le naroden sudzinela pal o pravos.

10 Andro RAJ pes šaj garuven ola, ko cerpinen;

ov hin o than pro garuďipen andro pharipen.

7 Savore tumare pharipena čhiven pre leste, bo ov pes pal tumende starinel.

6 Radisaľon olestar, kajte mek akana pro sikra mušinen te predžal le pharipnaha prekal o všelijaka skuški.

13 A ko tumenge ubľižinela, te igen kamena te kerel o lačhipen? 14 Ale kajte cerpinďanas vaš o čačipen, bachtale san. A ma daran tumen lendar, aňi ma predaran.

11 Vašoda tumen zoraľaren a podhazden jekh avres, avke sar oda the keren.

11 Vašoda tumen zoraľaren a podhazden jekh avres, avke sar oda the keren.

24 Starinas pes jekh pal aver, hoj jekh avres te povzbudzinas andro kamiben the lačhe skutki. 25 Na omukas amari khangeri, avke sar peske oda vareko sikľiľa te kerel, ale zoraľaren jekh avres buter a buter, se dikhen, hoj oda Džives le Rajeskro hino pašeder.

5 Ma dživen avke, hoj tumen te zakamen andro love, a aven spokojna oleha, so tumen hin, bo o Del phenďa:

„Na mukava tut

aňi tut na omukava."

6 Vašoda bi e dar šaj phenas:

„O Raj mange pomožinel

a na darava man.

So man šaj kerel o manuš?"

58 A avke, mire lačhe phralale, aven zorale! Ma den tumenca te čhalavel! A ma preačhen te barol andre buči le Rajeskri! Se tumen džanen, hoj tumari buči andro Raj nane zbitočno.

13 Aven upre a ma zasoven! Ačhen zoraha andro pačaben! Aven odvažna a aven zorale!

13 Aven upre a ma zasoven! Ačhen zoraha andro pačaben! Aven odvažna a aven zorale!

7 Bo o Del amen na diňa darandutno duchos, ale Duchos, savo amen del zor, kamiben the sasťi goďi.

20 Muk tut andre buči a ma dara! Ma dara tut a ma izdra, bo o RAJ o Del, miro Del, ela tuha. Na omukela tut a na odvisarela pes tutar, medik na dokereha savore buča pro Chramos, andre savo paľis le RAJESKE služinena.

17 O RAJ, tiro Del, hino tuha,

o zoralo hrďinas, savo zachraňinel.

Thovel andre tu baro baripen,

peskre kamibnaha tut del o nevo dživipen,

andro radišagos upral tute giľavela zorales."

11 Bo me džanav, save plani man hin tumenca," phenel o RAJ, „mire plani tumenca hine lačhe a nane nalačhe. Kamav tumen te del e lačhi buducnosť the e naďej.

23 Dojekha phara bučatar tut ela chasna,

ale te ča vakeres a ňič na keres, ačheha čoro.

17 O Ježiš lenge phenďa: „Aven pal mande a me tumendar kerava ribaren, so chudena le manušen." 18 On takoj omukle o siti a gele pal leste.

2 O Del prevakerďa ko Izrael rači andro viďeňje: „Jakob! Jakob!"

„Kade som!" ov odphenďa.

11 O aňjelos le Devleskro ke ma andro suno prevakerďa: ‚Jakob!‘ Me leske odphenďom: ‚Kade som!‘

11 Akor andral o ňebos pre leste vičinďa o aňjelos le RAJESKRO: „Abraham, Abraham!"

„Kade som," odphenďa o Abraham.

4 Sar o RAJ dikhľa, hoj o Mojžiš džal te dikhel pre oda, prevakerďa ke leste andral o krakos: „Mojžiš, Mojžiš!"

Ov odphenďa: „Kade som."

16 ale o Eli zvičinďa pro Samuel: „Samuel, čhavo miro!"

„Kade som," ov odphenďa.

10 Andro Damašek sas varesavo učeňikos, savo pes vičinelas Ananijaš. Leske phenďa o Raj andro viďeňje: „Ananijaš!"

„Kade som, Rajeja," odphenďa.

38 „Me som le Rajeskri služobňička," phenďa e Maria. „Mi ačhel pes mange pal tire lava." A o aňjelos latar odgeľa.

6 Či na bikenen pandže čirikloren vaš o duj haľera? A o Del aňi pre jekh lendar na bisterel. 7 Ale tumenge hin zgende mek the savore bala pro šero. Avke ma daran tumen! Tumen san vzacneder sar but čiriklore.