10 Tani nenara diza gishshas yayyofa;

tani ne Xoossa gidida gishshas

dagammofa.

Tani nena

minththananne maaddana.

Ta xilloteththa ushachcha kushen

zemppisa oykkana.

2 Neni haaththa giddora pinniza wode,

tani nenara gidana.

Neni pinnishin

shaafay nena mittenna;

neni tama giddora bishin

nena xuuggenna;

tama lacoykka nena meenna.

4 Neni ta sinththan al7onne

bonchcho gidida gishshas,

tani nena siiqiza gishshas,

asaa ne gishshas,

kawoteththata

ne shemppo gishshas

laame immana.

5 «Tani nenara diza gishshas yayyofa;

tani ne nayta arshey

mokkiza baggafe ehana;

nena arshey wulliza

baggafe shiishshana.

4 «Aykkoy baa babbofa;

ne yeellatakka;

hirgofa; ne kawuyaka;

ne yelagateththa yeellaa

neni dogana;

ne am7eteththaa borokka

hayssafe sinththan hassa7akka.

1 GODAY, «Tana woossonttaytas

ta qonccadis;

tana koyonttaytas beettadis.

Ta sunththaa xeygontta

kawoteththas,

‹Yee! Yee!› ga koyadis.✝

31 Gido attiin GODAA

hidota ooththizayti

bantta wolqqa ooraxisseettes;

istti golle mala piradhdhana;

istti daaburontta woxxana;

istti baana; argacettenna.

8 Hessafe guye GODAY, «Oona kiittoo? Nuus oonee kiitettanay?» gishin siyadis. Tanikka zaarada, «Hekko, tana kiita» gadis.

9 Neni bizason ubbaan GODAA ne Xoossay nenara diza gishshas aykkoy baa, minna, yayyofa, dagammofa gaada ta nena azazabeekkinaa!» gides.

9 Neni bizason ubbaan GODAA ne Xoossay nenara diza gishshas aykkoy baa, minna, yayyofa, dagammofa gaada ta nena azazabeekkinaa!» gides.

16 Histtiin asay zaaridi, «GODAA aggidi hara eeqa xoossatas goynoy nuuppe haakko! 17 Gibxe aylleteththa biittafe, nunanne nu aawata kessidi ehiday, he gita malaatata nu sinththan ooththiday, nu biza oge ubbaaninne nu kanththida kawoteththata ubbaa giddon nuna naagiday GODAA nu Xoossaa.

6 Inttes murttateththinne xalateththi de7o; isttas mulekka babboftenne dagammofte; GODAA intte Xoossay inttenara dees; izi inttena yeggi aggenna» gides.

8 GODAY nenara gididi izi nena kaaleththana; izi nena yeggenna; mulekka aggenna; hessa gishshas babbofa; hidotakka qanxxofa» gides.✝

31 Histtiin hessa nu ay giinoo? Xoossi nunara gidikko nunara eqettanaas dandayzay oonee?

15 Intte ekkida Ayanay zaaridi inttena aylleteththan haariza ayana gidontta «Nu Aawawu» gi xeygisiza naateteththa Ayana ekkideta.✝

2 Nuni wurikka hara asi ba ammanon minnana mala iza go7izaazinne ufayssiza miish ane ooththoos.

5 Minoteththinne dandaya immiza Xoossi intte Yesus Kirstoosa kaallishin inttes intte giddon Ayana issifeteth immo.

11 Intte minnana mala maaddiza Ayana imota ta intte gishshassinne inttena ayfera beyanaas laamotays. 12 Hessika intteninne tani issoy issaara ammanon minettanaassa.

13 Taas wolqqa immiza Kirstoosan tani ubba miish ooththanaas dandayays.

6 Inttenan lo7o ooso doommidayssi izi Yesus Kirstoosi wurseththa pirdas yaana gakkanaas inttena dandayssanayssa ta ammanays.

17 Hessa gishshas oonikka Kirstoosa bagga gidikko izi ooraththa medheteththa; kase ceega medheteththi aadhdhides; izi kichchoosan hara ooraththa medheteththi gelides.

16 Hessa gishshas nu hidota qanxxoko; nuus kare bagga asateththay dhayi dhayi biikkoka nuus gaaththa bagga asateththay gallas gallas ooraxi ooraxi bees.

17 Hessas ha7i guuththa wodes nuna gakkiza waayey izara giiganaas dandayontta mernaas gidiza bonchchon nuna gaththana.

7 Gido attiin hayssi gita wolqqay nuus Xoossafe imettides attiin nuuppe gidonttayssa bessana mala hayssi bonchcho miishshay nunan oto misatizayta giddon dees. 8 Awa baggarakka nuna sugikkoka nuni tinth gi meqqoko; nuus yo7oy tippi giikkoka hidota qanxxoko. 9 Nu goodettikkoka wora wodhdhi attoko; istti nuna shoci genderisikokka nu dhayokko. 10 Yesusa de7oy nu asateththaan qonccana mala nuni iza hayqo ubba wode tookki yuuyoos. 11 Yesusa de7oy hayqqiza nu asateththaan qonccana mala paxa diza nuni ubba wodekka Yesusa gishshas hayqos aadhdhi imettoos.

11 Hessa gishshas Godaas yashsha guussi ay guussakonne nu eriza gishshas asay nu yootizayssa ero gi ekkana mala ooththanaas daaburoos; nuni oonanttako Xoossa achchan qoncce; qasseka intte wozinankka qoncce gididayssa ta ammanays. 12 Ta hessa gizay nuna intte sinththan galatanaas gidontta dishin intte nunan ceeqettana mala attiin wozinappe gidontta ayfen beettiza miishshan ceeqettizaytas intte zaaro immanaas dandayana mala gaada gays.

13 Nu goosh gidikko Xoossa gishshas giidi gooyidos; erata gidikkoka inttes giidikko! 14 Kirstoosi ubbaas issito hayqqoyssanne haray wurikka izara issife hayqqidayssa nu erida gishshas Kirstoosa siiqoy nuna wolqqara oosisees. 15 Shemppora paxa dizayti wurikka he hayqqidayssassinne hayqoppe dendidayssas daana malappe attiin hayssafe guye istti baas dontta mala Kirstoosi ubbaas hayqqides.

16 Hessa gishshas hayssafe guye nuni ay asikka asho ayfen xeelloko; nuni hayssafe kase Kirstoosa asho ayfen xeellidaa gidikkoka hayssafe guye hessaththo xeelloko. 17 Hessa gishshas oonikka Kirstoosa bagga gidikko izi ooraththa medheteththa; kase ceega medheteththi aadhdhides; izi kichchoosan hara ooraththa medheteththi gelides. 18 Hessi wuri haniday izi nuna banara Kirstoosa baggara maqayinththidinne maqayinththo ooso nuus immida Xoossanna. 19 Hessika Xoossi Kirstoosa baggara hankko alame asaa wursika banara maqayinththides guussa; istta qohozakka qoodibeenna; nuni as Godaara maqayinththana qaala nuuska immides.

20 Xoossi nu baggara as xeygiza gishshas nuni qasse Kirstoosa ogaththata; hessa gishshas, «Intte Xoossara maqaynnite!» giidi nu inttena Kirstoosa sunththan woossoos. 21 Nuni Kirstoosa baggara Xoossa xilloteth gishetti ekkizayta gidana mala Xoossi iza bolla nagaray baynda Kirstoosa izi nu nagara tookkana mala ooththides.

12 Asi immanaas wozinappe koykko izaadey kiyateththan immizayssi ekettizay asi baas dizaari mala immiko attiin baas bayndayssafe immishin gidenna.

3 Maariza Aawassinne wursika minththeththiza nu Godaa Yesus Kirstoosa Aawaa Xoossaas galatay gido. 4 Nunikka nu baggara Xoossafe demmida minoteththan metotetizayta minththeththanaas dandayana mala nu meton izi nuna minththeththees.

33 Ta hayssa inttes yootizay intte tanan de7iin inttes saroteththi daana mala gaada yootays. Intte ha alamen dishin inttes waayey dees; gido attiin aykkoy baa; ta alame xoonadis» gides.

33 Ta hayssa inttes yootizay intte tanan de7iin inttes saroteththi daana mala gaada yootays. Intte ha alamen dishin inttes waayey dees; gido attiin aykkoy baa; ta alame xoonadis» gides.

27 «Ta inttes saroteth aggada bays; ta saroteththika ta inttes immana; ta inttes immiza saroteththi alamey immiza saroteththa mala deenna; intte wozinay hirgofonne babbofo.

27 «Ta inttes saroteth aggada bays; ta saroteththika ta inttes immana; ta inttes immiza saroteththi alamey immiza saroteththa mala deenna; intte wozinay hirgofonne babbofo.

18 Siiqo giddon baboy baa; tumu siiqoy gidikko babo kessi wora yeggees; baboy qixaatera issife oyketti dees; babbizaade siiqoy kumeth gidenna.

28 «Toohoy deexxidaytoo, daaburdaytoo, intte wurikka taakko haa yiite; tanikka inttes shempo immana.

28 Asho wodhikkofe attiin shempo wodhanaas dandayonttaytas babbofte; hessafe ashonne shempo gaththi Gaanname taman dhayssanaas dandayzayssas babbite.

22 Ne meto GODAA bolla woththa;

izi nena minththi naagana;

izi xilloti

kundana mala ooththenna.

4 Neni ta GODAY tanara diza gishshas

tani girdi gida

dhuma shoobba giddora biikkoka

iita miishshas babbike.

Ne guufeynne gatumay

tana minththeththees.

4 Neni ta GODAY tanara diza gishshas

tani girdi gida

dhuma shoobba giddora biikkoka

iita miishshas babbike.

Ne guufeynne gatumay

tana minththeththees.

1 GODAY taas poo7onne

tana ashshizayssa;

histtiin tani oonas yayyanee?

GODAY ta shemppoys

attiza miixa;

histtiin tani oonas babbanee?

14 GODAAN ammanetta;

minna, hidota qanxxofa,

GODAAN ammanetta.

24 Intte hidota

GODAAN ooththidaytoo!

Beeggitenne minnite.

8 GODAY, «Tani nena tamaarsana;

neni baanaas bessiza ogekka

nena erisana;

tani nena zorananne naagana.

1 Xoossi nuni shiiqi attizasonne

nuus wolqqa;

nuna metoy gakkiza wode

maaddanaas izi ubbato

matan dees.

2 Hessa gishshas biittay qaaxxiko,

zumatikka duge abban gelikko

nuni yayyoko.

3 Abba dambalaykka

guummidi hoomotikko,

iza wolqqama hanon

zumati kokkorkkoka

nuni dagammoko.

3 Tana babisiza wode

ta nenan ammanettays.

4 Tani Xoossan

ammanettiza gishshas babbike;

izi immida hidota qaala

gishshassika

iza galatays;

ta Xoossan ammanettays;

asi tana ay ooththanee?

17 Abeet GODAWU! Nu Xoossawu!

Ne kiyateththi nunara gido;

nu ooththiza ubbaa

nuus injjesa; ero!

Nu ooththiza ubbaa nuus injjesa.

1 Tani, «Maadoy taas

awappe yaandeeshaa?» gaada

ta ayfeta

pude zumatakko denththadis.

2 Taas maadoy salonne

sa7a medhdhida

GODAAPPE yees.

8 Tani ubbato GODAA sinththasays;

izi ta ushachchan diza gishshas

tani kokkorikke.

9 GODAY un7ettidaytas

baqati attizaso;

meto wodetankka

qotetti attizaso.

10 Ne sunththa erizayti

nenan ammanetteettes;

ays giikko GODAWU!

Neni nena koyzayta

yegga aggabeekka.

7 Izi inttes qoppiza gishshas inttena metiza qofaa wursi iza bolla yeggite.

6 Ha7i guuththa wodes dumma dumma paacetti inttena waayisikkoka intte hessan ufayettite.

13 Intte lo7o ooththanaas minettiko intte bolla iita miish gaththanay oonee? 14 Intte lo7o ooththida gishshas waaye be7ikkoka intte anjjo ekkana; asay intte bolla iita ooththanaas mandettizayssas babboftenne daro qoppofte.✝

11 Hessa gishshas tumappe intte ha7i ooththizayssa malakka issoy issaara minettitenne minththeththite.

11 Hessa gishshas tumappe intte ha7i ooththizayssa malakka issoy issaara minettitenne minththeththite.

24 Siiqoninne lo7o ooson nu minni daana mala ane issoy issaa qofsoos. 25 Ane nu ubba gallas issoy issaara gakki gakki issoy issaa minththeththoos attiin issi issi asati shiiqo aggida mala ane nuni shiiqoza aggoko; harappeka Godaa Yesusi matattidayssa qoppishe kaseppe minni shiiqite.

5 Miishsha siiqoppe naagettite; inttes dizayssi gidana; hessas gaasoykka Xoossi, «Ta inttena mulekka aggikenne yeggike» gides.✝ 6 Hessa gishshas kumeththa wozinappe nuni, «Goday taas maado; ta babbike; tana asi ay ooththana dandayzee?» goos.✝

58 Hessa gishshas ta siiqo ishatoo! Minni eqqite; ay miishshankka yark yarkofte; Godaa oosos intte daaburza daabursay hada gidonttayssa eridi ubba wode pacey baynda Godaas ooththanaas minettite.

13 Beeggite! Ammanon minni eqqite; minnite; goobite.

13 Beeggite! Ammanon minni eqqite; minnite; goobite.

7 Xoossi nuus nuni nu hu7e haaranaas Xoossa wolqqa eranaassinne siiqettana Ayana immides attiin babo ayana immibeenna.

20 Hayssafe guye Dawiti ba naa Solomoone, «Aykkoy baawa minna! Oosoza doomma! GODAA ta Xoossay nenara diza gishshas yayyofa; hidotakka qanxxofa! Xoossa Keeththa oosoy polettana gakkanaas Xoossay nena yeggennanne aggenna.

17 GODAA ne Xoossay nenara dees;

izi ashshiza mino olanchcha.

Izi nenan daro ufayettees;

izi ba siiqon nena woppisana;

ne yeththan izi bonchchettidi

ufayettana› gaana.

11 Ta inttes halchchida halchcho erays; he halchchozas poloy lo7onne hidota immizaaza, inttena go7izaaza attiin qohizaaz gidenna.

23 Minni ooson ubbaan wodhey dees;

hada yo7oy gidikko manqisees.

17 Yesusi istta, «Haa yiite! Tana kaallite; intte mole oykki shiishshiza mala ta inttena as oykkizayta ooththana» gides. 18 Istti heerakka mole giteza yeggi aggidi Yesusa kaallida.

2 Xoossi omars agumora iza, «Yaaqoobe, Yaaqoobe» gi xeygiin

izi, «Yee!» gi koyides.

11 Xoossa kiitanchchay agumon tana, ‹Yaaqoobee!› gi xeygiin tani, ‹Yee!› gaada koyadis.

11 Gido attiin GODAA kiitanchchay saloppe iza, «Abrahaamee! Abrahaamee!» gi xeygiin izi, «Yee!» gi koyiin,

4 Izi beyanaas gede bishin Xoossi be7idi woraa giddon dishe iza, «Musee! Musee!» gi xeygides. Museykka, «Yee!» gi koyides.

16 Gido attiin Eeley Sameela, «Ta naazoo Sameela!» gi xeygides. Sameelikka, «Yee» gi koyides.

10 Damasqon issi Hanaaniya geetettiza ammanizaadey dees; izas Goday ajjuutan, «Hanaaniya» giidi xeygides; izikka, «Yee Godoo!» gides.

38 Maaramakka zaarada, «Hekko tani Xoossa aylle diikkinaa; ne gida mala taas hano» giin kiitanchchay izippe shaakettidi bides. Maarama Elsabeexo beyana badus.

6 «Siine kafo ichchashati nam7u santes bayzetteettes; gido attiin isttafe issineyokka Xoossi dogenna. 7 Intte hu7e binanay kumeth taybon dees; hessa gishshas babbofte; daro Siine kafotappe intte aadhdheeta.