9 Apfi si nene baye yanikulaghitse? Ughangamale na uleke kutenyuka. Uleke kupfuka wala kuya kuchughu, kwaapfila IMNDEWA, Imulungu kahamwe naghwe kwokwose kwaughenda."

9 Apfi si nene baye yanikulaghitse? Ughangamale na uleke kutenyuka. Uleke kupfuka wala kuya kuchughu, kwaapfila IMNDEWA, Imulungu kahamwe naghwe kwokwose kwaughenda."

16 Baho iwanu wamwidika, "Ng’atutsomleka baye IMNDEWA wetu na kuisang’anila milungu ingi! 17 Kwaapfila IMNDEWA, Imulungu wetu yuyo iyatulapfile twetwe na iwahenga wetu Misiri, kulawa mna isi ya utumwa, twona kwa tsinenge tsetu ipfinu pfa kukangawatsa pfayatendile. Katukinga mnzila mwose mwatwang’ile na mna isi tsa iwanu mwatubitile.

6 Msindamale na muwe na ngupfu, mleke kuwapfuka, kwaapfila IMNDEWA, Imulungu wenu koghenda hamwe namwe, ng’atsoleka baye kumwapfilani wala kuwaleka mkale mliyeka."

8 Imulungu mwenyegho katsokulongolela na kuwa hamwe naghwe, ng’atsoleka baye kukwapfila wala kukuleka uliyeka. Uleke kupfuka wala kutenyuka ghumoyo."

31 Kuya lelo tulonge choni mna ghano ghose? Ka Imulungu ka lubali lwetu, yuhi iyodaha kutubelela?

15 Kwaapfila ng’ambokele bae Ghumuhe iyowatenda muwe watumwa keli wa kupfuka, lekeni mbokela Ghumuhe iyowatenda muwe iwana wa Imulungu. Apfo twokemelela, "Aba, Aba!"

2 Chila imunu yamnoghelese miyaghe kwa ighanoghile, ili yamtsenge.

5 Imulungu yane ukududumila na iyoghuma ghumoyo yamwing’eni muhe wa kuwa chinu chimwe kwa kuwinza ghayatendile Yesu Kiristu,

11 Kwaapfila tsanisulukila ghendo kumwonani na kwihangila namwe balaka tsayomwing’ani Ghumuhe Mwenzeluka ili kuwatenda mkomale. 12 Chanilonga hano, wose twikanze, mwemwe mnitoghole nene na nene nimtogholeni mwemwe.

13 Noghadaha ghose kubitila Kiristu iyongaya tsingupfu.

6 Nene nomanya ghendo ka Imulungu iyandusile isang’ano ino inoghile mghati mwenu, katsoighendeletsa mbaka haitsotimila mne litsuwa lila hayatsakuya Kiristu Yesu.

17 Apfo, imunu ang’awa mghati mwa Kiristu, ayo ka chilumbe cha sambi, ghumwande ghahupa, ghawa gha sambi.

16 Apfo ng’atukuya kuchughu bae, hata ka ng’uli tsetu tsolala, lekeni mghati muhe tsetu tsotendighwa tsa sambi chila litsuwa.

17 Kwaapfila ghamaghayo ghatughaya mabewe na ghokala chidogho, lekeni ghatsotwing’a utunitso wa ghamatsuwa ghose iukongetseka ng’ani.

7 Lekeni twetwe ituli na hatsina lino tweghala na ipfiha pfa lidongo, ili yoneke ka ingupfu ayo ng’ulu yolawa kwe Imulungu, wala ng’ailawa kuna twetwe bae. 8 Twokandamitsighwa chila ubali, lekeni ng’atuhondeka bae, twopfuka lekeni ng’atukuya kuchughu, 9 twoghanzika, lekeni twokwapfilighwa, twokwasighwa hasi, lekeni ng’atulaghighwa bae. 10 Matsuwa ghose twosola lifwa lya Yesu mlukuli mwetu, ili ughima wa Yesu pfipfila woneka mne ng’uli tsetu. 11 Mana twetwe yatuli waghima, ghamatsuwa ghose twolapfighwa tufe kwaajili ya Yesu ili ughima wake woneke mne ng’uli tsetu itsikufa.

11 Kwaapfila twomanya kumpfuka Imtwatsa chinu chachi, apfo twotenda ka pfatudaha wakwegha iwanu. Imulungu kotumanya pfinoghile, nani nololela mwemwe pfipfila mwotumanya pfinoghile mne imimoyo yenu. 12 Ng’atubama bae kwitunya keli hambele henu. Lekeni twomwing’ani nyafasi ye ukwighoda kwaajili ya twetwe ili mdahe kuwedika awala iweghodela ighakoneka ne tsinenge kubita aghala ighali mmoyo. 13 Hata ka twakoneka tuna lukwale, tuna lukwale kwaajili ye Imulungu na mbutsi tsetu tsinogha kwaajili ya mwemwe. 14 Mana unoghelo wa Kiristu wotulongotsa, sambi twotanga ka imunu yumwe tsakafa kwaajili ya wose, apfo wose tufa hamwe naye. 15 Yeye tsakafa kwaajili ya wose, ili awala iwali waghima waleke kukala kwaajili yawo wenyegho, ila kwaajili ya yeye iyafile kwaajili yawo na iyatsilihulighwe.

16 Apfo kulawa sambi na kughendelela ng’atummanya bae imunu kwa kumlolesa. Hata ka tsatummanya Yesu Kiristu kwa kumlolesa, lekeni sambi ng’atutenda apfo keli. 17 Apfo, imunu ang’awa mghati mwa Kiristu, ayo ka chilumbe cha sambi, ghumwande ghahupa, ghawa gha sambi. 18 Agha ghose ghalawa kwe Imulungu iyatulamlitse twetwe naye imwenyegho kubitila Kiristu na kutwing’a ing’onde yo ukuwalamlitsa iwanu ne Imulungu. 19 Imulungu tsakakala mghati mwa Kiristu tsakailamlitsa iisi na yeye, bila ukupeta nzambi tse iwanu. Naye katwing’a usenga wo ukuwalamlitsa iwanu.

20 Apfo twetwe twosang’ana ka iwanu iwatumighwe ne Kiristu, twolonga ka Imulungu mwenyegho iyolonga kubitila twetwe. Kuya twetwe twomlombani ghendo, mwilamlitse ne Imulungu. 21 Kiristu tsang’akalile na nzambi bae, lekeni Imulungu kamtenda yabape nzambi tsetu, ili twetwe kwa kwilunga naye, tudahe kuwa iwanu wanoghile hambele he Imulungu.

12 Mana ka imunu kobama kulapfa, Imulungu katsobokela acho choyolapfa kwa kulola achila chayalinacho, na si kwa kulola achila chayalihela.

3 Yatunyighwe Imulungu, Aba wa Imtwatsa wetu Yesu Kiristu, Aba wa libatsi na Imulungu iyokanza ghendo. 4 Imulungu kotukanza mna ghamaghayo ghose, ili tuwakanze awala iwali mne maghayo ghoghose ka Imulungu pfayotukanza twetwe.

33 "Nimlongelani aghano ili mkale tseghamba mghati mwangu. Muisi aino mtsodununzika; lekeni mwighangamitse, nene niihuma isi."

33 "Nimlongelani aghano ili mkale tseghamba mghati mwangu. Muisi aino mtsodununzika; lekeni mwighangamitse, nene niihuma isi."

27 "Nowalekela amani, amani yangu noweng’a; na nene siweng’a kama isi pfaitendagha baye. Mleke kughanzika mmoyo mwenu, wala mleke kuwa na wogha.

27 "Nowalekela amani, amani yangu noweng’a; na nene siweng’a kama isi pfaitendagha baye. Mleke kughanzika mmoyo mwenu, wala mleke kuwa na wogha.

18 Hane unoghelo haduhu ukupfuka. Lekeni unoghelo iutimile wowinga wogha. Imunu mwogha ng’atimile bae mne unoghelo, kwaapfila wogha wakutsa kwaajili ya ukupfuka ukuhighighwa.

28 "Mtse kuna nene, mwemwe mwose imghanzika na imdununzighwa na mitsigho mitsito, na nene nitsowatula mbwihile.

28 Mleke kuwapfuka awala iwokoma ilukuli lekeni ng’awodaha baye kuikoma iloho; ila mumpfuke ayula iyodaha kupfihinya pfose, ilukuli hamwe na iloho mna ghumoto ghwa jehanamu.

22 Mtwike IMNDEWA ghumtsigho ghwako, naye katsokwapfila,

yeye ng’atsomleka baye yana ihaki yaghwe.

4 Hata hanibita mna ilubonde luna ligitsa totolo,

sitsopfuka ighehile baye,

kwaapfila ghweghwe kwa hamwe na nene,

ligongo lyako na ing’weku yako pfonikanza.

4 Hata hanibita mna ilubonde luna ligitsa totolo,

sitsopfuka ighehile baye,

kwaapfila ghweghwe kwa hamwe na nene,

ligongo lyako na ing’weku yako pfonikanza.

1 IMNDEWA yuyo ghumwanga ghwangu na ukombotsi wangu,

lelo nene yanitsompfuka nani?

IMNDEWA yuyo ingome ya ugima wangu,

lelo nene yanitsamwonela wogha nani?

14 Umbete IMNDEWA,

uwe na ngupfu, na ghumoyo ghwako ghugangamale,

Ona, umbete IMNDEWA.

24 Mgangamale na mdudumile,

mwemwe mwose yamumbeta IMNDEWA.

8 Imulungu kolonga, "Nene nitsokufunda,

na nitsokulangulitsa inzila ya ukubita,

nitsokushauli, aku inenge yangu yokulolesa.

1 Kuna twetwe Imulungu yuyo yatumtsumila na iyotwing’a ngupfu,

yeye kotwapfila ng’ani mna ghamatsuwa gha ukughaya.

2 Apfo lelo ng’atutsopfuka baye,

hata isi ing’aghalambuka,

na hata ipfidunda pfing’adedema haghatighati ha ibahali,

3 hata ibahali ing’atibuka na kuduma,

hata ipfidunda pfing’adedema kwa ukutibuka ako kwa ibahali.

3 Ahala hanikwingilighwa na wogha,

nene nitsokulolela ghweghwe.

4 Imulungu katsonyapfila nilitunye lilonga lyake,

nene nehuwila Imulungu, apfo sitsopfuka baye.

Angu munu yana ilukuli ilukufa yatsonitenda choni?

17 Uluso wa IMNDEWA, Imlungu wetu uwe na twetwe,

na utsimitse ghoya tsisang’ano tsa ghamoko ghetu,

ona, tsisang’ano tsa ghamoko ghetu utsimitse ghoya.

1 Nakwinula tsinenge tsangu ndole kupfidunda,

ukwapfilighwa kwangu kulawa kwani?

2 Ukwapfilighwa kwangu kolawa kwa IMNDEWA,

Iyaumbile kulanga na isi,

8 Matsuwa ghose nene nimwika IMNDEWA hambele hangu,

yeye kaubali wangu wa kujilo, sitsohighisika baye.

9 Iwanu iwodununzighwa watsomtsumila IMNDEWA,

naye ka ingome mna ghamatsuwa gha ukughanzika.

10 Iwolimanya litaghwa lyako, wehuwila ghweghwe,

ghweghwe, MNDEWA ng’uwaleka baye awala iwokubama.

7 Mwasileni Yeye ghose ghamghanzika, kwaapfila yeye kowatunzani.

6 Muideng’elele imbuli ino, hata ka sambi, kwa chipindi chidodo mwobamighwa mghanzike kwaajili ya ukughetsighwa sideke.

13 Yuhi yatsowalagha ka mwobama ghendo kutenda ghanoghile? 14 Lekeni hata ka mwoghaya kwa kutenda ighomnoghelesa Imulungu, mbweda! Mleke kumpfuka imunu wowose, mleke kughanzika.

11 Lelo mwighume ghumoyo na mwiyapfe, ka pfamtenda sambi.

11 Lelo mwighume ghumoyo na mwiyapfe, ka pfamtenda sambi.

24 Twilolese twetwe kwa twetwe, twighume ghumoyo, twinoghele na kutenda ghanoghile. 25 Kuya tuleke kuleka kwitingana hamwe, ka wamwenga pfawatendagha, ila twighume ghumoyo na tughendelele kutenda apfo, ghendoghendo ka pfamkona litsuwa lye Mtwatsa lya habehi.

5 Mleke kunoghela ng’ani tsisendi, mdeng’elele na ipfinu pfamwinapfo. Kwaapfila Imulungu kalonga,

"Sitsokuleka mbe,

sitsokwasa mbe." 6 Apfo twodaha kulonga bila kupfuka

"Imtwatsa iyo iyonyapfila,

Sitsopfuka bae.

Imunu katsonenda choni?"

58 Apfo ndughu tsangu mwime ghoya, mleke kuhighisika. Matsuwa ghose mghendelele ghendo kusang’ana ing’onde ye Imtwatsa, kwaapfila mmanye isang’ano yamsang’ana mghati mwa Imtwatsa ng’aikwagha hela bae.

13 Mkale meso, mwikindilise mne ukutoghola, mwime chilume na muwe iwanu wane ngupfu.

13 Mkale meso, mwikindilise mne ukutoghola, mwime chilume na muwe iwanu wane ngupfu.

7 Mana Imulungu ng’atwing’ile bae muhe wa kututenda tupfuke, ila muhe wa ingupfu na wa unoghelo na wa ghumoyo wa kwilongotsa wenyegho.

20 Kuya mfalume Daudi kamlongela Selemani imwanaghe, "Ugangamale, wikinde, uleke kupfuka wala kutenyuka, kwaapfila IMNDEWA Imulungu, iyali Imulungu wangu ka hamwe naghwe. Yeye ng’atsokuleka baye, lekeni katsokala hamwe naghwe mbaka hatsitsomala sang’ano tsose tsa ing’anda ya Imulungu.

23 Mna chila sang’ano ng’omu mna faida, lekeni ukulonga kuliyeka komtenda imunu yawe mhingwa.

17 Yesu kawalongela, "Mniwinze, nani nitsowatenda mwemwe muwe iwalowa iwanu." 18 Bahala watsileka nyapfu tsawo, wamuwinza.

2 Imulungu tsakalonga na Isiraeli mndoto nechilo, kalonga, "Yakobu, Yakobu!"

Yakobu kamwidika, "Oo, nokutegheletsa."

11 Malaika we Imulungu kanongela mndoto, ‘Yakobu!’ Nimwidika, ‘Oo.’

11 Lekeni malaika we Imulungu kamkema Abrahamu kulawa kulanga, "Abrahamu! Abrahamu!"

Abrahamu kamwidika, "Oo!"

4 IMNDEWA Imulungu hayonile Musa kakutsa habehi, kamkema kulawa mna ichibagho achila, kalonga, "Musa! Musa!"

Musa kedika, "Ooh."

16 Eli kamkema Samweli, "Mwanangu Samweli." Samweli kamwidika, "Oo, mkulu wangu!"

10 Ako Damasko tsahana imunu yumwe iyamuwinzile Yesu, taghwa lyake Ananiya. Imtwatsa tsakamlongela mne ghamaono, "Ananiya!"

Ananiya kedika, "Ona Mtwatsa."

38 Mariya kalonga; "Nene na imtumwa we IMNDEWA, nendelighwe ka pfaulongile." Kuya malaika ayo koka.

6 "Apfi pfideghe watano ng’awoghulighwa bae kwa sendi mbili? Lekeni kuduhu yumwe wao yosemwighwa ne Imulungu. 7 Hata tsimvili tsili mne mwitwi mwenu tsipetighwa. Mleke kupfuka kwaapfila mwemwe mnogha ng’ani kubita iwapfideghe wengi!"