9 Kumbuka nene ndi mwenikulagizi muni usindimala na kuvya na ukekesi! Kotoka kuyogopa amala kudenyeka mtima, ndava nene Bambu Chapanga waku, nivili pamonga na veve popoha pewihamba."

9 Kumbuka nene ndi mwenikulagizi muni usindimala na kuvya na ukekesi! Kotoka kuyogopa amala kudenyeka mtima, ndava nene Bambu Chapanga waku, nivili pamonga na veve popoha pewihamba."

16 Penapo vandu vakamuyangula, "Katu yati tihotola lepi kuleka kumuhengela Bambu Chapanga na kuyihengela michapanga hingi. 17 Muni Bambu Chapanga, Chapanga witu ndi mweatiwusili tete pamonga na vagogo vitu kumulima wa Misili kwetavii vavanda, tagaweni kwa mihu gitu tavete mambu gachinamtiti geahengili. Akatiyunga mulugendu lwitu lwoha na pagati ya vandu va milima yoha yila yetapitili pagati yavi.

6 Muvyayi vakangamala na ukekesi, katu mkotoka kuvayogopa amala kuyogofya nawu, muni Bambu Chapanga winu ndi mweihamba pamonga na nyenye. Chakaka yati ileka lepi kuvatangatila amala kuvataga."

8 Muni Bambu Chapanga mwene ndi yati akuvalongosa mwene yati ivya pamonga nawu, katu yati akuvaleka lepi. Ndava yeniyo ndi mkotoka kuyogopa amala kuvya yutiyuti."

31 Pa genago goha, tijovayi kyani kangi? Ngati Chapanga avili upandi witu, yani mweihotola kutidivalila?

15 Ndava muni, mwampokili lepi Mpungu mweakuvakita vavanda kangi mweakuvayogofya, nambu mwampokili Mpungu mweakuvakita vana va Chapanga. Ndi tikumkemela Chapanga "Aba," Ndi mana yaki "Dadi!"

2 Kila mmonga witu iganikiwa kumganisa mundu yungi kwa kumkitila gabwina na muni amkangamalisa mu sadika.

5 Chapanga mwakuvapela usindimala na kupoleswa mtima avapela nyenye mpungu wa umonga pagati yinu, pemukumlanda Yesu Kilisitu,

11 Muni ninogela neju kuvalola na kuhanganila pamonga njombi yeakuvapela Mpungu Msopi muni avakangamalisa. 12 Chenijova apa tavoha tikangamalisanayi, sadika yangu yivakangamalisa nyenye, na sadika yinu yinikangamalisa nene.

13 Nihotola kuhenga mambu goha mu njila ya Kilisitu mweakunipela makakala.

6 Hinu nimanya chakaka kuvya Chapanga mweatumbwili lihengu lenili labwina mumitima yinu, yati ayiyendeleza mbaka mu ligono lila la kubwela kavili Yesu Kilisitu.

17 Mundu yoyoha akawungana na Kilisitu ivya mundu wa mupya, mambu ga kadeni gapitili, mambu ga mupya gahikili.

16 Ndava yeniyo nakuvya mumbele, hati ngati higa yitu yilalile, nambu mugati mwitu mipungu yitu tikitiwa vamupya ligono kwa ligono.

17 Mang’ahiso gegakutikolela ndi gadebe, kavili galukumbi ndu, nambu yati gakutipela ukulu mvaha neju wa magono goha kuliku mang’ahiso aga.

7 Hinu, kwa tete tivii ngati vindu vya ludaka mugati yaki vivikiwi vindu vya chimpungu vandu valola hotohoto kuvya makakala genago gakulu gihuma kwa Chapanga nambu lepi kuhuma kwa tete tavete. 8 Magono goha ting’ahiswa, nambu nakusanguliwa, tivya mukuyogopa, nambu nakuvya mumbele, 9 Ting’ahiswa nambu nakutileka changali kutangatilwa. Pamonga na kugwiswa pahi nakukomewa. 10 Lukumbi lwoha tigenda na lifwa la Kilisitu muhiga yitu, muni wumi waki Yesu ndi ulolekana muhiga yitu. 11 Ena, lukumbi lwatitama titindilwa na lifwa magono goha, ndava ya Yesu, muni wumi waki Yesu ulolekana muhiga yitu yeyifwa.

11 Hinu, tete timanyili kumlumbalila Bambu chindu kiki, ndi tisindimala kuvahuta vandu vangi. Chapanga atimanyili hotohoto, na nene nisadika kuvya mewa nyenye mtimanyili bwina neju. 12 Tete tikujilumbalila lepi tavete palongolo yinu, nambu tikuvapela fwasi ya kumekela tete muni muhotola kuvayangula vala vevimeka ndava ya kuloleka cha kuvala kuliku chevavili mugati ya mitima yavi. 13 Yikavya tiwonikini kuvya tipenga, ndi ndava ya kumganisa Chapanga, na yikavya tivili na luhala, ndava ya kuvatangatila nyenye. 14 Ndava tete tilongoswa na uganu wa Kilisitu ndi hinu timanyili kuvya mundu mmonga afwili ndava ya vandu voha, ndi kujova kuvya na tete tiwungini mulifwa laki. 15 Afwili ndava ya vandu voha, muni voha vevitama muwumi, vakotoka kutama ndava ya kujiganisa vene, nambu kumganisa Chapanga mweafwili na kuyuka ndava yavi.

16 Hinu, kuhumila hinu, nakumpima mundu yoyoha muluhala lwa chimundu. Hati ngati lukumbi lumonga tampimili Kilisitu muluhala lwa chimundu, hinu ndi lepi. 17 Mundu yoyoha akawungana na Kilisitu ivya mundu wa mupya, mambu ga kadeni gapitili, mambu ga mupya gahikili. 18 Loha ndi lihengu la Chapanga kutitepulanisa tete na mwene mu njila ya lifwa la Kilisitu, na kutipela lihengu la kuvatepulanisa vandu vangi na mwene. 19 Wenuwu ndi ujumbi witu, Chapanga autepulanisi vandu va mulima uwu na mwene mu njila ya lifwa la Kilisitu, changali kuvalanga kubuda kwavi. Chapanga atipelili tete lihengu la kuvatepulanisa vandu na mwene.

20 Hinu tete tavajumbi wa Kilisitu, na Chapanga mwene ijova na tete kuvayupa neju nyenye. Tikuvayupa neju paliina la Kilisitu, mutepulaniswa na Chapanga. 21 Kilisitu ambudili lepi Chapanga, nambu ndava yitu, Chapanga amkitili agega goha getimbudili, muni tete mukuwungana nayu, Chapanga atikita kuvya vabwina palongo yaki.

12 Muni yikavya mundu ana mtima wa kutangatila, Chapanga ipokela kila chindu chechiwusiwa na lepi chila angalikuvya nachu.

3 Chapanga alumbiwa wa Bambu witu Yesu Kilisitu, Dadi mweavi na lipyana na Chapanga mweipolesa mitima. 4 Chapanga akutipolesa mitima mang’ahiso gitu goha muni na tete tivapolesa mitima vangi vevana mu mang’ahiso ndalindali, kwa kupoleswa mitima wula wetiupokili kuhuma kwa mwene.

33 Nivajovili mambu genaga, muni mvya na uteke mukuwungana na nene. Pamulima yati mwipata mang’ahiso, nambu mkangamala mumitima! Nene niuhotwili mulima!"

33 Nivajovili mambu genaga, muni mvya na uteke mukuwungana na nene. Pamulima yati mwipata mang’ahiso, nambu mkangamala mumitima! Nene niuhotwili mulima!"

27 "Nikuvalekela uteke, nikuvapela uteke wangu. Nakuvapela nyenye ngati vandu va mulima chevikita. Mkoto kuviniswa mumitima yinu amala kuvya na wogohi

27 "Nikuvalekela uteke, nikuvapela uteke wangu. Nakuvapela nyenye ngati vandu va mulima chevikita. Mkoto kuviniswa mumitima yinu amala kuvya na wogohi

18 Pepavili na uganu kawaka wogohi. Ena! Uganu waudandasiki uvinga wogohi woha, muni mundu mweavi na wogohi adandasiki lepi muuganu. Muni mundu mweavi na wogohi iyogopa kuhamuliwa.

28 Mbwela mwavoha kwangu, mwemwing’aiswa na kuyegemewa na ndwika na nene yati nikuvapumulisa.

28 Mkoto kuvayogopa vala vevikoma higa, nambu nakuhotola kukoma mpungu. Mbanga neju kumuyogopa yula mweihotola kukoma higa pamonga na mpungu mumotu wa magono goha wangajimika.

7 Mumlekela mwene mambu geging’aha mitima yinu, muni mwene akuvayangalila.

6 Mhekelela ndava ya lijambu lenilo, pamonga hinu, kwa lukumbi luhupi, yati mganikiwa kung’ahika ndava ya kulingiwa mu njila ndalindali.

13 Wu, yani mweihotola kuvalemasa nyenye ngati mwikangamala kukita gabwina? 14 Nambu, hati ngati yati mwing’ahika ndava ya kukita ga kumganisa Chapanga, ndi mmotisiwi. Mkoto kumyogopa mundu yoyoha, mkoto kuvya mtahu.

11 Hinu mpolesanayi mitima na kutangatilana nyenye kwa nyenye, ngati chamwikita hinu.

11 Hinu mpolesanayi mitima na kutangatilana nyenye kwa nyenye, ngati chamwikita hinu.

24 Titangatilana tavete, tikangamalisana mtima, kuvya na uganu na kuhenga gabwina. 25 Kangi tikotoka kuleka kukonganeka pamonga na kumuyupa Bambu, ngati chevikita vandu vangi. Nambu tiganikiwa kukangamalisana mtima, ngati neju chemwilola, ligono la Bambu kubwela lihegelela.

5 Mkoto kuvya vandu va kugana mashonga, mkola na vindu vyemuvili navyu. Chapanga mwene ajovili, "Katu yati nikukuleka lepi, amala kukutaga." 6 Ndava yeniyo tihotola kujova kwa ukekesi,

"Bambu ndi mtangatila wangu,

yati niyogopa lepi.

Wu, mundu yati akunikita kyani?"

58 Hinu, valongo vangu vaganu, muyima chakukangamala na changanyugusika. Magono goha muyendelela kujiwusa mulihengu la Bambu, ndava mmanya kuvya lihengu lemwihenga kwa Bambu liyaga lepi waka.

13 Mvya mihu, mukangamala musadika yinu kuyima, muvya vakekesi na vemuvi na makakala.

13 Mvya mihu, mukangamala musadika yinu kuyima, muvya vakekesi na vemuvi na makakala.

7 Muni mpungu wetipewili na Chapanga lepi ndava ya kutikita tivya na wogoyi, lepi, ndi Mpungu waki weukutipela makakala na uganu na kujilongosa mwene.

17 Yesu akavajovela, "Munilandayi, na nene yati nikuvapela lihengu la kuvaleta vandu kwangu ngati chemwilova somba." 18 Bahapo ndi vakazileka ngwanda zavi vakamulanda.

2 Chapanga akalongela na Isilaeli mumaono kilu, akamkemela, "Yakobo! Yakobo!" Yakkabo akayidika, "Ee nikuyuwana."

11 Ndi Mtumu wa Chapanga kajova na nene mu ndoto, akanikemela, ‘Yakobo.’ Nikamyangula, ‘Eee, nivi apa.’

11 Nambu mutumu wa Bambu akamkemela kuhuma kunani kwa Chapanga, "Ibulahimu! Ibulahimu!"

Mwene akayangula, "Nivi apa."

4 Chapanga peamlolili Musa ihegelela kuyilola dasi, akamkemela kuhumila pagati ya dasi, "Musa! Musa!"

Na mwene akayangula, "Mwee."

16 Nambu Eli akamukemela, "Msongolo wangu Samweli!" Samweli akayangula, "Nene apa."

10 Damasko kula ndi kwavili na msadika mmonga liina laki Anania. Mwenuyo akemeliwi kujovewa na Bambu mumawono, "Anania!"

Mwene akayidika, "Nivii apa, Bambu."

38 Maliya akajova, "Nene nivii penapa namvanda wa bambu, nikitiwayi ngati chaukajovili." Ndi mtumi wa kunani kwa Chapanga akawuka.

6 "Yimanyikini kuvya mayeluyelu mhanu ziguliswa kwa mashonga gadebe neju, nambu kawaka hata njasi yimonga yeyikosiwa na Chapanga. 7 Hati umahele wa mayunju ga mitu yinu zimanyikini kwa Chapanga. Mukotoka kuyogopa, nyenye mwitopela neju kuliku mayeluyelu gamahele!"