Encorajamento
O encorajamento é uma das vocações mais lindas do cristão. A Bíblia transborda de palavras de ânimo: não temas, levanta-te, Eu sou contigo. Deus nos encoraja para encorajarmos outros.
Não temas
Deus diz repetidamente: não temas, Eu sou contigo. Ele fortalece, sustenta e caminha ao nosso lado em cada desafio.
kae tuh na kya ka um keiccuze
na thinphang nan sah,
kae tuh na Pachia
ka thua keiccuze rih nan;
nang kha thawzung kae pya cih zah,
kae bawm cih, taenaw a hoipaw
ka ranglang kuih te nang kha
kae thungkhaw cih.
Tui alepaw kha he na ke vae ze,
na kya ka um cih;
vawpi hae kha he na ke vae ze,
ae vu lan khyh;
maee lungkhu he na ccia vae ze,
ae u lan khyh,
maeephu nynh nang kha
ae u kho lan khyh.
Nang tuh ka muihnaw kya
aphutepaw na thua keiccuze
sawtuanaw kae pya zah kae sungsah,
tukeiccuze nang kha khum khylan
ccungccaw hae kha ka vua hae zah,
nang na hiinnaw hanlan
minphuin hae kha ka vua hae.
Rih nan, na kya phang ka um;
nithua langte na ciihan hae kha
ka cciakhae cih hae zah,
niccaw langte nang kha kae suelua cih.
Na thinphang nan sah,
pawccecize maethyanaw
na mue lan khyh;
na thawthah nan sah,
pawccecize thethyanaw
na ccou lan khyh;
na liaccaw lya-e maethyanaw kha
na ning cih zah,
nomaenung lang na la tang lya-e
thethyanaw kha
na liathui vae lan khyh.
Kae yn ngia lei hae paw nynh
mue lanpaw te kae yn ccung lei hae paw nynh
yn muih lan hae paw kha
paccynkute ka um.
"E kya mang ka um, e kya mang ka um," cite
ka min yn ko leipaw
minphuin kha ka hopya.
thuasalama Bawipaw
a ngaehoikuh hae paw tuh
thawzung thawpaw a hoi cih hae,
mosipi hawte mih sake te
a zouthung cih hae,
a ccue hae ze bang lan khyh hae,
a ccia hae zemah mih thawthang lan khyh.
Te Bawipaw nynh, "Hummou ka saw cih? Kaening hanlan hummou a cceih cih?" cite a hopaw roi kha ka thae. Te kae nynh, "E kya mang ka um; kae hynh yn saw!" ka ci.
Kae nynh kaw phe kae pya vae khaw: Na thawsaesakuh lah, na rawthungsakuh; rih nan, na bungzou nan sah; pawccecize Bawipaw na Pachia tuh na ccianaw miakaw kya na kya a um," a cipya.
Kae nynh kaw phe kae pya vae khaw: Na thawsaesakuh lah, na rawthungsakuh; rih nan, na bungzou nan sah; pawccecize Bawipaw na Pachia tuh na ccianaw miakaw kya na kya a um," a cipya.
Ccungccaw balyn nynh, "Bawipaw kha pachia ccangpaw beik taw lan zah, vua lan kae ci boi lan khyh! Pawccecize Bawipaw kae Pachia tuh kaening te kae minpaaw hae kha seetangnaw inn, Izip ram kyate oun poukhaetu te kae mit nynh a muihnaw kya syntawnaw alepi a raetu te kae ccianaw takyhte kae thuanaw minphuin hae balyn kyate oun hiinsahtu nynh thua.
Nae thawsae sah lah, nae rawthung sah; rih nan oh lah, thyngkuh nan oh, pawccecize nanning ryte a cceihpaw tuh Bawipaw nae Pachia nynh thua; nanning kha ae cciataw lan khyh oh zah ae vua lan khyh oh," a cipya hae.
Na malang a cceihpaw tuh Bawipaw nynh thua. Nang kha ae umkhae cih; nang kha ae cciataw lan khyh zah ae vua lan khyh. Rih nan lah, na lungroh nan sah," a cipya.
Deus está conosco
Se Deus é por nós, quem será contra nós? Tudo posso naquele que me fortalece. Ele nos encoraja pela sua presença.
Tuhteze hynh-e uccaw hae kong hynh pawtemou ah ho cih oh? Pachia tuh aening kalan a pan ze, hum nynh mou oun rawse kho cih?
Pawccecize nanning nynh bua a rihthyapaw see thinlung kha Pachia kyate mue leite, ccaaw thinlung kha nynh na mue oh. "Ka Paaw! Ka Paaw!" cite aening nynh ah sia vae oh ze,
Aening lu raveih nynh ah innpaw paw elang hoynaw kha tuate zynnaw kya a lethung nawlan a rynaw kha ccungpah oh sih.
Ngaesangnaw te thawpyanaw Pachia nynh Khri Jesu rynaw thyhte lu kheit te lu kheit lunglokute na um nawlan oh ae bawm vae oh sah.
Pawccecize nae thawzung tynsahnaw lanpaw muisaw lasung abang kha neethung khylan myarya kae muih ry oh. Tuh-e tuh nanning te kae nynh zynnaw raveih khate thawzung ah pyaku kalang ccaw oh cipaw nynh thua.
Thawzung yn pyatupaw Khri liate pawpaw balyn ka cyih kho.
Nanning kya ahoypaw ryalaw a thotu Pachia nynh Jesu Khri Nin a thua cia tuh-e rya tuh a ccingsah cih cite zynkunaw ka hoi.
Tukeiccuze humhung zemah Khri kya a um lanze, aning tuh rae thawpaw ccungccaw nynh thua; arynpaw uccaw miakaw tuh marya zo zah, pawpaw balyn tuh athawpaw lang a tang vae.
Tukeiccuze kae lungthang khyh. Atolang e kae pyn tuh roh salamah, alungkhu lang e kae muisaw tuh nin kheit koute nin kheit thawsah athua.
Pawccecize sosohtari kae teingpaw, zawbahaepaw hynh-e vawsawnaw nynh khinkhia kho leipaw, myarya akhinccipaw zungzae phu-enaw kha kae hanlan oun paccynpya.
Thuasalama hynh-e ahang huaccepaw thungnaw tuh kaening kya-e thua leite Pachia kya-e nynh thua cipaw langsaku nawlan, kaening nynh laephi ang hae kya hynh-e sisua hynh kae hoi. Vawsawnaw aphuinphuin kae tung salamah koi tuh kae koi khyh; kae lungvawsaw salamah kae lungthang khyh; tuaasahnaw kae ing salamah ccaring vua kae thua khyh; oun khulia hae salamah ro kae thua khyh. Jesu a hiinnaw kha mah kae pyn kya a langku ccaw cite Jesu a chinaw kha kae pyn kya zungzae kae phubia. Pawccecize Jesu a hiinnaw kha a chihthyapaw kae pynsaw kya a langku ccaw cite, kae hiin lungkhu balyn Jesu keiccuze chinaw kalan palei oun ap hae.
Tukeiccuze Bawipaw rawrinaw kha ny biate, ccungccaw hae kha kae soih hae; thuasalama kaening tuh Pachia nynh hoyte oun nypaw nynh kae thua, nanning nynh mah nae thinlung kya hoyte nae nyh cih oh cite ka ngaehoi. Nae kyakhe kaemaw te kaemaw kha bua kae thehoysakuh khyh, thuasalama thinlung kha do leite atolang muihpaw kha dote a pookuh hae paw bya kha na khung kho nawlan oh, kaening konglang kha pookunaw kaw kae pya oh. Pawccecize kaening tuh lungkyh lei hae paw kae thua ze, Pachia hanlan nynh thua; lungkyh hae paw kae thua ze, nanning hanlan nynh thua. Pawccecize Khri sungsahnaw nynh kaening kha phe oun uk vae, pawccecize ccungccaw lu kheit nynh ccungccaw balyn hanlan a chi keiccuze ccungccaw balyn tuh a chih vae hae cipaw kaening nynh kae ny. A hiin hae paw nynh mimaw hanlan hiin vae leite, mih hanlan chih zah bua a thoothuipaw hanlan a hiin ccaw hae cite nynh aning tuh ccungccaw balyn hanlan a chi.
Tukeiccuze atu te vae tuh hum sanmah ccungccaw thuanaw mit te kae do vae khyh; vaekheih lyaze ccungccaw thuanaw mit te Khri kha kae la do zemah atu vae tuh tuhte kae do vae khyh. Tukeiccuze humhung zemah Khri kya a um lanze, aning tuh rae thawpaw ccungccaw nynh thua; arynpaw uccaw miakaw tuh marya zo zah, pawpaw balyn tuh athawpaw lang a tang vae. E hae balyn tuh Pachia kyate nynh thua; Pachia nynh Khri liate aening kha amaw ryte bua oun ccawsakuthui zah, ccawkuthuinawpaw rya kha kaening oun pya; tuh-e tuh, Pachia nynh laephi ccungccaw hae mih cyiseinaw kha ccuinpya vae leite, Khri liate minmin kha amaw te bua a ccawsakuthui hae, tuh-e ccawsakuthuinawpaw bya tuh kaening kya phe oun ap vae. Tukeiccuze kaening tuh Khri hanlan locceihtu hae nynh kae thua; Pachia nynh kaening kha mangte ae hyy oh; nanning nynh Pachia te bua na ccawkuthui nawlan oh, kaening nynh Khri ccelang kae ngia oh. Pawccecize Pachia nynh seinaw a hoi leipaw kha aening keiccuze seinaw a hoipaw lang a tangsah, tuhteze nynh aening tuh tuh-e paw kya Pachia miding lang ah tang kho cih oh.
Pawccecize pya rynaw thinlung a um lanze, ccungccaw nynh a hoi leipaw kha do leite a hoipaw uccaw kha dote, Pachia nynh a lasung kha a ccoupya.
Ngaethyaumsahnaw Paaw te ngaengansahnaw balyn Pachia athuapaw, ah Bawipaw Jesu Khri a Paaw, Pachia tuh thehoyte um sah. Pachia nynh aening ah ngae oun ngansahnawpaw, ngaengansahnaw khate vawsawnaw aphuinphuin a tung hae paw kha aening nynh ngaengannaw ah pya kho nawlan oh, ah vawsawnaw balyn kya aening kha ngaengannaw oun pya.
Ânimo nas lutas
No mundo tereis aflições, mas tende bom ânimo — Eu venci o mundo. O Senhor é refúgio seguro em toda tribulação.
Nanning nynh kamaw kya daenaw na hoi nawlan oh hynh-e bya hynh kae hopya oh. Nanning nynh laephi kya vawsawnaw na tung cih oh; thuasalama nae rawhoy sah; laephi tuh ka tae vae," a ci.
Nanning nynh kamaw kya daenaw na hoi nawlan oh hynh-e bya hynh kae hopya oh. Nanning nynh laephi kya vawsawnaw na tung cih oh; thuasalama nae rawhoy sah; laephi tuh ka tae vae," a ci.
Nae kya daenaw kae cciatawpya oh, ka kya-e daenaw kha kae pya oh; laephi ccungccaw hae nynh a pya hae hawte kae pya khyh oh. Lungvawsaw lungriathaete um nan oh, ri mah rih nan oh.
Nae kya daenaw kae cciatawpya oh, ka kya-e daenaw kha kae pya oh; laephi ccungccaw hae nynh a pya hae hawte kae pya khyh oh. Lungvawsaw lungriathaete um nan oh, ri mah rih nan oh.
Sungsakunaw kya tuh rinaw um khyh, accingpaw sungsakunaw nynh tuh rinaw kha ccaring a dee. Pawccecize rinaw tuh detahnaw te akyngkuhpaw thua zah, rinaw a hoipaw ccungccaw tuh sungsakunaw phe ccing lan hoi loh khyh.
Promessas de conforto
Vinde a mim os cansados e sobrecarregados. Lança sobre Ele tuas ansiedades, pois Ele cuida de ti.
"Riathae hae paw te phupaw ri hae paw balyn ka kalan rang oh lah haeungnaw kae pya cih oh.
Pyn tuh theih kho salamah muisaw a theih kho lei hae paw kha la rih nan oh; muisaw te pyn kha parouhte hell kya a roh khopaw raw kha la rih oh.
Na phupaw kha
Bawipaw kya nung lah,
nang kha ae bawm cih;
miding kha shungnaw
kharouh pya boi lan khyh.
Amoh huaccepaw chinaw hunghua kya
ka ccia zemah,
vawsawnaw kha ka rih lan khyh;
pawccecize nang nynh kae kha
nae umkhae;
na tungbang te na hoitang nynh
ka ngae yn ngansah.
Amoh huaccepaw chinaw hunghua kya
ka ccia zemah,
vawsawnaw kha ka rih lan khyh;
pawccecize nang nynh kae kha
nae umkhae;
na tungbang te na hoitang nynh
ka ngae yn ngansah.
Bawipaw tuh ka awnaw te
kae yn khumtu nynh thua;
Hum raw mou ka rih cih?
Bawipaw tuh ka hiinnaw
a rekunaw nynh thua;
Hummou ka ripah cih?
Bawipaw kha ngaehoikuh oh;
nae thawsaesakuh oh lah,
rawthungnaw thinlung hoi oh;
Bawipaw kha ngaehoikuh oh!
Bawipaw a ngaehoikuh hae paw
nanning balyn, nae thawsae sah lah,
nae rawthung sah.
Nang kha kae thuihei cih zah
na zui lanpaw laanpi kha kae ccangpah cih;
nang kha tuanaw pyate kae do-oih cih.
Pachia tuh aening khynnaw te
thawzung nynh thua,
vawsaw ccyh lya zungzae
oun bawmtu nynh thua.
Tukeiccuze laephi tuh nuekuh zah,
mua hae tuh hy hae zah
rili lungkhu lang a ccaw hae zemah
kae rih lan khyh;
rili tuh tuileih thote aroi ccae zah
a thyhleihku zemah,
mua hae tuh a hy hae zemah,
kae rih lan khyh.
he ka ri vae ze,
nang kha kae doliaku.
Pachia bya kha the ka hoysah,
Pachia kha ka doliaku keiccuze
ka rih khyh;
ccungccaw nynh pawmou
yn cyih kho cih?
Bawipaw kae Pachia kya-e
maehoynaw tuh kae tungvaw
um sah lah,
kae cyipaw ryalaw tuh kaemaw elang
hoynaw um sah,
Kae kuih nynh rya a lawpaw kya
kae laan kae sui ua vae sah.
Mua langkhe ka dothung—
tei kyate mou ka hanlan
bawmnaw yn thua cih?
Ka hanlan bawmnaw tuh
vaaw te lae a raetu
Bawipaw kyate nynh yn thua.
Bawipaw tuh ka mitmaevaw kya
tyty a um;
aning tuh ka ranglang khe a um keiccuze
pawpaw nynh mah
yn piasah kho lan khyh.
Bawipaw tuh tuaasahkunaw
a teing hae paw hanlan
rekunaw thua zah,
vawsaw tung lya rekunaw nynh thua.
Te na min a nyh hae paw nynh
nang kha ae doliaku hae,
pawccecize, pou Bawipaw ,
nang ae ccung hae paw kha
na vua boi khyh hae.
Aning tuh nanning ae do-oih oh paw athua keiccuze nae thinphangnaw balyn kha amaw tungvaw khaleih nung oh.
Nanning tuh atu lya syntawnaw aphuinphuin keiccu aho lanze sosoh nae ngaethya zemah, hynh-e kong kyahin nae lungpaw sah.
Nanning tuh hoynaw a rae rypaw na thua oh ze, hum nynh mou vawsaw ae pya cih oh? Thuasalama dingnaw keiccu na teing oh ze, hythua ccoupaw nynh na thua oh. Minmin hurawnaw kha rih nan oh, nae lungvaw mah saw nan sah.
Encorajar uns aos outros
Encorajai-vos mutuamente e edificai-vos uns aos outros. Não desanimemos — a bondade do Senhor é nova a cada manhã.
Tukeiccuze na cyimae oh hawte thawzung pyakuh kalang oh lah, lu kheit te lu kheit tynsakuh oh.
Tukeiccuze na cyimae oh hawte thawzung pyakuh kalang oh lah, lu kheit te lu kheit tynsakuh oh.
Sungsaku nawlan te ahoypaw rya kha law khylan lu kheit te lu kheit pawtemou lungthosaku lan cipaw kha tua kalang oh sih. Ccungccaw abang nynh leih a cyimae hae hawte pynkheihlan pumkunaw kha umtaw leite, lu kheit te lu kheit thawzung pyakuh oh sih, Ninsaw tuh houhouh yn naekuh vae cipaw kha na muih oh hawte thawzung houhouh pyakuh oh sih.
Nae hiinzia tuh phua a duaa leipaw thua sah lah, na hoi oh paw uccaw hae khate nae lungryachih sah. Pawccecize Pachia nynh, "Nang kha kae cciataw boi lan khyh zah kae vua boi lan khyh," a ci. Tukeiccuze,
"Bawipaw tuh
kae yn bawmtu thua zah
ka rih lan khyh.
Ccungccaw nynh
pawmou yn cyih kho cih?"
cite rawhoyte ah ho kho cih oh.
Tukeiccuze ka sungsahpaw uteno hae, Bawipaw kya nae ryalaw tuh alakawpaw thua khyh cipaw na ny oh keiccuze tynkaring lan, nue kho um lei lante um oh lah, Bawipaw rya kha zungzae lah oh.
Raeringkute lungkyhrarih lan um oh, zynnaw kya tynkaring lan thadyn oh, nae rawthung sah, nae thawsae sah.
Raeringkute lungkyhrarih lan um oh, zynnaw kya tynkaring lan thadyn oh, nae rawthung sah, nae thawsae sah.
Pawccecize Pachia nynh rawthyanaw muisaw kha aening oun pya khyh, thuasalama thungnaw, sungsakunaw, te mawtemaw yhku khonaw muisaw kha nynh oun pya.
David nynh a ccapaw Solomon kha, "Na thawsaesakuh lah, rawthungte ryalawtua. Rih nan, na bungzou nan sah; pawccecize Bawipaw Pachia, ka Pachia tuh na kya a um. Bawipaw inn kya ryalawnaw hanlan rya miakaw na lyn mawlaezung aning nynh nang kha ae vua lan khyh zah shungnaw ae pya lan khyh.
Bawipaw na Pachia tuh
na ngaelung kya a um,
taenaw ae pyapaw
athungpaw nynh thua;
na tungvaw a lungtua cih zah
a lungpaw cih,
a sungsahnaw kyakhe
nang kha ae thawsah thui cih;
poi nin lya hawte phe ccae lan
hlawsah te na tungvaw
a lungtua cih,
Bawipaw nynh a hopaw tuh: Nanning hanlan ka hoipaw paccynnaw hynh ccaerarih lan ka ny, tuh-e paccynnaw tuh nanning hanlan vawsawnaw thua leite hoynaw thua zah, ngaehoinaw a umpaw malang ccyh kha pya khylan nynh thua.
Ryalaw rupaw miakaw kya
thanenaw a um,
thuasalama bya kyalya
honaw nynh tuh
ryachinaw rou kha nynh athuakhae.
Jesu nynh minmin kha, "Kae hynh yn zui oh lah nanning kha ccungccaw kyngtu hae lang kae rae cih oh," a cipya hae. Vaekheihmawte mih mia kha cciataw hae zah amaw kha a zui hae.
Deus chama pelo nome
Ao longo da Bíblia, Deus chamou seus servos pelo nome — Abraão, Moisés, Samuel, Paulo — encorajando cada um pessoalmente.
Pachia nynh Israel kha khuazi vizin kyate, "Jakob, Jakob," cite ko zah Jakob nynh, "Hein kya mang ka um," a ci.
Oute ka maan kyakhe Pachia vaawpaw nynh, ‘Jakob,’ cite yn ko zah, ‘Hein kya mang ka um!’ ka cipya.
Thuasalama Bawipaw vaawpaw nynh vaawlang te, "Abraham, Abraham!" cite ko zah Abraham nynh, "Hein kya mang ka um," a ci.
Moses nynh dotua lan a ccianua vae cipaw Bawipaw nynh he a muih tuh, thabu kyate Pachia nynh, "Moses, Moses," cite a ko. Moses nynh, "Hein kya mang ka um," a ci.
Eli nynh Samuel kha, "Ka ccapaw, Samuel," cite ko zah, Samuel nynh, "E kya mang ka um," a cipya.
Damaskas khua kya Ananias a ci hae paw zuitu lu kheit a um; Bawipaw nynh tuh-e paw tuh vizin kyate, "Ananias" cite a ko. Aning nynh, "Bawipaw, hein kya mang ka um," a cipya.
Mary nynh, "Kae tuh Bawipaw seenung nynh ka thua, na bya hawte ka tungvaw thua vae sah," a ci. Te vaawpaw tuh Mary kyate phe a cceih.
Rithya sa pangaw kha phuapia pia ning lang a zua hae khaw? Tuh-e rithya sa kheit sanmah Pachia nynh ning khyh. Nae lu kya-e nae sangrua heize marya ria athua. Tukeiccuze rih nan oh; nanning tuh rithya hae patae laeze na sunghua oh.